ZEREMI 51:8 - Bible en langue guiziga

⁸ Amma gurjik si na, Babiloŋ a diɗ, a wuh meɗ meɗ. «Tuwam kaɗam kaɗam araŋ, puyakaŋ urdi mihindirik hindirik ng'ar waˀa naŋhay na, asinta, a sa mbul kwani!

ZEREMI 51:8 ပူးပေါင်းရင်းမြစ်များ

EZAYI 21:9

Gwat masawa ani: i mbur ar mota ngi vurum, pilisey cuw maɗiɗakaŋ. Dar a ɓi: A diɗ le, hirwuy Babiloŋ a diɗ le! Kuli naŋhay mideŋ deŋ zleˀe gar, a roko meɗ meɗ, kurosso a ruwuy.»

EZAYI 47:11

Mendere ara ndilawa ani ng'ar ka, k'anta sa si na sumuɗ a mbuŋ naŋ ta. Ɓi madiɗa a sa lumuw, k'anta sa ɗum ava gu ta. Naŋ kanah, mendere madiɗa a sa ndiluw gurjik, mendere misi ɓi nah a suw keŋ ɗaˀ ta.

EZAYI 47:9

Mendere mucuw hanayna, a sa lumukuw gurjik, ar hin purla si. Ziri ɗikey a sa micam, joˀ ki kiɗa mi nah ti cifi wudiga. A sa ndilukuw cummo, ko ti lum ɗik haɗa ti gi cekene ati pur ɗik ti njol ati daˀas na tekeɗe kwana, anta tikaka mendere tayna gu ta.

ZEREMI 46:11

Ka diili Ezipte, aru nga Galaˀat a wuɗa urdi mihindirik hindirik ngi puy da waˀa. Slalak ɗik mihaɗahay na gar i ngataraŋ, ko gwat makufuw waˀa ɗik anta.

ZEREMI 48:20

A sa mbuɗukum di na: «Mesem a kiɗa walahay Moˀapa le ɓaˀ, a mbizli le.» Wudam! Gawla kilawa! Tilam mi a Arnoŋ: a wahaka walahay Moˀapa le.

ZEREMI 48:31

Yo ma na, i ra tuwa Moˀapa ma. I ra widi da duniya kurzluˀ vur Moˀapa: ‹gawla kilawa.› I ra hislik ti tuwuy vur mizli Kir-Hereseye.

ZEREMI 50:2

«Ɓaka ɓi ani a wuzla sukwi ngi mizli, ɓaka ɓa mizli a sinaka, yo bigaka ti gwat ɓa mizli a sinaka ava, ɓaka ɓa mizli a sinaka, ki ɗumoko ta, ɓam na: a tiɓaka Babiloŋ le, walahay Bel a pi mesem le, kuli Marduk a diɗ le ndirɗaɗ a ruwuy. Kuli dum naŋhay a pam mesem le, kuli naŋhay a susuymom le.

ZEREMI 51:41

A tiɓaka Sesaka mbri mbri! Sesak walahay hirnga ngi si ruwuy gar, a tiɓaka le! Babiloŋ a tiri hirwuy midaŋ daŋ a wuzla sukwi gar mbri mbri!

ZEREMI 8:22

Urdi mihindirik hindirike, anta Galaˀata mata sukwa? Mumbulo vuhoy anta a diga ta kwa? Na mizli ɗuwoy na, a mbulom ta si mbrike?

EZEKIYEL 30:2

«Ka mburu, njika ɓi ɗu ani, ɓi: Bumbulvuŋ, Buymisemuŋ a ɓi na: Kay, tuwam ar hin ngi mendere hana!

DANIYEL 5:24

Dar Buymisemuŋ kwana, a slino haŋ misa toho gwat hana na.

NAHUM 3:19

Mendere mulumuw na, anta ɗiyi mata, waˀa ɗike, anta kuf mata. Mbur gar micina ɓi ngi gwat mulumuw na le na, a kiɗ haŋ aseˀe vur ka, asi moˀore ɗik na, ɓa ki ga da mburo, makaw mbeˀ mbeˀ ta na, ada kwa?

ƁIMUNJUYO 14:8

Modro mucuw naŋ mekelem, ara sipa mudumbuŋ ɓaˀ a dirba, a ɓi: «Babiloŋ, walahay madiɗa, a diɗ le, a diɗ le! Naŋ muvula mbaazla ngi madama naŋ mukuy ta wãˀ da sukwi ngi mizli gar na.»

ƁIMUNJUYO 18:2

A til mi ti gidaŋ, a ɓi: «A diɗ le! Babiloŋ, walahay madiɗa, a diɗ le, a diɗ le! A tiri hay ngi milyamay le, li cifi ngi setenehey, waɗ ngi ɗiyuw ngi zum tahay ati ngi hirisey gar.