ZEREMI 7:3 - Bible en langue guiziga

³ Bumbulvuŋ misi gidaŋ wãˀ, Buymisemuŋ ngi Israyele, a ɓi na: ɗiyaka gwat ngi gi kum ati joˀ kumo, ɓa zliv i cifam ati kum ar li misenna.

ZEREMI 7:3 ပူးပေါင်းရင်းမြစ်များ

BUYOY MUCUW NAŊ 17:13

Buymisemuŋ a ɓa Israyeleye ati Zudahaya le ɗaˀ ɗaˀ le vurˀe. Ɓi nah a bo le ti balam mijiviɗ naŋhay, yo tivi mizli misi kleŋ naŋhay gar, a ɓa Israyeleye: «Pulaka jiviɗ malambaˀ kumoyo moko. Ɓi ya ɓi micica ati ɓi ya mujuwa taŋ gar, kaslsla kaɓa ya mutoho ɓi nah da dideˀ kumoy, yo ya muɓu kum di, ɓi nah mubo ti balam gawla mijiviɗ ɗuwoy na, jaka taŋ a hirnga.»

ESDRAS 10:11

Wurenna, njikaka mungra kumoyo da Bumbulvuŋ, Buymisemuŋ ngi dideˀ kumoyo, yo gakaŋ gwat naŋ mawuɗo. Wunukam ati mizli ngi si ruwuy hana, waɗ ati ngwas kumoy, ziri mulakay na.»

MIKUCUWULOY 28:13

Mbur maɗumo malambaˀ naŋ na, naŋ anta bi ti jeŋ ta, mbur manjika malambaˀ naŋ, yo maga mata na, a sa pulakaŋ malambaˀ naŋ vuna avra.

EZAYI 55:7

Anja mbur misi moˀore, a pula gi moˀore naŋ, yo mbur migi malambaˀa, a pula wuluk naŋ malambaˀa. Anja mizli tayna a mam ng'avu Bumbulvuŋ, ɓa a pura taŋ ircece, a mam ng'avu Buymisemuŋ ndra, mapul mungra haɗa na.

ZEREMI 17:25

naɓa buyoy macifam ar janga ngi buy ngi Davit, migilaˀ gilaˀ mota ngi vurumoy malla piliseye, taŋ ati mizli madiɗa ngi slra taŋhaya, mizli zudahay waɗ mizli Zeruzalemeye, masa cam tir mizlingre ngi walahay hana i taŋ, yo mizli a sa ndiram angi walahay hana ngi sete.

ZEREMI 18:11

Wurenna, ara ɓa mizli Zudahay ati Zeruzalemeye na: «Bumbulvuŋ a ɓukum na: I ra juw vu nga gukum bonoy, i ra mbizi ɓi a mevel ɗu vur kumo, anja ko wa gar na, a zil marava ar gwat ngi gi naŋ malambaˀa. Haˀaw, kpak kum ati ngi gwat ngi gi kumo, ɗiyaka hiri naŋ amuŋ.

ZEREMI 18:8

Amma da sukwi nah tuwa, a zil marava le ar naŋ migi malambaˀ avu ɓi micica ɗu na, naɓa malambaˀ ya mawuɗ ngi gaŋ di na, i pula ɓi nah teˀe.

ZEREMI 26:13

Amma wurenna, mbiɗaka kpak kumo, mbiɗaka gwat ngi gi kumo, Bumbulvuŋ Buymisemuŋ kumo mazulukum na, cinakaŋ. Kanah na, Bumbulvuŋ a sa pula hiryi, naŋ mujuwa a mevele ngi gukum di tuwa.

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 35:16

Ziri ngi Yonadapaya, mingiɓi ngi dideˀ taŋ mupula taŋ di na, taŋ ara sipakaŋ, amma kum mizli Zudahaya, ko kum anta cinikiy mi ɗu ta.

ZEREMI 4:1

«Israyel, da ki ra mawa na, sey ki mawa ng'avi ya. Gwat ngi gi malambaˀ ɗikey mukuyta wãˀ na, da ki pula taŋ le avra ti mbuŋ ɗu na, naɓa k'anta sa ru digi kiŋ kiŋ mata.

ZEREMI 6:16

Bumbulvuŋ a ɓi na: Kum mira ram ar buwal na, cicam, wulkam kwaɗay, cufuɗam vu ar ɓi ngi jiviɗ kum misi zleˀe. Ɓam: Jiviɗ mezle ngi sipi i wanaka? Dar ki ram ti raˀa so, naɓa kisa lumam musuka vu vur siifa kumo. Amma taŋ a mbiɗaka: «Ndr'anta ram ti raˀa ta!»

Ɗerewol ZAK 4:8

Kiraham gweˀ ng'avu Buymisemuŋ, yo naŋ kwana, a sa kiroho ng'avu kum aya. Kum mizli magam mungrahay, bunaka haŋ kumoyo. Kum mizli miɓi mi cuw cuwoy, bunaka mevel kumoyo.