ZLI VIRZI 2:2 - Bible en langue guiziga

² A dirba Buymisemuŋ mikiɗa mi ngi slra naŋ gar na, a gi slra ar hin mitarnaˀ naŋ mata.

ZLI VIRZI 2:2 ပူးပေါင်းရင်းမြစ်များ

ZLI VIRZI 1:31

Buymisemuŋ a pura gwat naŋ miga taŋ gar na, kuyu gwatta. Hiikuɗ a ji, yo li a wun, hana i hin mimerkeɗ naŋ.

ZLI VIRZI 2:3

A ɗuwula mi da hin nah, i hin nga naŋ. Asi angi hin nah na, a gi gwat mata.

BI NGI ISRAYELEY 23:12

Gwat ngi gi ngi gi gar na, kisa gaka angi hin merkeɗ, amma hin mitarnaˀ naŋ na, ki gam slra ta, ɓa sla kumoy ati zungu kumoy a musukam vu, ɓa gawla kumoy ati moholoyoy misi asi hirwuy kumo, a fam himiɗi.

BI NGI ISRAYELEY 31:15

Vur luuma gar na, hin ngi gi slra ada merkeɗ, amma hin mitarnaˀ naŋ na, i sabat, pas musuka vu, hin muvula le da ya. Ko wa gar migi slra le tapas sabat na, a sa kiɗaka vagay.

BI NGI ISRAYELEY 31:17

Hin nah na, i gwat masa biga Israyeley mujom ati ya vuna. Naŋ kine, i ga muŋ ati gwat ngi raˀahay gar, yo hirwuy ati gwat ngi raˀahay gar na, angi hin merkeɗe, amma angi hin mitarnaˀ naŋ na, i cica slra ɓa i musuk vu.»

EZAYI 58:13

Kaɓa ani: «Tapas sabata, da k'anta gi slra ta, ar hin ɗu mipala, k'anta gi terere ta, da ki ra zila hin ngi sabata, i hin ngi «mumul», yo hin mipal nga ya Bumbulvuŋ, ki ra zila hin «mupuɗaw», da ki ra ɗuva hirnga da hin nah kuy kuy, ti pula gi slra ati pula gi terere, waɗ pula gi mi kuliŋ kuliŋ na,

Ɓimezle ngi Yesu Kristu ZAŊ mitil di mi 5:17

Amma Yesu a mbiɗa taŋ di: «Baha ara gi slra hã wurenna, yo ya kwana, i ra gi slra ya.»

Slu cuw 5:14

Amma hin mitarnaˀ naŋ na, i Sabat, hin nga ya Bumbulvuŋ Buymisemuŋ ɗik. Ki gi slra ta, ko ka, ko mangal ɗik, ko zuŋ ɗik, ko gawla ɗik, ko ngwas migi slra ɗiki, ko sla ɗik, ko zungu ɗik, ko ginew ɗik wanaka gar, ko moholoy ngir walahay ɗikey. Kanah na, ɓa gawla ɗik ati ngwas migi slra ɗikeye, a musukam vu kaɓa ka vuna ya.

HEBEREY 4:10

Vur mbur gar mici le ng'ar li muskavu nah na, a zla muska vu avu slra naŋ le, kaɓa Buymisemuŋ mumusuk vu avu nga naŋ na ya.

HEBEREY 4:4

Asi a ɓam ar Ɓimutoho vur hin mitarnaˀ naŋ na: «Angi hin mitarnaˀ naŋ na, Buymisemuŋ a musuk vu le avu slra naŋ gar.»