ZEREMI 7:6 - Bible en langue guiziga

⁶ Moholoy, mutuhu ati wudiga na, ki zumaka taŋ ta. Mbur migi gwat ta na, ki kiɗaka vagay ar li hana ta. Ki sipam kulihey ɓa hiryi a so ar kum ta.

ZEREMI 7:6 ပူးပေါင်းရင်းမြစ်များ

BUYOY MUCUW NAŊ 21:6

A gi mikuli ti mangal naŋ zlam zlam ar vu. A gi slra ti ɓi ngi pura jubuɗoy, a gi cekenehey waɗ a hizik njoloy. A gi gwat malambaˀ ti gidaŋ a mihiri ngi Buymisemuŋ, hã a jaŋ mevel.

BUYOY MUCUW NAŊ 24:4

Yo a kiɗ mizli migam gwat tahay le haɗa, hã kiɗa hirnga a gi le haɗa ar walahay Zeruzaleme. Vurˀe, Buymisemuŋ a ngum pula ɓi nah teˀ ta.

DIMISEY 106:38

Mizli migam gwat ta si na, a paka pumbus taŋ, a pam di ngi ziri taŋ mizile ati mongosohoy, taŋ migam ti taŋ mikuli da kuli ngi Kanaˀanay tuwa, mbak hã pumbus taŋ a ɓul gap gap, a hirya hirwuyo gar.

MIKUCUWULOY 23:10

Maakway ming'aka diga zlezle na, ki kiraha ta, yo ki sla guva ngi mutuhuhoyo ta,

EZAYI 59:7

Ki kilam kutum nga gi gwat malambaˀa, mbur migi gwat ta si na, ki kilam nga kiɗ naŋ vagay, wuluk kumo, i ngi gi malambaˀ tewle, baraf kumo, gwat mihiryahay ati muwahahay saɓaɓa araŋ.

ZEREMI 13:10

Mizli malambaˀ tayna mangumam cine mingiɓi ɗu ta, macicam kaŋ kaŋ ti cin ta taŋ, yo masipam kulihey, mahuruk hurukam, waɗ mahurukom a mbuŋ taŋ na, anja a tiram kaɓa kanda nah, mihirya le fuk wãˀ na.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 2:30

Ya makiɗa ziri kumoy na, i gir ngataraŋ, t'anta tiɓaka mi ngi kuti ta. Maslalam kumoy a zumaka mijiviɗ kumoyo le kap, kaɓa mobor maji gwatay sunok sunok.

ZEREMI 2:34

Pumbus ngi misi murgahay ati ngi mizli migam gwat tahaya, a mul sesẽŋ avu mi ngi zana kumoy. Ko ki lumaka taŋ kasl ar li ngila miviŋ kumoyo ta ngbaŋ ni.

ZEREMI 26:15

Amma sinaka sin le ɓula, ya mbur migi gwat ta, da ki kiɗikiy le vagay na, naɓa kum vuna, walahay hana ati mizli ngi raˀahaya gar na, ki zluɓam ɓi le. Asi mislino ya, ɓa i ɓa ɓi hana gar, ki cinaka na, i Bumbulvuŋ gisiŋ.»

ZEREMI 26:23

A ra joko Uriya a Ezipte, a soko di da Zoˀakim, dar Zoˀakim a kiɗa vagay, waɗ vagay naŋ fuk ng'ar vigiɗ ngi dika zigiduw.

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 5:28

i muzlumburahay, a wucuɗam deŋ. Taŋ i bugawla ngi gi malambaˀa, t'anta cikam vu asi ɓimujuwa mitaˀ gara mata, ɓimujuwa vur mutuhuhoyo, gwat taŋ muwuɗam gi naŋ le gar na, a gi. Tˀanta cikam vu neˀ le asi misi murgahaya ta.

ZEREMI 7:5

Amma ɗiyaka ɓi ngi joˀ kum ati gwat ngi gi kumo jaka, cikam vu gǝr gǝr ar ɓimujuwa mitaˀ gar vur cifi ngi kum mizli ar wala kumo.

ZEREMI 7:9

Ki hulom, ki kiɗam hirnga, ki gam madama, ki hudumom ti slir, ki gam mikuli mizlam zlam da Baˀal, ki sipam kulihey misi majunukum gu ko neˀ ta, ki gam kahana zuyo si sukwa?

TUWUY 4:13

Bonoy nah a gi gar na, asi malambaˀ ngi mijiviɗ ngi raˀahay, yo asi mungra madiɗa ngi masay ngi raˀahay, a kiɗaka mizli mijeŋŋeheye daˀ a hur walahay vuna.

EZEKIYEL 18:6

N'anta zum ɗaf ngi mikulihey a muwãhay ta, naŋ anta huruk huruk a mbuŋ kuli ngi Israyeley ta, naŋ anta tikina ngwas ngi midigwi naŋ ɓa a hin di ta, naŋ anta ru ng'avi ngwas muro ti dili ta,

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

LEVIHEY 19:33

Da moholoy muso le, a cifi le asi ruwuy kumo na, anja ki zumakaŋ gwat naŋhaya ta.

LEVIHEY 25:17

Ar wala kum mizli misi angi hirwuy purla na, anja mbur a zuma cil naŋ ta. Kum masa zluwunam ti ya Buymisemuŋ kumo na, naŋ kahana. I ya Bumbulvuŋ, Buymisemuŋ kum.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

Matiye 27:25

Mizli gar a mbiɗakaŋ di: «Anja zayɓi ngi muc naŋ a mbiɗi nga hirnga ndra ati ziri ndrahay.»

Matiye 27:4

A ɓa taŋ: «Ya muvula mbur migi gwat ta, ɓa a kiɗaka vagay na, yi gi mungra le.» Amma taŋ a mbiɗakaŋ di: «A ca ndra le kwa? Ka gi di.»

Slu cuw 11:28

amma da ki jaka ɓimuɗuva ngi Bumbulvuŋ Buymisemuŋ kumo a hirnga ta, yo ki ngizlam le avu jiviɗ ya maɓukum di dana na, ɓa ngi ra huruk huruk a mbuŋ kulihey kum misinaka taŋ ta na, naɓa i sa nisukum.

Slu cuw 24:17

Kiita ngi mbur mulak malla mutuhu na, ki hiryaka ta. Ki tiɓaka zana ngi ngwas wudiga majikuw di ta.

Slu cuw 27:19

«Mbur mahirya kiita ngi mbur mulak, ngi mutuhu malla ngi wudiga na, i minisa le.» Mizli gar a sa mbiɗaka: «Amin.»

Slu cuw 8:19

Asinta, kisa puyukom hirnga ti Bumbulvuŋ Buymisemuŋ kumo, ki sipam kulihey, ki gaka taŋ mezegweley, ki huruk hurukam a mbuŋ taŋ. I ra ɓukum di ɗaˀ ɗaˀ le dana, i sa nguzlukum pay wãˀ.

Ɗerewol ZAK 1:27

Da mbur ara ki slimiɗ ar mutuhuhoy ati wudigahay masam bonoyo, da ara jigina vu naŋ avu duniya, ɓa a ci ar dili ta na, sipi jiviɗ mijeŋŋe manja hereweɗ a mbuŋ Buymisemuŋ, i nah so.