ZEREMI 9:18 - Bible en langue guiziga

¹⁸ Tuwuy kaɗam kaɗam ara cino ani baɗ ti Siyoŋ: «Aw! A ngizlam ndra le, mesem a kiɗa ndra le! Sey i pulaka hirwuy hana: asi a mbizlaka hay ndraˀahaya le.»

ZEREMI 9:18 ပူးပေါင်းရင်းမြစ်များ

DIMISEY 119:136

Ɓimujuwa ɗike, ya mapura, mizli anta jaka a hirnga ta na, i tuwuy kol kol.

EZAYI 22:4

Wurenna i ɓukum na: «Ki kam slimiɗ ar ya mata, pulikiy i kuɗuma tuwuy. Vur mingizlaka walahay ngi mizli ɗuwoy na, ki giram vu kum ngi tikiniy ar li tuwuyo ta.

ZEREMI 13:17

Da kum anta cinikiy di ta ma na, i sa ra ndir ɗoɗok pal ɗu ar li muguc, asi huhumo vu kum na. I sa tuwuy, i tuwuy hiri hindrik hindrik, asi ginew ngi Bumbulvuŋ, gezleŋ taˀa, a jaka taŋ le ng'ar beke.

ZEREMI 14:17

Ki sa ɓa taŋ ɓi ani: «Duvuɗ ti papasa, i ro hiri hindrik hindrik ti tuwuy, ko teˀ le anta, asi bonoy madiɗa a luuma mizli ɗuwoyo le, i ɓi ngi muc muluma taŋ.

ZEREMI 3:24

Slra ngi dideˀ ndrahay migaka, diga ndra misi ti ziri na, mikuli magi mesem, a zuma taŋ le kap, waɗ tumuŋhoy ati awaya, slahay, ziri mizile ati mongoso taŋhaya ma.

ZEREMI 3:25

Hunukum tup ar mesem ndra, anja mi ndra a ruwuy na, a sirta ndra ngbulum wãˀ! Haˀaw i zluɓam ɓi le avu Bumbulvuŋ Buymisemuŋ ndra gisiŋ, ndra ati cine ndraˀahaya, zle ti ndra misi ti zuŋ, hã dana, i cinaka mi da Bumbulvuŋ, Buymisemuŋ ndr

ZEREMI 4:20

A ra wudam vur bonoyo: «Mekelem ani mekelem ani!» Asi hirwuy a ngizl le kap. Gurjik si na, a mbizlaka hay ndraˀahaya le, neˀ ma na, guɗuk ɗuwoyo njeɗek.

ZEREMI 6:26

Na kum mizli ɗuwoy, kam zana ngi vagay, putukulom ar murɓuku! Gaka mezegwel magaka gar ar vagaya, kaɓa ar vagay ngi mangal kirmalay, tuwam tuwuy mikaɗam kaɗam, mukuy ta naŋ wãˀ so. Asi mesene mihirya gwata, ara sawa gurjiki.

ZEREMI 7:29

Ngwic hirnga kum mupulaka taŋ silip silip ngi biga kum inga yahay na, slaka taŋ, yo hizigaka taŋ avra. Zuɓaka jiviɗe ti kuɗuma tuwuy, asi mizli migwenehey maslikiɗikiy mevel da ya Bumbulvuŋ na, i hirsa taŋ, i pula taŋ zlaɗa.

ZEREMI 9:1

Da y'ada ti li pi sar ngi muzuɓa mulakay a wuzlaɓuh mikirɗak kirɗak zleˀe na, anja ani i pula mizli ɗuwoy na, i cuh kileŋ avu taŋ, asi taŋ gar i migi madamahay, a vulam mizli ngi ji.

ZEREMI 9:10

I tiri ti Zeruzaleme le i ɗugur zikitiŋ, hay ngi sunduhoy, yo walahay Zudahaya, i tiri taŋ le daŋ daŋ, ko mbur loŋ anta angi taŋ mata.

ZEREMI 9:20

Asi muc ara jiɗawa tir fenetir ngi hay ndraˀahaya, ara co ng'ar hay ndra mimezleheye, ara so bunuca ziri ar buwal madiɗahaya, waɗ ziri menjeɓelehey ar li ngi luumahaya.

TUWUY 1:2

Vur duvuɗ gar na, a ro ar li tuwuy, kwala ceɗ ceɗ ti tuwuy. A wuzla ngama naŋhay gar na, ko mitikin naŋ ɓa a taˀa tuwuy anta. Cil naŋhay gar a vulakaŋ le ngi ji, a tiram mesene naŋhay le.

TUWUY 2:11

Tuwuy a tikiy gidaŋ ngi hiri le, kwacay ɗu a mbiɗi di kucoˀosl kucoˀosl, gidaŋ ɗu anta mata, a tiki le, asi hiryi muluma mizli ɗuwoy na. Ti di nah na, naɓa ziri gazahay ati ngi dubahaya, a roko ndilam nguruf nguruf, ar li ngi luuma ngir walahayaya.

TUWUY 2:13

Aw Zeruzalem ɗu Mimezle, i gi sedewo wana ar ka aruŋ maka? I sa wa ɓi ɗik ati ɓi wana aruŋ maka? I sa ɓuw di i ɓi wana ngi tikin ɗike, ɓa ki taˀa tuwuyo ka? Siyoŋ walahay Mimezle. Kay, hiryi mulumuw na, naŋ haɗa kaɓa firndiw ngi mubuliy. Mambuluw gu i waka?

TUWUY 2:18

Mizli Zeruzalemey ara tuwam jom arleˀe ng'avu Bumbulvuŋ. Duvuɗ ati papas gar na, Gala ngi Siyoŋ Mimezle, pula tuwuy ɗik a ɓul kol kol ka mizaw. Anta puluw ki musuk vu neˀ le ta, tuwuy ngi hiri ɗike, a cici deŋ le ta.

TUWUY 3:48

Hiri ɗu ceɗ ceɗ ti tuwuy, asi mizli ɗuwoy a cam le ar bonoy.

AMOS 5:16

Vurˀe, Bumbulvuŋ Buymisemuŋ misi gidaŋ wãˀ, Bumbulvuŋ ɗu, a ɓi na: Ar li zik ngi mizli gar na, a sa cinam tuwuy ngi vagay. A jiviɗ madiɗahaya gar na, mizli a sa ɓam: Aw ba! Aw ma! Asa zilam mizli muhuvoy ng'ar tuwa vagay, yo ng'ar gi mezegwel ngi dika vu, i ngwas misinaka kuɗma tuwuy le.

Ɓimezle ngi Yesu Kristu LUK mitil di mi 19:41

Yo ti Yesu mindil gweˀ avu Zeruzaleme, naŋ mupura keɗ na, a tuwaŋ.