ZEREMI 7:34 - Bible en langue guiziga

³⁴ Angi walahay Zudahay waɗ ar buwal madiɗahay a Zeruzalemeye, i sa taˀa dimis ngi ɓuruk ati ji salalaya, dimis ngi mbur zil mira zuɓ ngwas ati mumul ngi ngwas mira zuɓ zile. Asi hirwuy a sa tiri diŋ taˀa.

ZEREMI 7:34 ပူးပေါင်းရင်းမြစ်များ

Ɗerewol JOP 3:7

Haˀaw, anja duvuɗ nah, a ndir i dirlay kine, anja a cinam salalay angi duvuɗ naŋ ta ndiɗaˀ.

DIMISEY 78:63

Vu a zlizlira gawlahaya le, mbak mbur mazli dimis ngi hunuma diilihey anta mata.

EZAYI 1:7

Hirwuy kum a ndir le daŋ daŋ, walahay kumoy i muwurahay le. Hirwuy kumo, mulakay ara zumaka a mbuŋ kumo. A ndir le daŋ daŋ kaɓa Buymisemuŋ a pula le asi haŋ ngi mulakay, ɓa a hiryakaŋ gwataya.

EZAYI 3:26

Walahay gar a sa niˀic, yo a sa tuwuy. Joˀ kisa cifi kupuyah ti lik, kaɓa ngwas miziza ziri naŋhay le cek.

EZAYI 6:11

Yi cufuɗaŋ so: «Ɓa hã tuvunaka Bumbulvuŋ?» A mbiɗiy di: «Sey walahayay a ngizlam kap kap, a ndiram manja mizli, hayay a tiram njoŋ njoŋ, hirwuy a tiri daŋ daŋ manja mizli.»

ZEREMI 16:9

Asi mike na, Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹Salalay ati dimis ngi mumul, dimis ngi mbur muzuɓ ngwas le wureˀ malla mumul ngi ngwas muzuɓ zil le wureˀ na, i wuɗ i tika gar asi ruwuy misenna, mur kum vuna, ki ra puraka ti hiri kum.›

ZEREMI 22:6

Naŋ kanah, Bumbulvuŋ a ɓi vur hay ngi buy Zuda na: Ko da ka avu yakaɓa walahay Galaˀat, mallakaɓa mesengel ngi muwã Libaŋ tekeɗe kwana, ko y'anta mur ta, i tiri ti ka wuzlaɓuh mikirɗak kirɗak na si, i tiri ti ka walahay manja mizli anga.

ZEREMI 25:10

Ɓi ngi zluzluɓ, ngi mumul, dimis ngi mbur mira zuɓ ngwas waɗ mumul ngi ngwas mira zuɓakaŋ, hurum ngi ngurvuŋ mayiˀi, waɗ li minjahha ngi lampe na, i sa kiɗa mi naŋ nga hay taŋ.

ZEREMI 27:17

Ko ki tiɓaka mi taŋ ta si. Gam gawla ngi buy madiɗa ngi Babiloŋ jaka, ɓaki sa ndiram ti siifa. Ki wuɗam ɓa walahay hana a tiri diŋ njoˀ vur mike?

ZEREMI 33:10

Bumbulvuŋ a ɓi na: «Kum maɓam vur li hana, a tiri diŋ le hilgim, mizli malla ko ginewey anta ara ta, yo ar walahay Zudahay ati jiviɗ madiɗa ngir Zeruzalemey mindiram daŋ daŋ, mizli anta, mizli ngi raˀahay ati ginewey anta tuwa na, a sa cinam ma na,

ZEREMI 33:11

ˀay ngi zluzluɓ, salalay, dimis ngi mbur mazuɓ ngwas ati mumul ngi ngwasa, waɗ dimis ngi mizli ma ram ti mikuli ngi hunuma vu ar hay ngi Bumbulvuŋ, a sa zlaka na: ‹Mumuloko Bumbulvuŋ misi gidaŋ wãˀa, asi naŋ mezle, yo gi teŋteŋ naŋ hã ngi sete.› Haˀaw, i sa mo ti mizli ngisi ruwuy hana a muŋ, a sa tiri kaɓa naŋ misi zleˀe a muŋ.» I ya Bumbulvuŋ maɓi.

ZEREMI 4:26

Keɗ keɗ na, hirwuy misi widis ngi zumoy zleˀe kiŋ na, a tiri wuzlaɓuh le mikirɗak kirɗak, Bumbulvuŋ, ti ji mevele matiɓi ka vu na, a wura walahay madiɗahaya le ceke.

ZEREMI 4:27

Bumbulvuŋ a ɓi na: «Hirwuy gar a sa tiri daŋ daŋ. Amma y'anta i wuɗ susuyumo wãˀ vuna ta ngbaŋ.

ZEREMI 44:6

Vurˀe, i zuɓ himaˀ fõh fõh, mevel ka vu, i pa ng'ar taŋ, a zuma walahay Zuda ati jiviɗ madiɗa ngi Zeruzalemeye kam kam: mbak walahaya a ndiram i diŋhey hilgim hilgim, liheye daŋ daŋ, kaɓa mapur dana ani na!

TUWUY 5:14

Mizli micawwahaya, anta ram ar li kus ngi ngila wuyo mata, yo ziri ziri aruŋ a taˀaka zli dimise le.

EZEKIYEL 26:13

I sa tika dimis ɗikey ka mazla taŋ na, ko mizli anta sa cinam ˀay ngi gujuvur ɗikeye mata.

EZEKIYEL 7:11

Gi himaˀ anta kirih kirah le ta, kaɓa ganday ngi moˀore. Gwat anta sa ndir neˀ le avu kum mata, taˀ kum a sa ndir neˀ le ta, ko buc kum anta sa ndir ta. Anta sa tuwukum mata.

Ɗerewol OZE 2:11

Vurˀe, yi sa ra tiɓa alkamari ɗu ar hin naŋ, mbaazla si ɗu, ar sifi naŋ. Ngwic ɗu ngi tumuŋ ati gugumay ɗu mislirkeɗ maɗumokoŋ mesem na, i sa ra tiɓa taŋ.

Ɗerewol OZE 2:13

Cira hiri naŋ gar, muguzlum naŋhay, ngi kiyakaˀ ati sabat naŋhay, waɗ kus naŋhay ngi wuzla mizli, yi sa ga ɓa a kiɗam mi.

LEVIHEY 26:33

I sa pulo vurum ng'ar kum, yo i sa zliɗukum hirnga mber mber nga wuzla sukwi mekelemey. Hirwuy kum a sa tiri wuzlaɓuh mikirɗak kirɗak, yo walahay kum madiɗahay a sa tiram diŋhey njoˀ njoˀ.

MISE 7:13

Hirwuy a sa tiri kirɗak kirɗak, asi moˀore ngi mizli ngi raˀahaya. Nah na i migir ngi gwat ngi gi taŋ.

ƁIMUNJUYO 18:23

Anta sa puram lampe njahha a hay ɗike mata. Anta sa cinam ˀay ngi gawla ati ngwas naŋ nga hay ɗike mata. Asi migi terere ɗikeye, i mizli migidaŋ ngi si ruwuyoy. Ani ki tikina mizli ngi si ruwuyoyo le gar ti sin ngi gi cekene ɗik na.