ZEREMI 9:3 - Bible en langue guiziga

³ Jam lesl, anja ko wa gar na, a ji lesl avu cil naŋ: ki pula vu ɗike mbak da sukum ɗik ko loŋ ta, asi ko sukum ɗik wanaka gar na, a guw gilawa yo cil ɗik wanaka gar na, a juw ɓi.

ZEREMI 9:3 ပူးပေါင်းရင်းမြစ်များ

ZLI VIRZI 39:16

Ngwas tuwa, a ka zana ngi Zozef tuwa ɓaˀ a cikeˀe, hã zil naŋ a mo ngi haya.

MIKUCUWULOY 12:5

Mizli mijeŋŋeheye, a wulkam di i gi gwat mikaslsla, misi moˀoreheye, nga taŋ i zuma vu.

EZAYI 1:3

Ko sla kwana, a si na buy naŋ, yo zungu, a si na li zum naŋ nga hay buy naŋ le, amma Israyeley a sinam gwat ta. Mizli ɗuwoy anta slaka wala ngi ɓi ta.»

EZAYI 3:5

Mizli a sa guzuvuram vu ar wala taŋ, mbur gar a guzuvur cala. Zuŋ, a guzuvur midigila, mbur kesefe, a guzuvur buyɓi.

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

EZAYI 9:18

Buymisemuŋ, misi gidaŋ wãˀ miji mevel haɗa na, hirwuy gar a jijik, mizli a ndiram le da vu a zuma taŋ, ko mbur malaha sukum naŋ gu anta.

ZEREMI 12:6

Ko sukum ɗikey, mizli ngi hay kumoy kwana, taŋ vuna, a vulukuw ngi ji, maziloko mizli haɗa ti yaŋ yaŋ ng'ar ka, i taŋ vuna. Ko da ara ɓukuw ti ˀay mezle kwana, ki pula taŋ vu ta.

ZEREMI 22:16

A zuɓa ɓi ngi mihina hirngahay ati ngi misi murgahay asi haŋ naŋ, gwat gar a cuh ti ndum! Mbur magi gwat misi kanah na, kite a siniy le takwa? I ya Bumbulvuŋ maɓi.

ZEREMI 31:34

«Sinaka Bumbulvuŋ ayɗi» na, ko mbur masa ɓa cala malla sukumuŋ kahana anta mata. Asi taŋ cek a sa sinikiy, ziri ati mizli madiɗahaya. Mungra taŋ madiɗa ati malambaˀ taŋ na, y'anta sa ɓa avu mi mata. I ya Bumbulvuŋ maɓi.

ZEREMI 4:22

Haˀaw, mizli ɗuwoy i gilaway, a sinikiy ta. I ziri manja lesley, anta slaka wala ngi ɓi ko neˀ le ta. A sinaka wala ngi gi malambaˀa le wãˀ ɓula, amma a sinaka gi mezle ta.

ZEREMI 5:4

Dar ya Zeremi, i ɓi ti kwacay ɗu: «Taŋ i mizli mizlewey ngataraŋ, a wulkam geˀ preˀe, a sinaka gwat Bumbulvuŋ mawuɗo ta, a sinaka gwat Buymisemuŋ taŋ macufuɗo ta.

ZEREMI 5:5

I sa ru ng'avi mizli madiɗa taŋhaya, ɓa i ɓam ɓi ati taŋ. Ko mbri na, taŋ a sinaka gwat Bumbulvuŋ mawuɗo le, a sinaka gwat Buymisemuŋ taŋ macufuɗo le.» Amma taŋ gar i magayak purla, a ngumam cine mi ta, a slam himaˀ le.

ZEREMI 6:28

Taŋ gar taŋ, i mizli micifam le hǝrǝk hǝrǝk zlezle ngi slikiɗa ɓihey si, i miji ɓi da mizli, gidaŋ taŋ a zli takaɓa ɓiri gaza malla ɓiri ho gar, i mihiryahay le cek ceke.

ZEREMI 7:26

Amma ko a cinikiy di ta, a jikam slimiɗ ta: a ndiram hirnga gidaŋ, i misi moˀorehey fineˀ dideˀ taŋhay tuwa ma jak.

ZEREMI 9:5

Gi moˀore anta kiɗ mi pas le ta, yo gi gilaw da mburo kanah ma! Tˀanta ngumam sin ɗu ta I ya Bumbulvuŋ maɓi.

ZEREMI 9:8

I slikiɗ mevel ng'ar mizli tayna ta mbrike? Sukwi ngi mizli misi ka tayna, i pula cuwala avu taŋ ta mbrike? I ya Bumbulvuŋ maɓi.

EZEKIYEL 8:13

A ɓiy ma: «Gwat madiɗa mekelem mukuy tahay wãˀ, taŋ magaka na, kisa pur aruŋ ma.»

DANIYEL 11:27

Buy mucuwoy na, a sa zliram ar zuma gwat ar sikiɗ purla, taŋ muroko ti moˀore ndus ndus a kwacay tuwa, a sa gam slir tewle. Amma anta sa gi ta, asi hin ngi kiɗa mi na, sey a ndila hin nah.

LEVIHEY 19:11

Ki hulom ta, ki gam slir ta, mizli ngisi hirwuy purla ati kum na, ki gaka taŋ gilaw ta.

Mark 8:38

Vurˀe, da mbur ara gi mesem ti ya, yo ara gi mesem ngi ɓa ɓi ɗu a wuzla mizli migwenehey, migi mungahay, migi madama hanayna na, naɓa Mangal ngi Mburo kwana, ti naŋ masa sawa angi dudok ngi Cine ati modro naŋhay mipal na, sa gi di mesemaya.»

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

SLRA 24:9

Yudehey a hurdumom ti ɓi nah, a ɓam: «Naŋ kaslsla!»

ROMAHAY 1:16

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

ROMAHAY 1:28

Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

ROMAHAY 3:13

ˀAy ngi ɓi ɓi taŋ, naŋ ka zivi mibaŋ. A gam gilaw da mizli ti irne taŋ. Mingiɓi mabo ti balam taŋ, naŋ kaɓa muwuŋ ngi kwecesle.

KORENTIHEY MUDUMBUŊ 15:34

Pulaka gi biyã biyãˀa gisiŋ wãˀ, yo pulaka gi mungra. Asi mizli mekelemey a wuzla kumo, a sinaka Buymisemuŋ ta. Ya maɓa na, ɓa a gukum mesem.

FILIPIHEY 1:28

Ko ki pulaka mizli mazliram ti kum ta na, a gucukum mi ar gwat ko neˀta. Avi taŋ na, i gwat mabiga taŋ di njah, taŋ maram na, nga zizi, yo ngi kumo, kum ar jiviɗ ngi lih, yo hana, a so tivu Buymisemuŋ.

TIMOTE MUCUW NAŊ 3:13

Amma mizli malambaˀhay ati mizli migi gilaw da mizli ti slirey na, a sa ram ti malambaˀ taŋ na nga mbuŋ nga mbuŋ. A sa gam gilaw da mizli, waɗ da hirnga taŋ vuna tehhe a muŋ.

ZUDE 1:3

Ngama ɗuwoy, ɓi ngi laha vu, ndra mujom gar ndra anga na, i wuɗ le zleˀe haɗa, ɓa i tuhukum ɓi naŋ. Ya mupura i tika ˀay avu ya na, i tuhukum di ngi vulukum gidaŋ ɓa ngi cika vu asi ɓi ndra matiɓaka, Buymisemuŋ muvula wãˀ da mizli naŋhay na.

ƁIMUNJUYO 12:11

Amma taŋ a pakaŋ hirnga le, mbele pumbus ngi tumuŋ, yo mbele mingiɓi, taŋ migaka sedewo naŋ na ma. A tiɓaka le ɓa a vulaka hirnga taŋ, hã a micam.

MIGI KIITAHAY 14:17

Ngwas ngi Samsoŋ ara sipaŋ ti tuwuy, hã hin mitarnaˀ ngi kisa ngwasa gar. Angi hin mitarnaˀ naŋ so na, a ɓaŋ mbiɗeˀvra naŋ so, asi a suroŋ mi le wãˀ! Dar ngwas tuwa, ara njika da mizli naŋhaya ya.

MIGI KIITAHAY 2:10

Akẽh na, mizli mendele tayna gar a micam. A dirba taŋ, mizli mendele mekelemey a slam ma, amma taŋ a sinaka Bumbulvuŋ mata, ko slra naŋ miga da Israyeley na kwana, a si na ka ta

SAMUYEL MUDUMBUŊ NAŊ 2:12

Ziri ngi Heliheye, i ziri mupuɗaway ta, t'anta kam slimiɗ ar Buymisemuŋ ta.