ZEREMI 9:19 - Bible en langue guiziga

¹⁹ Ngwasay, cinaka mingiɓi ngi Bumbulvuŋ! Anja ki jikaka slimiɗ asi mingiɓi naŋ maɓa na! Dubunaka kuɗma tuwuy da ziri mongoso kumoyo, dubunaka da cil kumoyo!

ZEREMI 9:19 ပူးပေါင်းရင်းမြစ်များ

EZAYI 32:9

Ngwas manja lesley, cinaka mingiɓi ɗu! Ziri mongoso manja wulukoy, jikam slimiɗ vur ɓi ya mawuɗ i ɓa na.

ZEREMI 15:1

Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

ZEREMI 2:14

Israyeley i bekehey kwa? Malla a ya ka taŋ i gawla ngi mizli kwa? Na mizli a gam taŋ kaɓa gwat ngisi haŋ taŋ mbri mbri maka?

ZEREMI 4:13

Puraka, n'ani a so ng'ar taŋ kaɓa gazlavay, mota ngi vurum naŋhaya, taŋ kaɓa burkataŋ gambara, pilis taŋhaya wirwir fineˀ muluhoy. Ɓi a luuma ndra le! I ngizlam le si.

ZEREMI 4:20

A ra wudam vur bonoyo: «Mekelem ani mekelem ani!» Asi hirwuy a ngizl le kap. Gurjik si na, a mbizlaka hay ndraˀahaya le, neˀ ma na, guɗuk ɗuwoyo njeɗek.

ZEREMI 7:15

I sa zliɗukum kileŋ avu ya, kaɓa ya mizliɗa sukum kum, dideˀ ngi Efrayimey gar na ya.

ZEREMI 7:19

Taŋ maslikiɗam mevel na da ya gisiŋ kwa? A slikiɗam di i mevel taŋ tehhe a muŋ ta kwa? Anja a pa taŋ mesem. I ya Bumbulvuŋ maɓi.

ZEREMI 7:29

Ngwic hirnga kum mupulaka taŋ silip silip ngi biga kum inga yahay na, slaka taŋ, yo hizigaka taŋ avra. Zuɓaka jiviɗe ti kuɗuma tuwuy, asi mizli migwenehey maslikiɗikiy mevel da ya Bumbulvuŋ na, i hirsa taŋ, i pula taŋ zlaɗa.

TUWUY 4:15

Da ara cohom na, mizli a wudam ar taŋ: «Kiraham! Dili!» «Kiraham! Kiraham! Ki jaka haŋ avu taŋ ta!» A kilam, a laˀam kiŋkiŋ lambaˀ, joˀ duniyahay a ɓam ar taŋ: «Kay, ndr'nta tiɓaka taŋ ngi masay ndraˀahaya gu mata.»

TUWUY 5:2

Hirwuy ndra a tiri ngi mulakay le, hay ndrahay a tiram ngi mizli manja siney le.

EZEKIYEL 27:2

Ka, mburu, cin, zli dimis ngi tuwa Tir.

LEVIHEY 18:25

Mica hirwuy Kanaˀan ar dili i gwat tayna vuna, yi kutaŋ ti bonoy asi malambaˀ naŋ na, dar hirwuy a ɓula mizli ngir naŋhay avra.

LEVIHEY 18:28

Naŋ kine, ki hiryaka hirwuyo ta, vur naŋ masa ɓulukum avra, kaɓa naŋ muɓula sukwi mudumbuŋhoy ar kum na ya.

LEVIHEY 20:22

Ɓimujuwa ɗuwoy ati sirik ɗuwoyo, jaka taŋ a hirnga, yo gam taŋ slra. Kanah na, naɓa hirwuy, ya maru ti kum nga pi ara na, anta sa ɓulukum avra ta.

MISE 2:10

Slikiɗam a ram, hana i pas ngi muska vu mata. Dili ɗik na, masa suw ti bonoy i naŋ, yo i bonoy ti vu ava.

MISE 2:4

Ti hin nah na, a sa ɓam ɓi ngi kicuwul ani ar kumo, yo a sa zlukum dimis ani: A kiɗ mi le. a sa ɓam: «Ndr'i ngizlam le pay. A tiɓaka hirwuyo le avu mizli ndraˀahaya. A gi mbri mbri ɓa a tiɓam ndra di maka? Mislikiɗa ɓiheye, ara wuɗkaka guva ndraˀahaya ar wala taŋ.»

Slu cuw 28:29

Ti wuzla papasa si na, kisa tutumaka ti tutum ka dangar ar luvuŋ. Gwat masa gi kasl kasl avu kumo, anta wãˀ. A sa zumaka gwat kumoyo ti zum ti zum, a sa sliraka gwat kumoy ndrehhe ti hul, yo ko mbur masa kilo widi kum anta.