ZEREMI 7:4 - Bible en langue guiziga

⁴ Ani ki ɓam: ‹Mugum ngi Bumbulvuŋ naŋ aka! Mugum ngi Bumbulvuŋ naŋ aka!› Ki pulaka vu kumo mbak mbak vur mingiɓi ngi gukum gilaw hana ta.

ZEREMI 7:4 ပူးပေါင်းရင်းမြစ်များ

BUYOY MUDUMBUŊ NAŊ 9:7

naɓa kum Israyeleye, yi sa bi ti kum avra ti ngi hirwuy ya muvulukum di na. Yo Hay misenna, ya mitiri di pal ɓa yi ndir ara tuwa na, yi sa pula mbak zlõh avra. Dar mizli gar a sa singiram ar Israyeleye, a sa kiɗam ti taŋ mambaˀ.

EZAYI 48:2

A zulukum ‹Mizli ngir walahay Mipal› ngbaŋ, ki ra cufuɗam hirdam hirdam ɓa Buymisemuŋ ngi Israyel, misi slimiɗ naŋ ‹Bumbulvuŋ misi gidaŋ wãˀ› na, ɓa a junukum.

EZAYI 59:4

Vur kiita na, mbur mawidi ti jiviɗ mijeŋŋe anta, mbur macik vu asi mburo ti jiviɗ mikaslsla anta. Ki cicam zlilak zlilak ar ɓi ngatara lambaˀ, mingiɓi kum anta sli wala ta, ki kuluwam ɓi malambaˀhay a hur kumo, dar ki yam mendere da mizli.

EZAYI 66:1

Ya Bumbulvuŋ i ɓi na: «Muŋ i li cifi ɗu ngi buy, yo hirwuy i li ɗuva sar ɗu. Ki sa ndirikiy hay mi da ya ka? I li wana mindila ter ngi muska vu ɗu ka?

ZEREMI 28:15

Dar mijiviɗ Zeremi a ɓa mijiviɗ Hananiya tuwa: «Hananiya, cin ɗi, i Bumbulvuŋ mislino ka ta, mapa mi da mizli hanayna ɓa a tiɓam ɓi ngi slir na, i ka.

ZEREMI 29:23

A gam ti taŋ kanah, asi taŋ migam gwat ngi mesem ani asi ruwuy Israyele: a gam madama ati ngwas ngi cil taŋhay, a ɓam ɓi ngi slir ti slimiɗ ɗu, ko i ya muvula taŋ jiviɗ nah ta ngbaŋ. Ya vuna, yi si na le, yi ga sedewo naŋ le. I ya Bumbulvuŋ maɓi.›»

ZEREMI 29:31

«Slin, ɓa ara ɓaka mizli mijahay nga ruwuy mulak na gar: ‹Bumbulvuŋ a ɓi ani da Semaya, mbur Nehelama: Semaya ara njukukum ɓi ngi hiryi masa lumukum, i ya vuna mislinaŋ ta ngbaŋ. A ra pukum mi, ɓa ki tiɓam ɓi ngi slir.

ZEREMI 6:14

Bonoy muluma mizli ɗuwoy na, a ɗiyaka ɓi nah ti sar ngi dirba, a ɓam: ‹Kay! Ɓi anta! Ɓi anta!› Dambalaka ko ɓi anta ru neˀ le ta ngbaŋ.

ZEREMI 7:14

Yo mbak ɗagay so, hay matilam mi ti slimiɗ ɗu ara, kum mupulaka vu kum mbak mbak vurˀe, yo li ya muvulukum di da kum ati dideˀ kumoy na, i sa gi di kaɓa ya migi ti Silo na ya.

EZEKIYEL 13:19

Ki hiryikiy le a mbuŋ mizli ɗuwoyo, asi daw giziŋ turɓus haŋ purla, waɗ milef ɓuluˀ tewle. Mbak mizli misi i ngi kiɗ vagay vagaya na, ki gaka gilaw da mizli ɗuwoy matiɓam ɓi kutumo, ki kiɗam di i taŋ jak. Yo mizli ngi pul taŋ ti siifa ta na, ki pulam ti siifa i taŋ jak.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

SOFONI 3:11

Ti dinah, sukwi ɗu, k'anta sa gi mesem ti gwat ngi gi ɗik malambaˀ na mata, ti slikiɗa ɓi ɗik avu ya mata, asi hirak ti nah na, mizli ɗikey mahuhumom vu fineˀ gidaŋ na, i muɗa taŋ le avra, joˀ kisa pula jijih ɗik ar muwã mipala.

Ɓimezle ngi Yesu Kristu LUK mitil di mi 3:8

Gam gwat mezle mabiga ki mbiɗaka mevel kumoyo le ayɗi! Yo ki ɓam ti kwacay kumo: «Abraham i dideˀ ndra» na, ki ɓam ta. Yi ɓukum na: Ko ɗugur hanayna, Buymisemuŋ a tiri ti taŋ ziri ngi Abrahamaya gu.