ZEREMI 51:5 - Bible en langue guiziga

⁵ Asi hirwuy taŋ a gi malambaˀ le da mipal ngi Israyele. Amma Israyel ati Zuda, Buymisemuŋ taŋ, Bumbulvuŋ misi gidaŋ wãˀa, a pula taŋ ta.

ZEREMI 51:5 ပူးပေါင်းရင်းမြစ်များ

BUYOY MUDUMBUŊ NAŊ 6:13

I sa cifi ar hay misenna a wuzla Israyeleye, yo Israyel mizli ɗuwoyo y'anta sa pula taŋ fuk lambaˀ ta wãˀ.»

BUYOY MUCUW NAŊ 21:16

Manase a kiɗ mizli migam gwat tahay le haɗa, hã pumbus taŋ a naha walahay Zeruzaleme gar. Mungra misi naŋ mihizigiɗa Israyeley ɓa a gam gwat malambaˀ a mihiri ngi Buymisemuŋ na, mbak nah le ɗagay.

ESDRAS 9:9

Haˀaw, Buymisemuŋ ndra, ko ar li gi beke ndra zleˀe na kwana, ki pula ndra mbak fuk ta. Asi gi teŋteŋ ɗik na, ki pura ndra ti hiri mezle avu buy Perseheye, a pulam ndra ti siifa, ɓa i slikiɗaka hiri ngi hay ngi ɗik, ka Buymisemuŋ ndra na, ɓa i ndiram gwatay ar diŋheye, yo ɓa ki vula ndra musuka vu a Zeruzalem waɗ asi ruwuy Zuda.

DIMISEY 94:14

Asi Bumbulvuŋ anta pula mizli naŋhaya ta, mizli nga naŋhaya, naŋ anta mbuka taŋ zlaɗ ta.

EZAYI 44:21

Kum mizli ngi Zakopoy, wulkam ani: Israyeley: kum i gawla ɗuwoy. Ya mindirukum na, ɓa ki cifam gawla ɗuwoy. Kum Israyeleye, anja ki pikiy mesem ta.

EZAYI 51:15

Bumbulvuŋ, Buymisemuŋ kumo i ya. I wusa mubuliye gizliwir gizliwir, yo i ga ɓa diɓel naŋ a hurum, slimiɗ ɗu: Bumbulvuŋ misi gidaŋ nwaˀ.

EZAYI 62:12

A sa zilika taŋ ‹mizli muvuku vu taŋ›, ‹Mizli Bumbulvuŋ mumbuɗo hirnga taŋ le›, yo a sa zulukuw ka Zeruzaleme ‹walahay muwuna le›, anta i ‹walahay mupula le fuk› mata.

ZEREMI 14:19

Aw Bumbulvuŋ, ki pula hirwuy Zuda fuk wãˀ, yo hirwuy Siyoŋ a ɓuluw mi le wãˀ sukwa? Ki kiɗa ndra ti waˀa misi slalak naŋ anta, vur mike? I ra njaham hiri zleˀe, ɓa i mbulom, amma ko ɓi mezle loŋ anta, hin masa ndilo ndra, zliv i mbulom le na ma na, amma mandilo ndra, i gwat magi zluwun jak ma.

ZEREMI 14:9

Ki ga vu ɗike kaɓa mbur misi didak mumuɗaŋ le mbrike? Yo kaɓa mbur bugawla malih vu gu mata mbrike? Dambalaka k'ada a wuzla ndra vuna ngbaŋ Bumbulvuŋ, ndr'i mizli muvulahay le da ka, ki pula ndra ta!

ZEREMI 16:18

Mungra taŋ madiɗa ati zluɓa ɓi taŋ na, i zla virzi naŋ ti pula bol nah ar taŋ makaw cuw wãˀ, asi a hiryaka sukwi ɗu le ti maara ngi kuli taŋhay na, yo a hiryaka sukwi ɗu le ti kuli taŋhay mukuyta wãˀhay na.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 23:15

Yo mbak ɗagay so, ya Bumbulvuŋ misi gidaŋ wãˀa, i ra ɓi ani vur mijiviɗ tayna: «I sa vula taŋ muwuŋ ɓa a sakaŋ, yo i sa lugo taŋ ti yam misi slalak ara, asi hiryi mitiɓa hirwuyo gar na, a bo tivi mijiviɗ Zeruzalemey.

ZEREMI 31:37

Ya Bumbulvuŋ i ɓi na: Da mbur a wa jek ngi birngiŋ ngi muŋ gu, a pura ɗuva virzi ngi ruwuyo gu na, naɓa i zliɗa tizer ngi Israyeley avra gu, vur malambaˀ taŋ gar migaka na. I ya Bumbulvuŋ maɓi.

ZEREMI 46:28

Ka gawla ɗu Zakopo, ki zluwun ta, asi y'ada ati ka. mizli, ya muzliɗukum hirnga ngi hay taŋ na, i ra ngizla taŋ kuɗup. Amma kumo, y'anta sa ngizlukum ta. I guw kiita da ka ar kaslsla naŋ, ɓa i puluw teˀ, kaɓa ki gi gwat ta na, a gi ta ɓula!» I ya Bumbulvuŋ maɓi.

ZEREMI 50:20

Ti di nah, ar pas nah vuna si na, a sipam ɓa a lumaka malambaˀ ngi Israyele, amma a sa lumaka na, a susuyum le. A sa sipam ɓa a lumaka malambaˀ ngi Zuda, amma anta sa lumam mata. Naŋ kine, mizli ya masa pula taŋ ti siifa na, i sa pula taŋ mungra taŋhaya. I ya Bumbulvuŋ maɓi.

ZEREMI 51:19

Amma naŋ lum ngi Israyele, yo naŋ migi gwat gara, naŋ ka taŋ na ta. Israyele kwana, i sukwi ngi si ruwuy naŋ, Bumbulvuŋ misi gidaŋ wãˀa, i slimiɗ naŋ!

EZEKIYEL 8:17

A ɓiy ma: «Ka mburu, ki pura le ya? Gwat mukuyta wãˀ, mizli Zudahay magaka aka na, naŋ pireˀ kwa? A nahaka hirwuyo le ti gi moˀore, ani a zlaka slikiɗikiy mevel le si ma, ara bigaka gidaŋ taŋ ti mevel fõh fõh.

EZEKIYEL 9:9

A ɓiy na: «Mungra ngi Israyel ati Zudahaya, a gi le haɗa, naŋ fineˀ gidaŋ. Pumbus a pi asi ruwuyo haɗa teˀe, yo gi moˀore a fini gidaŋ le ar walahaya, asi a ɓam na: ‹Bumbulvuŋ, a muɗ haŋ le avu hirwuyo, Bumbulvuŋ anta pura ndra gu ta›.

Ɗerewol OZE 2:1

Israyeley a sa sikam kaɓa muyuŋ a mi mubuliy, weˀ ti hiri, taŋ kini na, a wi ta, a slufam ta ma. Hin a sa ndilawa, ɓa Buymisemuŋ a sa ɓa taŋ: «Kum i mizli ɗuwoy ta» jak ma na, a sa zila taŋ: «Ziri ngi Buymisemuŋ misi ti siifahay» jaka.

Ɗerewol OZE 2:3

Ɓaka sukum kum mizileheye na: «Mizli ɗuwoy», yo sukum kum mongosohoyo ɓaka taŋ: «mawuɗam taŋ haɗa».

Ɗerewol OZE 4:1

Israyeley, cinaka mingiɓi ngi Bumbulvuŋ. Bumbulvuŋ ara ga kiita da mizli ngisi ruwuyoy. Asi gwat migisiŋ anta, wuɗa mbur migweˀ ngivi ka anta. Yo a sinaka Buymisemuŋ asi ruwuyo ta ma.

Ɗerewol OZE 4:2

Nisa vu, tikina vu, kiɗa hirnga, hul waɗ madama ara sikam nga mbuŋ nga mbuŋ. Kiɗa hirnga ara gi aseˀe aseˀe.

MISE 7:18

Buymisemuŋ, ka mapuy mungra, yo ka mapula slikiɗa ɓi ngi mizli ɗikey mindiram ti siifa na, ngi wi ati ka vuna i kuli wanaka? K'anta ki ji mevele ngi wãˀ ta, ka, ki wuɗ di i gi mezle da ndra.

MISE 7:20

Ki sa gi teŋteŋ avu dideˀ ngi Zakopoy, waɗ kisa pura dideˀ ngi Abrahama ti hiri mezle. Ka muhudum zleˀe avu dideˀ ndrahay, zle misi ngadana ta tuwa na, hana i nah so.

ZAKARI 12:6

Tapasa, buy Zudahaya, i sa tiri taŋ rak rak kaɓa zayvu mabul asi dum, yo kaɓa daliivu mubula le asi giziŋ. A sa ngizlaka sukwi ngi mizli mugun hirnga taŋ ti ka ti ka na gar. Amma Zeruzaleme, a sa ndir taˀ nga naŋ nga naŋ ar li naŋ.

ZAKARI 12:8

Tapasa, Bumbulvuŋ a sa jigina mizli Zeruzalemeye gar: ti hin nah na, mbur mihiya ngi si taŋ, a sa ndir a diga kaɓa Davit, yo hay ngi Davite, a sa ndir kaɓa Buymisemuŋ, waɗ kaɓa modro ngi Bumbulvuŋ a mbuŋ taŋ.

ZAKARI 2:12

Bumbulvuŋ misi gidaŋ waˀ, mislino ya ti ɓi madiɗa, asi ɓi ngi sukwi ngi mizli mihilaka gwat kumoy na, a ɓi: Haˀaw, mbur mija haŋ le avu kum na, kite a wus di i zinga ngi hiri ɗu.

SAMUYEL MUDUMBUŊ NAŊ 12:22

Buymisemuŋ naŋ anta sa pulukum ta, asi muwuɗ tiri ti kum sukwi naŋ na i naŋ vuna, vurˀe, slimiɗ naŋ mupuɗaw haɗa na, naŋ anta hirya ta.