ZLI VIRZI 12:1 - Bible en langue guiziga

¹ Akẽh na, Bumbulvuŋ a ɓa Abrama: «Bi, pula hirwuy ɗik, muy ɗikey ati hay ngi bunuko. Aru nga hirwuy, ya masa buguw di.

ZLI VIRZI 12:1 ပူးပေါင်းရင်းမြစ်များ

HEBEREY 11:8

Abrahama, Buymisemuŋ mizilaŋ, naŋ micinaŋ mi, aru nga hirwuy Buymisemuŋ miɓi a sa vulaŋ di, yo a cuh, manja a si na li naŋ maru ng'ara vuna na, asi tiɓi.

NEHEMI 9:7

Bumbulvuŋ, Buymisemuŋ, muwuna Abraham i kaha. Mubo di baɗ ar walahay Ur, hirwuy Babiloŋ, Yo micaŋ slimiɗe, Abraham na, i ka vuna!

EZAYI 51:2

Puraka Abraham cine kum, yo Sara muyi kum. Asi mike na, Abrahama, ti ya mizilaŋ na, naŋ zleˀe manja zuŋ, dar yi ɗuwulaŋ mi, yi sikaŋ haɗa.»

ZLI VIRZI 15:7

Buymisemuŋ a ɓa Abrama na: «I ya Bumbulvuŋ mubo ti ka ti Ur, hirwuy Babiloŋ, ɓa i vuluw hirwuy hana, a ndir da ka.»

EZEKIYEL 33:24

«Ka mburu, mizli mindiram ar diŋ ngi si ruwuy Israyeleye, a ɓam: ‹Abraham mipal naŋ zleˀe tekeɗe, a tiɓa hirwuyo le da naŋ. Sokkota ndra mihaɗa na jak kwa, hirwuy i muvula le ɓa a ndir da ndra.›

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

EZAYI 41:9

kum, ya musupokum hã asi ruwuy mira kiɗo mi, kum, ya muzulokum zle ar li mikileŋ kileŋhey, kum, ya muɓukum: «Kum i gawla ɗuwoy, i wunukum le, i zliɗukum avra ta.»

ƁIMUNJUYO 18:4

I cin ˀay kaɓa ngi mbur paɗ ti muŋ ma, a ɓi: «Aw mizli ɗuwoy, bam tir walahay madiɗa ng'avra. Vur kum masa cam ar mungra naŋ na, yo vur kum masa lumam bonoy muɗuvaka hĩˀĩ vur naŋ na.

ZLI VIRZI 20:13

Ti Buymisemuŋ mubo ti ya wuk avu hay ngi baha na, i ɓa ngwas ɗu Sara: ‹Ar li ndra masa ram ara gar na, giy mezle, ɓi: Ki i sukum ɗu.›»

ZLI VIRZI 24:4

Amma kisa ru nga hirwuy ɗu, a wuzla muy ɗuwoy, ki ra zuɓa ngwas da mangal ɗu Izak a diga.»

ZLI VIRZI 26:2

Bumbulvuŋ a biga vu da Izaka, a ɓaŋ: «Ki pi sar nga Ezipte ta, amma ka cifi angi hirwuy ya masa buguw di.

EZAYI 37:12

Mizli ngi si ruwuy Gozaŋ ati ngi Haraŋ waɗ ngi Resefeye, dideˀ ɗu mudumbuŋhoy a ngizlaka taŋ le, waɗ mizli ngi Telasaray, walahay hirnga ngi dideˀ ngi Edenheye. Kuli ngi sukwi ngi mizli ngi si ruwuy tayna vuna, a lahaka taŋ le sukwani?

ZLI VIRZI 24:7

Bumbulvuŋ, Buymisemuŋ a zuɓo ya baɗ a hay baha, baɗ angi hirwuy ngi muy ɗuwoyo, a ɓiy le, yo a hudum le, a ɓi: I sa vula hirwuy hana da dideˀ ɗikey, yo i naŋ masa slina modro naŋ a mbuŋ ɗike, kisa zuɓo ngwas da mangal ɗu a diga.

ZLI VIRZI 24:38

Hudum, ɓa ki ra zuɓiy ngwas da mangal ɗu a hay baha, a wuzla muy ɗuwoy.

SLUFA VU 10:30

Hobap a mbiɗaŋ di: «y'anta ru ta, zuwen ya mami nga ruwuy ɗu, nga wuzla muy ɗuwoy.»