ZEREMI 9:9 - Bible en langue guiziga

⁹ A muwãhaya, i niˀic ɗu macin deŋ, ar gezleŋ ngi ginewey a pala, i tuwuy ɗu kaɗam kaɗam, asi a wuraka gwataya le gar, ko mbur macuh ti diga anta mata, anta cinam wus ngi ginew a diga mata. Ɗiyuwoy, gwat misãmihey, gwatay gar a kilam le, gwat loŋ anta mata.

ZEREMI 9:9 ပူးပေါင်းရင်းမြစ်များ

EZAYI 1:24

Vurˀe, ya Bumbulvuŋ, Buymisemuŋ misi gidaŋ wãˀ, Bugawla ngi Israyel i ɓi na: «Kay! Mizli mazliram ti ya tahay na, i sa mbiɗa taŋ hirnga, yo mesene ɗuwoyo, i sa pula cuwal ɗu ar taŋ.

EZAYI 10:3

Ti hin Buymisemuŋ masa kuti vu ti bonoy, yo burgataŋ masa so zle kileŋ na, kisa gam mbrike? Ki sa kilam ng'avi wa ɓa a jini ˀis asi kumo ka? Ki sa paka zlili kumoy amaka?

EZAYI 57:6

Kikirzleŋhey kum maguɗumaka taŋ ar hurjijiŋ na, mi ngi kum i nah so. Ki puslam di i taŋ ti mbaazla, ki zlumam taŋ gwat ngi mikuli. Bumbulvuŋ a cufuɗu: «Tayna gar na, ɓa a tislikiy mevel sukwa?»

ZEREMI 12:11

A tiram di diŋ le cay, n'ani cay a mbuŋ ɗu, sey tuwuy. Hirwuy gar a ndir le daŋ daŋ, ko mbur mawulka ɓi nah anta.

ZEREMI 12:4

Hirwuy ara tuwuy vagay, yo giziŋ ngi ɓuh gar a ro hiikom. Na a sa kiɗ mi, hã ti vunaka? Gwat misãmi ngi ɓuhoy ara ngizlam, asi moˀore ngi mizli ngi ruwuy tayna, taŋ a ɓam na: «Gwat ndra magaka na, Buymisemuŋ anta pura ta.»

ZEREMI 4:25

I pur keɗ keɗ na, mbur loŋ anta mata, yo ɗiyuwoy gar a kilam le.

ZEREMI 5:29

Na sey i mbiɗa taŋ hirnga takwa? I ya Bumbulvuŋ maɓi. Na sey i pula cuwal ɗu avu sukwi ngi mizli misi kahanayna takwa?

ZEREMI 5:9

Na sey i mbiɗa taŋ hirnga takwa? I ya Bumbulvuŋ maɓi. Na sey i pula cuwal ɗu avu sukwi ngi mizli misi kahana na takwa?

Ɗerewol OZE 4:3

Yo ma na, ruwuy a ndir le ɗoɗok, mizli ngi rahay gar a roko hĩhĩyãm, jom ti gwat misahmi ngi ɓuhoy ati ɗiyuwoyo. Kilif ngi si yamay kwana, a sa ngizlam kap aya.»

ZOWEL 1:19

Ya matil mi na ng'avi ka Bumbulvuŋ: vu ara zuma li jigina ginewey a ɓuh, irne vu njilim njilim, ara zuma widis ngir guvahaya cek.

AMOS 5:1

Israyeley, cinaka mingiɓi ani, ya maɓa a hirnga kumo.

AMOS 5:2

Israyel, zuŋ diili a diɗ le, naŋ anta slikiɗ mata ndiɗaˀ. A ro simtraˀ a ruwuy nga naŋ, ko mislikiɗ naŋ deŋ anta.