9 I titilaka le ngi mbulo Babiloŋ, amma naŋ anta mbul ta. Pulakaŋ mbak fuku, mbur gar a cuh ng'asi ruwuy naŋ. Kiita nga naŋ a ndil le a muŋ, a ndil le ngbasl ar gazlavay.
Mijiviɗ ngi Bumbulvuŋ ada a Samari, a zilaka Odet, a bo nga ji hirnga ti soje Israyeley mandilam nga Samari, a ɓa taŋ: «Ani Bumbulvuŋ Buymisemuŋ ngi dideˀ kumoy miji mevel ar Zudahay tuwa na, a vulukum taŋ le asi haŋ kumo, joˀ ki ngizlaka taŋ ti himaˀ haɗi, hã hurum naŋ a ndil sesẽŋ a muŋ.
i ɓaŋ na: «Buymisemuŋ ɗu, lesl ɗu a mbiɗi le, mesem ara giy haɗi ngi ɗuva hiri ng'avi ka Buymisemuŋ ɗu, asi malambaˀ ndra a ji le haɗa dum hirnga ndra, yo mungra ndra, naŋ jirngasl jirngasl haɗa, sesẽŋ a muŋ.
Naŋ kine, gwat masa ndilo avu taŋ na, naŋ kahana, i mizli ka migir vu gar ngatara ngi pura daˀas avu taŋ, mingizlaka si haŋ ɗik, diga ti ka misi ki zuŋ aruŋ. Mbur gar a sa ru ng'ar li naŋ, ko mbur pal masa lihuw anta.»
A Ezipte, ko migi slra ngi dalahay kwana, taŋ kaɓa ziri sla muzlumbrahay. Taŋ vuna kwana, a mbiɗam duba le, a kilam le gar taŋ. Tˀanta cicam zlak gu ta. Haˀaw, hin ngi ngizla vu ara ndilawa avu taŋ, i hin ya masa cufuɗa taŋ ɓa a slufukiy slra taŋ migakaŋ.
Mbur mizligi daw ngi Babiloŋ gar na, kiɗakaŋ avra, waɗ misina gi slra ti slagway ngi gi gwat ngi sifiheye ma. Maslalam ara gi slra, anja mbur gar aru ng'avu mizli naŋhay, mbur gar a kil ng'asi ruwuy naŋ.
I cin ˀay kaɓa ngi mbur paɗ ti muŋ ma, a ɓi: «Aw mizli ɗuwoy, bam tir walahay madiɗa ng'avra. Vur kum masa cam ar mungra naŋ na, yo vur kum masa lumam bonoy muɗuvaka hĩˀĩ vur naŋ na.