ZEREMI 7:9 - Bible en langue guiziga

⁹ Ki hulom, ki kiɗam hirnga, ki gam madama, ki hudumom ti slir, ki gam mikuli mizlam zlam da Baˀal, ki sipam kulihey misi majunukum gu ko neˀ ta, ki gam kahana zuyo si sukwa?

ZEREMI 7:9 ပူးပေါင်းရင်းမြစ်များ

BUYOY MUDUMBUŊ NAŊ 18:21

Akẽh na, Eli a kirih nga mbuŋ Israyele gar, a ɓa taŋ: «Kum mambiɗam pulaˀ ti ka, pulaˀ ti ka na, kisa kiɗaka mi nah ɗerre ti vunaka? Da Bumbulvuŋ i Buymisemuŋ gisiŋ na, huruk hurukam a mbuŋ naŋ, yo da i Baˀal kwana, huruk hurukam a mbuŋ naŋ so!» Amma mizli Israyeleye, ko a mbiɗakaŋ mi pal ta.

BI NGI ISRAYELEY 20:3

Buymisemuŋ ɗik mekelem anta mbak ya ta.

EZAYI 1:13

Gwat ngi mikuli ngi pula gir ta tayna, anja ki soko taŋ mata, cunju ngi mikuli na, anta giy kuy mata. Ngi gi muguzlum ngi kiya weɗeɗ, ngi hin sabat ati ngi zila vu ng'ar kusoy na, gwat ngi vul kum mijahaɗ jahaɗ ti malambaˀ, ɓa ngi gi muguzlum kumoy na, y'anta tiɓa mata.

EZAYI 58:2

Taŋ ara sipikiy vur hin gar, a wuɗam na, ɓa a sinaka gwat ya mawuɗ avu taŋ. Taŋ kaɓa sukwi ngi mizli migam gwat mijeŋŋe le, yo gwat ya Buymisemuŋ taŋ mawuɗ ɓa mbur a ga zuy na, a pulaka ta. A wuɗam sey i ga taŋ kiita mijeŋŋe, yo a wuɗam anja t'ada gweˀ avu ya.

ZEREMI 1:16

I sa tila taŋ mi ti ɓi ya mujuwa a mevel ɗu vur malambaˀ taŋ migaka na. A pulikiy le fuk, ara zlumam gwat ngi mikulihey da kulihey. A ra hurkom a mbuŋ gwatay, taŋ miɗiyaka taŋ ti haŋ taŋ.

ZEREMI 11:13

Hey Zudahay, kuli kumoy a gam le haɗi teˀe, kaɓa walahay kumoy mihaɗa na ya. Zeruzalemey, li gi mikulihey kum miɗiyaka taŋ ɓa ngi gi mikuli ngi wur ti wur da Baˀal kuli Mesem na, taŋ haɗi teˀe kaɓa jiviɗ kumoy na ma.›

ZEREMI 11:17

Muhurvuw i Bumbulvuŋ misi gidaŋ wãˀ, muzulo bonoy madiɗa nga hirnga ɗik i naŋ, asi malambaˀ ngi Israyeley ati Zudahay migaka na: a jakaŋ mevel le ti gi mikuli ngi wur ti wur da Baˀal.

ZEREMI 13:10

Mizli malambaˀ tayna mangumam cine mingiɓi ɗu ta, macicam kaŋ kaŋ ti cin ta taŋ, yo masipam kulihey, mahuruk hurukam, waɗ mahurukom a mbuŋ taŋ na, anja a tiram kaɓa kanda nah, mihirya le fuk wãˀ na.

ZEREMI 18:15

Na mizli ɗuwoyo, a puyukom ti ya hirnga le, ara wuram gwatay taŋ mavulaka taŋ da gwat lambaˀhay, gwatay mabaka taŋ sar ar buwalay, a jiviɗ taŋ misi zleˀehey, a zuɓam jiviɗ mikelew kelewey, buwal manja cir.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 32:29

Mizli Babiloŋhoy masa zlaka kiɗa vu ati walahaya, a sa cam, a ɗuvaka vu div div da walahaya, a wuraka jom ati hayay misi mawuram gwat ngi vul taŋhay da Baˀal ar taŋ, yo mapuslam mbaazla da kulihey ar taŋ ngi jiy mevel na.

ZEREMI 44:3

A gi kanah, asi malambaˀ taŋ migakaŋ. A gikiy gwat ngi ji mevel ti taŋ mawuram gwat ngi migamay, taŋ mahuruk hurukam a mbuŋ kulihey misi a jinaka taŋ ɗaˀ vuna ta, a jinukum kum malla ko dideˀ kumoy vuna ɗaˀ ta ma.

ZEREMI 44:8

Naŋ kine, ki ra gikiy gwat ngi jiy mevel ti gwat ngi gi kum na: ki wuram gwat ngi migamay da kulihey a Ezipte, kum mikilam nga ɗum a diga na. Ki gam di i gwat ngi ngizla vu kum pay wãˀ, yo ɓa sukwi ngi mizli ngisi ruwuy gar, a nisam vu, yo a zam vu ti slimiɗ kumo.

ZEREMI 44:9

Malambaˀ ngi cine kumoy migaka, ngi buy Zudahay ati ngwas taŋhay, malambaˀ kum vuna migaka ti hirnga kum ati ngwas kumoy, yo malambaˀ migahay asi ruwuy Zuda waɗ a jiviɗ madiɗa ngi Zeruzalemey na, ki puyukam taŋ hirnga le kwa?

ZEREMI 48:35

Mizli ngir li miɗigirey, magam mikuli mizlam zlam waɗ mawuram urdihey ngi ɗuva hirnga da kuli taŋhay na, i sa ngizla taŋ pay a Moˀapa. I ya Bumbulvuŋ maɓi.

ZEREMI 5:2

«Ko da mizli ara hudumom, a ɓam: «I hudum le ti Bumbulvuŋ misi ti siifa» na, i ngataraŋ.

ZEREMI 5:7

«Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

ZEREMI 7:6

Moholoy, mutuhu ati wudiga na, ki zumaka taŋ ta. Mbur migi gwat ta na, ki kiɗaka vagay ar li hana ta. Ki sipam kulihey ɓa hiryi a so ar kum ta.

EZEKIYEL 18:18

Amma cine naŋ, a gi moˀore le avu mizli zleˀe, a hul gwat ngi mizli le, a gi gwat mezle a wuzla mizli naŋhaya ta, masa muc i naŋ, asi mungra ngi hirnga naŋ.

EZEKIYEL 20:30

Vurˀe, ɓa Israyeleye na: Bumbulvuŋ, Buymisemuŋ a ɓi na: Ani, ki cam le ar dili ti kum masipaka gi gwat ngi cine kumoy na, ti kum mahuruk hurukam a mbuŋ gwat mukuy ta taŋhay na.

EZEKIYEL 23:39

Ti taŋ migam mikuli ti ziri taŋhay da kulihey na, a cam le tapasa ng'ar hay ɗu, a hiryaka le. Gwat taŋ migaka a wuzla hay ɗu i nah.

EZEKIYEL 5:11

Vurˀe, kaɓa ya misi ti siifa gisiŋ na, i ɓukum: kum mihiryaka hay ɗu ti gwat ya mahirsa taŋ ati gi gwat malambaˀ kumoy mukuyta wãˀ na, yi sa fuca walahaya fec fec leɗeɗ, y'anta sa pur mbur kuy loŋ a mihiri ɗu ta, y'anta sa pur ircece ko neˀ ta. I ya Bumbulvuŋ, Buymisemuŋ maɓi.

Ɗerewol OZE 2:13

Cira hiri naŋ gar, muguzlum naŋhay, ngi kiyakaˀ ati sabat naŋhay, waɗ kus naŋhay ngi wuzla mizli, yi sa ga ɓa a kiɗam mi.

Ɗerewol OZE 6:9

Gwat malambaˀ miwãˀ taŋ magaka n'ani: masayay ndac, a wam vu le ɗum ɗum, ara ngizlaka mizli ar jiviɗ ngi Sikem.

AMOS 4:5

Mikuli ti gwat ngi zum manja is ara na, wuraka ngi hunuma Buymisemuŋ, tilam mi ti ɓi vula gwat ngi mongoyo da mizli gar, asi gwat kum mawuɗama i nah so takwa Israyeley. I ya Bumbulvuŋ Buymisemuŋ maɓi.

SOFONI 1:5

Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

ROMAHAY 2:2

I sinaka le, Buymisemuŋ maga kiita da mizli magam gwat kanah na, naŋ kaslsla.

Slu cuw 32:17

A gam mikuli da setenehey misi i Buymisemuŋ taŋ ta, yo da kulihey taŋ misinaka taŋ ta, mislam wureˀ aruŋ, ko dideˀ taŋhay kwana, a sinaka taŋ vuna ta.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.

MIGI KIITAHAY 5:8

Mizli Israyeley a wunam kulihey, dambalaka vurum a ndilo taŋ le a duba sar. Soje durmuk kukur mufaɗ asi ruwuy Israyele, amma ko mbaray malla ziwit purla tekeɗe anta asi haŋ taŋ ta.