ZEREMI 8:9 - Bible en langue guiziga

⁹ Misi sinmijileŋheye, a roko ti mesem, a sinaka a gam kini ta, a jaka taŋ le ar kwar, ara burɗaka mingiɓi ngi Bumbulvuŋ, taŋ maɓam i misi sinmijileŋhey vuna, ama ani ska?

ZEREMI 8:9 ပူးပေါင်းရင်းမြစ်များ

BUYOY MUCUW NAŊ 17:15

Ɓimuɗuva naŋhay ati jumoˀay naŋ ati dideˀ taŋhay zleˀe waɗ mingiɓi naŋ mika taŋ di mumuyuŋ zay sla a slimiɗ na, a hizigaka le avra. A sipam gwat ngatarahay lambaˀ, joˀ taŋ vuna a tiram gwat ngatarahay lambaˀ. Taŋ a sipam di i ɓi ngi sukwi mugun hirnga taŋhay na, dambalaka Buymisemuŋ a tika taŋ le, anja a gam kaɓa taŋ na ta ngbaŋ.

Ɗerewol JOP 5:12

Misi wereye, gwat taŋ majuwaka le ngi gi na, mahiriya i naŋ, yo gwat taŋ muwuɗam gi naŋ le ti haŋ taŋ gar na, ɓa a gaka gu ta.

Ɗerewol JOP 5:13

A ja misi sinmijileŋheye ti kwar ngi wer taŋ na, yo gwat taŋ majuwaka ngi gi ti wer taŋ ngi gi gilaw da mbur na, naŋ a tuwuɗa tuwaɗ.

EZAYI 19:11

Buy ngi walahay Soˀaŋ i gilaway. Mizli misi sin, muvula kuti da buy madiɗa ngi Ezipteheye, i jum ngi munja lesley. Na, ki ɓaka buy madiɗa ngi Ezipte ma na: «Yi mbur misi sinmijileŋ, mbur ngi si buy misi zleˀehey» mbri mbri maka?

EZAYI 29:14

Vurˀe, i sa ga taŋ gwat migam ɗaˀ tahay ava ma, hã sinmijileŋ ngi mizli misi siney a sa zizi ara, yo lesl ngi mizli misi lesley a sa ɗum.

EZAYI 43:27

Ani dideˀ kum mudumbuŋ a gi malambaˀ le, mislin kumoy a slikiɗam ɓi le avu ya.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

ZEREMI 15:6

Mupuliy i ka takwa, ki mbiɗiy duba le. Vurˀe, yi zuɓa haŋ ng'ar ka, ɓa i ziza hutuŋ ɗike. Yi gir le ngi pura ircece muduba. I ya Bumbulvuŋ maɓi.

ZEREMI 19:7

Ar li misenna, ɓi ngi zumabuy ngi ngomna ngi ruwuy Zuda ati ngi walahay Zeruzalem na, i sa geˀ geˀ kiɗip, i sa kiɗa mizli ti maslalam daˀ a mbuŋ mesene taŋhaya, i sa vula taŋ vuna asi haŋ ngi mizli muroko ti may ngi kiɗ taŋ vuna si, i sa pula vagay taŋhay mupuyas kuros na da ɗiyuw ngi ɓuhoy ati gwat misãmi ngi si ruwuyoy, a humbuɗaka taŋ.

ZEREMI 2:8

Masayay a cufuɗam ɗaˀ, «Bumbulvuŋ naŋ amaka?» ta. Buy ngi ɓimujuwahay a sinikiy mata. Mijigina mizli a slikiɗam ɓi ng'ar ya. Mijiviɗey a njikam di i ɓi ngi Baˀal, a ram ti kil kiŋ kiŋ asi gwatay mapulaka taŋ gir neˀ le ta.

ZEREMI 49:7

Bumbulvuŋ misi gidaŋ wãˀ a ɓi vur Edomo na: «Misi sinmijileŋ anta a Temana mata kwa? Misi lesleye, t'anta ti mingiɓi ngi kuti vuhoyo mata kwa? Sin taŋ mijileŋ tuwa, a hiryi le wãˀ kwa?

ZEREMI 6:15

A roko lesl welele, asi a gam gwat le mukuyta wãˀa, amma ko anta ga taŋ mesem ta ma, busukum ngi vi dangwal taŋ a diɗ le na, a sinaka vuna ta. Kuy! A sa ndilam kaɓa mizli mekelemey gar vuna ya, tapas ya masa ga taŋ gwat ngi kwacay mombroŋ na, a sa puraka na, taŋ saɓaɓa a ruwuy.

ZEREMI 6:19

Mizli ngi si ruwuy keɗeɗe, cinam ɗi: Yi wuɗ i slino hiryi ng'ar mizli tayna, i migir ngi wuluk ngi kwacay taŋ malambaˀ na. Anta jam lesl ar mingiɓi ɗu ta, yo ɓi ɗu, ya madubuna taŋ di gar na, a burɗaka ɓi nah.

EZEKIYEL 7:26

Bonoy madiɗa a sa so asi cala asi cala, labara malambaˀ asi cala asi cala, a sa cufuɗam mijiviɗ ngi Buymisemuŋ, ɓa a pura taŋ gwat ti kileŋ, masay anta sa dubun gwat da mizli mata, ko mi ngi kuti vu kwana, anta sa bo tivi mizli micawwahaya mata.

AMOS 2:4

Bumbulvuŋ a ɓi na: «Vur mizli Zudahay makir malla mufaɗ mimbiɗam hirnga na, y'anta sa pula ɓi ya mujuwa a mevel ɗu ngi gi na teˀ vur i taŋ si ta. Asi a pulaka dubun ngi Bumbulvuŋ fuk, a jaka ɓimujuwa naŋhaya ta. Asi slir taŋ miziza cine taŋhay na, a ziza taŋ le ya.

ZAKARI 13:4

Tapasa, mbur mijiviɗ gar, gwat naŋ mapura ti naŋ mira njik ɓi ngi mbuŋ na, a sa paŋ mesem, yo naŋ anta sa ki zana mija ti ngwic ɓa ngi gi gilaw da mizli mata.

Slu cuw 4:6

Da ki ra jaka taŋ a hirnga, yo ki ra gam taŋ slra na, masa vulukum sinmijileŋ ati lesl i nah.» Mizli misa cinaka ɓimuɗuva tayna le cek na, a sa ɓam: «Sukwi madiɗa hana, sinmijileŋ ava haɗi, lesl ava haɗi!»

TIMOTE MUCUW NAŊ 3:15

Ki si na Ɓimutoho le, zle ti ka misi ti zuŋ. Ɓimutoho, naŋ ti gidaŋ ngi vuluw sinmijileŋ, maru ti mbur nga lih, asi tiɓa Yesu Kristu a mevel.