ZEREMI 9:1 - Bible en langue guiziga

¹ Da y'ada ti li pi sar ngi muzuɓa mulakay a wuzlaɓuh mikirɗak kirɗak zleˀe na, anja ani i pula mizli ɗuwoy na, i cuh kileŋ avu taŋ, asi taŋ gar i migi madamahay, a vulam mizli ngi ji.

ZEREMI 9:1 ပူးပေါင်းရင်းမြစ်များ

DIMISEY 119:136

Ɓimujuwa ɗike, ya mapura, mizli anta jaka a hirnga ta na, i tuwuy kol kol.

DIMISEY 42:3

May ngi Buymisemuŋ ara jiy, Buymisemuŋ misi ti siifa. I sa ci ngi hay Buymisemuŋ tivuna, ɓa i cici deŋ a mbuŋ naŋ naka?

DIMISEY 55:7

Joˀ yi ɓi: «Ey ehe! Da y'ada zleˀe ti zlaraka gonok na! anja ani i slikiɗ le, i ra ɗum le ar li mekelem.

EZAYI 16:9

Ani wurenna, i ra tuwam ati mizli Yaserey ar gudubun ngi Sipma. Heseboŋ ati Elale, i ra bunukum ti tuwuy ngi hiri ɗu: Ar li ngila gudubun kum ati gi sifi kumoyo, salalay a kiɗ mi le.

EZAYI 22:4

Wurenna i ɓukum na: «Ki kam slimiɗ ar ya mata, pulikiy i kuɗuma tuwuy. Vur mingizlaka walahay ngi mizli ɗuwoy na, ki giram vu kum ngi tikiniy ar li tuwuyo ta.

ZEREMI 13:17

Da kum anta cinikiy di ta ma na, i sa ra ndir ɗoɗok pal ɗu ar li muguc, asi huhumo vu kum na. I sa tuwuy, i tuwuy hiri hindrik hindrik, asi ginew ngi Bumbulvuŋ, gezleŋ taˀa, a jaka taŋ le ng'ar beke.

ZEREMI 14:17

Ki sa ɓa taŋ ɓi ani: «Duvuɗ ti papasa, i ro hiri hindrik hindrik ti tuwuy, ko teˀ le anta, asi bonoy madiɗa a luuma mizli ɗuwoyo le, i ɓi ngi muc muluma taŋ.

ZEREMI 3:10

Gar ti nah kwana, Zuda sukum naŋ mongoso miteŋteŋ ta na, a mo ng'avi ya ti mevel purla ta: a zil marava ti jiviɗ naŋ kaslsla ta. I ya Bumbulvuŋ maɓi.

ZEREMI 4:19

I ra diɗ gidaˀas gidaˀas! kwacay ɗu ma, kwacay ɗu ma! Mevele anta ar haya ta! Megeɗek a kiɗ ngbeŋ ngbeŋ, i cifi teˀe gu ta, asi i ra cine mafaka tulum, waɗ widi ngi vurumo.

ZEREMI 5:7

«Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

ZEREMI 6:26

Na kum mizli ɗuwoy, kam zana ngi vagay, putukulom ar murɓuku! Gaka mezegwel magaka gar ar vagaya, kaɓa ar vagay ngi mangal kirmalay, tuwam tuwuy mikaɗam kaɗam, mukuy ta naŋ wãˀ so. Asi mesene mihirya gwata, ara sawa gurjiki.

ZEREMI 8:18

Slalak ngi tika lik ɗu anta, ara giriy a mevele haɗa.

ZEREMI 9:18

Tuwuy kaɗam kaɗam ara cino ani baɗ ti Siyoŋ: «Aw! A ngizlam ndra le, mesem a kiɗa ndra le! Sey i pulaka hirwuy hana: asi a mbizlaka hay ndraˀahaya le.»

TUWUY 2:11

Tuwuy a tikiy gidaŋ ngi hiri le, kwacay ɗu a mbiɗi di kucoˀosl kucoˀosl, gidaŋ ɗu anta mata, a tiki le, asi hiryi muluma mizli ɗuwoy na. Ti di nah na, naɓa ziri gazahay ati ngi dubahaya, a roko ndilam nguruf nguruf, ar li ngi luuma ngir walahayaya.

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

Ɗerewol OZE 7:4

Taŋ gar i migi madamahay. Taŋ kaɓa li di ɗaf munjulili, midi ɗaf mupula ɗiya vu naŋ le, zle ti naŋ mufukuɗa hapa le, hã hapa a slikiɗi.