ZEREMI 51:57 - Bible en langue guiziga

⁵⁷ Mizli madiɗa ngi slra naŋhay ati misi sinmijileŋ jileŋ naŋhaya, mijingaˀ ngi buy miwi li naŋhay ati buy miwi li naŋhay, waɗ bugawla naŋhaya, i sa wa taŋ duwlak duwlak ti mbaazla. A sa hinjam hinje muɗokɗok wãˀ, t'anta sa puɗukam puɗuk le mata a zilikiy: I ya Buy madiɗa mazilikiy. Bumbulvuŋ misi gidaŋ wãˀ.

ZEREMI 51:57 ပူးပေါင်းရင်းမြစ်များ

EZAYI 37:36

Modro ngi Bumbulvuŋ a ci ng'ar walahay guɗuk ngi soje Asiriheye, a kiɗ mizli durmuk skat ti kukur dangafaɗ nga zlum. Ngi miprike, mizli mindiramay a slikiɗam, keɗ na, vagay ngi mizli mumucahay tuwa saɓaɓaɓa.

EZAYI 44:25

Wurenna, ɓi ngi misi slireye, i tiri di ɓi ngatara le, i gi ti mihiziga njoloyo, ɓa a ɓam lambaˀ lambaˀ, i hizigiɗa misi sinmijileŋheye le nga dirba, yo sin taŋ ngi gi gwata, i tiri di le i ɓi ngi gilaway.

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

ZEREMI 13:13

kisa mbiɗa taŋ di: ‹Bumbulvuŋ a ɓi na: Mizli ngi si ruwuy hana gar, buy mubo tivi Davit, muar janga naŋ, masayay, mijiviɗey waɗ mizli Zeruzalemey gar na, i sa wa taŋ dulak dulak ti mbaazla.

ZEREMI 25:27

Ki sa ɓa taŋ: «Bumbulvuŋ misi gidaŋ wãˀ, Buymisemuŋ ngi Israyele, a ɓi na: Saka mbaazla hana, wam di ɓaˀ ɓaˀ, vunaham, ti kum masa puraka ya masa co kpis ti maslalam a wuzla kum na, kisa ndilam kros kros, manja ki slikiɗam.»

ZEREMI 46:18

Buy mazilaka Bumbulvuŋ, misi gidaŋ wãˀ a ɓi na: ya ti siifa! Kaɓa muwã Tabor mufuna muwãhay, yo kaɓa muwã Karmel mudum hirnga mubuliy na, mesene kum masa lumukum na, kanah ya.

ZEREMI 48:15

A ngizlaka Moˀapa le, ara kiɗaka walahay naŋhaya. Gawla hirnga ngi raˀahaya, ara pam taŋ sar nga sli ˀay.» - Maɓi I ya Buy madiɗa mazilikiy: Bumbulvuŋ misi gidaŋ wãˀa.

ZEREMI 50:30

Haˀaw, tapasa, gawla migi vurum naŋhaya, a ndilam ɓaˀ ɓaˀ ar li ngi lumahaya, a gucoko mi le da migi vurum naŋhaya cek. I ya Bumbulvuŋ maɓi.

ZEREMI 51:39

May gwat ara ja taŋ, i da taŋ ɗaf ngi muguzlumo: i sa wa taŋ duwlak duwlak, a sa hinjam, hinje muɗokɗok wãˀ. Ko anta sa puɗukam mata. I ya Bumbulvuŋ maɓi.

EZEKIYEL 20:33

Ya Bumbulvuŋ, Buymisemuŋ i ɓi: Kaɓa ya misi ti siifa gisiŋ na! Ya masa zum buy ar kum na, ti gidaŋ ɗu, ti haŋ paɗ a muŋ waɗ ti vunaha himaˀ ɗu.

NAHUM 1:10

Asi taŋ slilah slilah kaɓa sisim, yo taŋ muwam wãˀ ti mbaazla tuwa na, a sa zlizliraka taŋ pay kaɓa giziŋ muˀulo.

NAHUM 3:18

Buy Asiri, mijigin kumoy a roko ɗokɗok ngi wãˀ! Madiɗa ngi soje ɗikey anta wusam mata! Soje ɗikey a zliɗam hirnga le a muwãhay, ko mbur anta ngi cikila hirnga taŋ ta.

MALASI 1:14

Mbur misi ti ginew mizile mezle ar gezleŋ naŋ, a pula nah mbak murvay. Amma a ɓi ngi vul, yo ngi gi mikuli da ya Bumbulvuŋ i ginew mezle ta na, nis a jaŋ le. Asi yi buy madiɗa, yo slimiɗ ɗu ara ga zluwun da sukwi ngi mizli. I ya Bumbulvuŋ misi gidaŋ wãˀ maɓi.

ƁIMUNJUYO 18:9

Buy madiɗa ngi ruwuyoy migam madama ti naŋ, yo mulumam wuya naŋ na, taŋ misa puraka cunju ngi vu masa wuraŋ na le na, dar a sa tuwam, a sa niˀicam anga.