ZEREMI 8:2 - Bible en langue guiziga

² A sa njikaka taŋ ar pas, ar kiya waɗ wurzlaŋhay taŋ muwuɗam taŋ zleˀe, mihuruk hurukam a mbuŋ taŋ, misipaka taŋ, mucufuɗam ɓihey avu taŋ, waɗ taŋ muhurkom a mbuŋ taŋ zleˀe na. Anta sa guɗumaka tesl tayna, ɓa a dikaka taŋ a muŋ ta, a sa ndiram ɓaˀ ɓaˀ avra ngi zãˀã li ngi guva.

ZEREMI 8:2 ပူးပေါင်းရင်းမြစ်များ

BUYOY MUCUW NAŊ 17:16

Ɓimujuwa ngi Bumbulvuŋ Buymisemuŋ, taŋ na, a hizigaka le ŋzloh avra. A gam ziri slahay cuw peˀpeˀ ti ɓiri ar vu. A ngam kuli dum kaˀa, yo a huruk hurukam a mbuŋ sukwi ngi gwat ngi muŋhoy, yo waɗ a mbuŋ Baˀal.

BUYOY MUCUW NAŊ 21:3

Li miɗingir ɗingirey, cine naŋ Ezekiyas mususuyumo taŋ zleˀe avra na, naŋ a zla a ɗiya hiri taŋhay a muŋ ma. Aɗiyi kuli dumoy kaɓa Akap, buy Israyel miɗiya zleˀe na ya, a huruk huruk a mbuŋ gwat ngi muŋhoy.

BUYOY MUCUW NAŊ 21:5

Aɗiyi li gi mikulihey da gwat ngi muŋhoy gar a wazlaray mucuwoy ar hay ngi Bumbulvuŋ.

BUYOY MUCUW NAŊ 23:5

Masayay ada, buy Zuda mucufa taŋ ngi wura urdihey ar li miɗingir ɗingir ngir walahay Zudahay ati ngir li ngi ciki Zeruzalemey gar zleˀe na, a susuymo taŋ avra. Yo masay ngi wura urdihey da Baˀal, da pas ati kiya, da dungusoy waɗ da gwat ngi muŋhoy ada ma, a susuymo taŋ gar avra ma.

DIMISEY 53:5

Buymisemuŋ a ɓi: «Tˀanta sinam gwat ta, i migi malambaˀhay, ɓa ngi luuma gwat ngi zumo, a zumam di i mizli ɗuwoy, yo anta zilaka slimiɗ ɗu ta!»

DIMISEY 83:10

Buymisemuŋ ɗu, gi ti taŋ kaɓa ka migi ti Madiyanay, yo kaɓa ka migi ti Sisra ati Yabin a mizaw Kisoŋ.

DIMISEY 83:11

Taŋ a ngizlam le kuɗup wãˀ a En-Dor, mupula taŋ mbak a diga, sesek ngi zãˀã hirwuy.

TILA MI 6:3

Malla ta, i mbur miyi ziri mizilehey le skata, yo mizik le vi haɗa, amma ko tivi ngi siifa naŋ mihaɗa na gar kwana, a cifi ti cine ndumo ɗaˀ ta, yo zivi naŋ anta ma kini. I ɓi so na, ko zuŋ mipa ti pi kwana, a funa mbur nah le.

ZEREMI 14:16

Yo mizli taŋ manjikaka taŋ ɓi na, may ati vurum a sa kiɗa taŋ sunokko a jiviɗ madiɗa ngi Zeruzalemeye. Taŋ vuna, ngwas taŋhay, ziri taŋ mizile ati mongosohoyo, ko mbur loŋ anta ngi sa dik taŋ ta. I sa pa moˀore taŋ na nga hirnga taŋ tehhe a muŋ kahana.

ZEREMI 16:11

Ka kisa ɓa taŋ na: «I gukum di kahana, asi dideˀ kumoy a pulikiy le, ara sipam kulihey, a huruk hurukam, yo a hurukom a mbuŋ taŋ. A pulikiy ya le mbaka, yo gwat ya mudubuna taŋ di na, a jaka a hirnga ta.

ZEREMI 16:4

A sa micam ti bonoy ngi may, ko mbur masa tuwa taŋ malla masa dika taŋ anta. A sa ndiram ngi zãˀã li kaɓa zay gwatay tewle. A sa ngizlam ti kiɗ ti maslalam waɗ ti may, vagay taŋhay a sa tiram gwat ngi zum ngi ɗiyuwoy ati ngi gwat misãmi ngi si ruwuyoy.

ZEREMI 16:6

Mizli madiɗahay ati ziri ngi si ruwuy misenna, a sa micam cek, anta sa dikaka taŋ ta, anta sa tuwaka taŋ ta, cira vu ar li vagay taŋ malla hija hirnga vur taŋ anta sa gi ta.

ZEREMI 19:13

Hay misi dili ngi Zeruzalemey ati ngi buy Zudahaya, a sa tiram kaɓa li ngi Tofet. Naŋ kanah, waɗ gbale tayna gar, mawuram gwat taŋ mavulaka taŋ da gwat ngi muŋhoy a hirnga taŋ, yo mapuslam kulihey ara na gar.

ZEREMI 22:19

A sa dikaka kaɓa madikam zungu: a sa ɗiɗaka vagay naŋ gborororo tir mizlingre Zeruzaleme, fuk nga duba gala.

ZEREMI 25:33

Tapasa, asi gazlavay kurzluˀ gara, mizli Bumbulvuŋ mikiɗa taŋ vagay vagaya, mizli anta sa tuwaka vagay taŋ ta, anta sa hilaka taŋ nga dike ta, a sa ndiram ngi zãˀã li kaɓa zay gwatay.

ZEREMI 31:40

Sozo ngi maara ngi gwatay, yo mapam fucu ara na, waɗ li ngi ciki sozo ngi Kedroŋ silaɓɓa wãˀ, hã ar zlirɗi ngi mizlingre pilisey, tisi pas ngi miprike, nah gar na, a sa ndir i li ngi Bumbulvuŋ. Anta sa mbizlaka ta, yo anta sa wahaka ta ndiɗaˀ wãˀ, hã ngi sete.

ZEREMI 36:30

Vurˀe, Bumbulvuŋ a ɓi ani, vur Zoˀakim, buy Zuda: naŋ anta sa lum mbur masa cifi ar li naŋ ar janga ngi Davite ta, vagay naŋ a sa ndir ɓaˀ ar pas micãˀ cãˀ ti papasa, yo ar himiɗ miyaɓyaɓ ti duvuɗo.

ZEREMI 9:20

Asi muc ara jiɗawa tir fenetir ngi hay ndraˀahaya, ara co ng'ar hay ndra mimezleheye, ara so bunuca ziri ar buwal madiɗahaya, waɗ ziri menjeɓelehey ar li ngi luumahaya.

ZEREMI 9:21

Ka Zeremi, ɓi na, Bumbulvuŋ a ɓi ani: Vagay ngi mizli kros kros a ruwuyo, kaɓa zay gwatay ar guva, kaɓa mizer a dirba mbur munguma daw, ko mbur ngi hil taŋ anta.

ZEREMI 9:22

Bumbulvuŋ a ɓi na: «Anja mbur misi sinmijileŋ, a huhum vu ti sin naŋ mijileŋ na ta! Anja mbur migidaŋ, a huhum vu ti gidaŋ naŋ na ta! Anja mbur misi zlili, a huhum vu ti zlili naŋ na ta!

EZEKIYEL 29:5

I sa ɗiɗuw ɗiɗeˀ ɗiɗeˀ fuk nga wuzlaɓuh mikirɗak kirɗak, jom ti kilif ngi mizaw ɗikeye. Ko ka misa diɗ le ar guva tekeɗe kwana, anta sa zuɓukuw ta, yo anta sa dikukuw ta ma. I sa vuluw da gwat misãmihey waɗ da ɗiyuwoy a zumukuw.

EZEKIYEL 39:5

Ki sa diɗ ɓaˀ a ɓuh, asi yi ɓa le. I ya Bumbulvuŋ, Buymisemuŋ maɓi.

EZEKIYEL 6:5

I sa pa vagay ngi Israyeley a mbuŋ kuli taŋhaya, yo i sa zliɗa tesl taŋhaya gun hirnga li gi mikuli taŋhaya.

EZEKIYEL 8:16

Aru ti ya a wazlaray hur hay ngi Bumbulvuŋ, keɗ a mizlingre ngi ci ngi hay Bumbulvuŋ, ar wala ngi jawleeru ati li gi mikuli na, mizli mizilehey, a gi gwat ngi kukur cuw nga zlum a diga, duba pulaˀ pulaˀ da hay ngi Bumbulvuŋ waɗ hiri pulaˀ pulaˀ ngir tisi si pas ngi miprik, ara huruk hurukam a mbuŋ pas, ng'asi pas ngi mipriki.

SOFONI 1:17

Mizli titiraˀahaya, i sa ca taŋ ar mendere, a sa ram tiɗam tiɗam kaɓa dangaray, asi taŋ a gam mungra le avu Bumbulvuŋ. Pumbus taŋ a sa pi ciih ciih, ɓaˀ li kaɓa mereɓ, dumvu taŋ a sa zĩˀĩ kaɓa gwat ngir kitikil.

SOFONI 1:5

Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

SLRA 7:42

Amma Buymisemuŋ a mbiɗi duba avu taŋ, a pula taŋ mbak a dilkam a mbuŋ gwat ngi muŋhoy, a gi le kaɓa taŋ mutohoko angi ɗerewol ngi mijiviɗey miɓi: ‹Kum Israyeley, angi vi kukur mufaɗ a wuzlaɓuh na, kum mikiɗaka gwatay, yo kum migaka mikuli na, da ya kwa?

Slu cuw 17:3

yo ara ru nga huruk huruk a mbuŋ kulihey, ara huruk a mbuŋ kulihey, a mbuŋ pasa, kiya ati gwat ngi muŋhoy gar, i gwatay ya muɓukum, ki huruk hurukam a mbuŋ taŋ ta na,

Slu cuw 4:19

Pas, kiya, wurzlaŋhay ati gwat ngi muŋ mekelemeye, da ko ka muzuɓa hiri le nga muŋ ɓa ki singila taŋ na, anja a hizigiɗukuw, ɓa ki huruk huruk a mbuŋ taŋ ta, ki ga taŋ mezegwel ta ma. Asi gwat tayna, Bumbulvuŋ Buymisemuŋ kum, a vula taŋ le da sukwi mekelemey misi asi gazlavay kurzluˀ gar.