ZEREMI 9:6 - Bible en langue guiziga

⁶ Bumbulvuŋ misi gidaŋ wãˀa, a ɓi na: Yo mbak ɗagay so! «I sa pa taŋ ti vu ar kukutu kaɓa mapam ɓiri, ɓa i pura taŋ, zliv taŋ mbrike na. Kay! vur moˀore ngi mizli ɗuwoy na, i sa ga taŋ gwat mi, mbak hana vuna le maka?

ZEREMI 9:6 ပူးပေါင်းရင်းမြစ်များ

ZEREMI 13:10

Mizli malambaˀ tayna mangumam cine mingiɓi ɗu ta, macicam kaŋ kaŋ ti cin ta taŋ, yo masipam kulihey, mahuruk hurukam, waɗ mahurukom a mbuŋ taŋ na, anja a tiram kaɓa kanda nah, mihirya le fuk wãˀ na.

ROMAHAY 1:28

Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

Ɗerewol OZE 4:6

Mizli ɗuwoy a taˀaka mi lek lek ngi wãˀ, asi a sinikiy ta. Ka mungum siniy mata na, ya kwana, y'anta sa ngum i sunuw ta ya, ki masay ɗu mata. Ki puyuk hirnga ti gwat Buymisemuŋ ɗik mudubunuw di le, ya kwana, yi sa puyuk hirnga ti ziri ɗikey aya.

ZEREMI 20:10

I ra cine mizli haɗi maɓam ɓi malambaˀ ar ya na, a cikiy slimiɗe: ‹Zluwun ɓaˀ li›. Mekelemey a ɓam: ‹Njikakaŋ!› ‹Haˀaw, njukukum di!› Ko yeme ɗuwoy gar kwana, ara jiɗikiy, da i sluw mi kwana, a ɓam: «Naŋ mbur miteˀteˀ na, asinta, a sa gi gilaw kwana, naɓa i lumam bugawla le, yo i pulaka bol ndra le muduba.»

ZEREMI 11:19

Ya zleˀe, ya kunum kunum kaɓa tumuŋ ma ram di nga sli ˀay, dambalaka ara gam gidiɓi ar ya na, yi si na zleˀe ta. A ɓam: «Ngumukum widis hana ti tukuzo nah, susuyumukum di tisi ruwuy ngi mizli misi ti siifahaya, anja mizli a ɓaka ɓi ngi slimiɗ naŋ ɗaˀ le avu mi mata wãˀ!»

ZEREMI 8:5

Mizli Zeruzalem hanayna, a roko zizam avu jiviɗe, t'anta cicaka wuluk taŋ dar purla ta wãˀ vur mike? A ra cicam zlak gidaŋ gidaŋ ar ɓi maga taŋ gilaw na si, anta ngumam moko nga dirba ta.

ZEREMI 5:27

Hay taŋhaya, ndeŋ ndeŋ ti gwat muhulohoy, kaɓa hay ngi ɗiyuw mindeŋ ndeŋ ti ɗiyuwoy. A tiram mizli madiɗahay, misi zlilihey na vueˀe,

MIKUCUWULOY 1:29

Naŋ masa gi kanah na, asi ki puraka sine hiris le, yo ki wunam di i zluwun ti Bumbulvuŋ ta.

MIKUCUWULOY 1:24

Asi i ra zilukum, amma ki ngumam ta ndiɗaˀ, i ra tulukum haŋ, amma ko mbur miki slimiɗ anta.

KORENTIHEY MUDUMBUŊ 15:34

Pulaka gi biyã biyãˀa gisiŋ wãˀ, yo pulaka gi mungra. Asi mizli mekelemey a wuzla kumo, a sinaka Buymisemuŋ ta. Ya maɓa na, ɓa a gukum mesem.

ZEREMI 18:18

A ɓam: «Akum, i ra kiɗaka mi ngi ɓi ndra majuwaka a kwacay vur Zeremi na wãˀ muduba. Masayay a sa bigam ndra jiviɗ ngi Buymisemuŋ, i sa lumam mi ngi kuti avu misi sinmijileŋheye, i sa lumam mingiɓi avu mijiviɗeye si. Akum so, i ra hiryakaŋ ti mi muhuzlok huzlok, ko i kam slimiɗ ar mingiɓi naŋ ta.»

SAMUYEL MUDUMBUŊ NAŊ 2:12

Ziri ngi Heliheye, i ziri mupuɗaway ta, t'anta kam slimiɗ ar Buymisemuŋ ta.

EZAYI 1:3

Ko sla kwana, a si na buy naŋ, yo zungu, a si na li zum naŋ nga hay buy naŋ le, amma Israyeley a sinam gwat ta. Mizli ɗuwoy anta slaka wala ngi ɓi ta.»

ZEREMI 11:10

A mam le ng'ar mungra ngi dideˀ taŋhay mungumam cine mingiɓi ɗu ta tuwa. Taŋ kwana, ara sipam kulihey, ara huruk hurukam a mbuŋ taŋ. Mizli Israyeley ati Zudahaya, a ngilaka ɓi ngi jumoˀay, ya mujumo zleˀe ati dideˀ taŋhay tuwa le.

EZAYI 1:25

Zeruzalem, i sa zuɓa haŋ ng'ar ka: mongofok ɗik na, i sa bi ti malambaˀ naŋ ar vu, gwat malambaˀ ɗikeye, i sa susuyumo taŋ gar avra.

EZAYI 4:4

Ti Bumbulvuŋ misa zuɓa dili ngi ziri diili ngi Siyoŋhoyo le, yo naŋ misa buna pumbus ngi mizli Zeruzalemeye le ti himiɗ ngi kiita mijeŋŋe, yo ti himiɗ ngi vu na,

Ɗerewol OZE 11:8

Efrayim, i sa guw mbrike? I sa pula Israyel a si haŋ ɗik kwa? Ɓa i sa gi ti kakaɓa walahay Atma na, mbri mbrike? yo i sa tiri ti kakaɓa walahay Seboyim na, mbri mbrike? A giy le welele a mevel ɗu, waɗ mana, ircece anta avu ya mata.

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»