ZEREMI 51:3 - Bible en langue guiziga

³ Mulak misi gulumoy a duba, ki pulaka taŋ ta, mbur mahuhum vu asi libiti naŋ na, ko ki pulaka ta. Ko ki pulaka gawla migi vurumoyo ta: ngizlaka soje naŋhaya pay wãˀ da ya.

ZEREMI 51:3 ပူးပေါင်းရင်းမြစ်များ

DIMISEY 137:9

Mizli masa jaka ziri ɗikeye, a buɗuslaka taŋ ar mandazlay muwã na, taŋ ar mumul!

ZEREMI 46:4

Juwaka piliseye! Jiɗam ar piliseye! Misi jiiku ngi gandafay, cinjaham! Wam vu ti ziwiteye! Kaka libitiheye!»

ZEREMI 50:14

Kum mizli misi lekey gar, cinjaham gun Babiloŋ. Mulakaŋ, ki wam vu ti luvutoyo ta, asi Babiloŋ a zluɓ ɓi le avu Bumbulvuŋ.

ZEREMI 50:21

Aru, zla kiɗa vu ati hirwuy Maratayime! Zlaŋ naŋ vuna ngi kiɗa vu, waɗ ati mizli ngi ruwuy Pekot ma! Mizli mindiram ti siifa a diga na, ngizla taŋ, vuliy taŋ, yo ga kaɓa ya muɓuw di le ɗaˀ le na gar. I ya Bumbulvuŋ maɓi.

ZEREMI 50:27

Ngizlaka gusoŋhoyo gar, anja a ram taŋ ng'ar li kiɗ taŋ! Kay i bonoy avu taŋ! Hin taŋ a ndila le, hin ɓa sey a slufaka gwat ngi gi taŋ.

ZEREMI 51:53

Da ko Babiloŋ a jiɗ le sesẽŋ a muŋ, a ɗiyi li naŋ le ngi ndil ng'ara ti tuwaˀ tekeɗe kwana, i sa ɓa mihirya gwataya ɗaˀ si na, a ndilam si. I ya Bumbulvuŋ maɓi.»

ZEREMI 9:21

Ka Zeremi, ɓi na, Bumbulvuŋ a ɓi ani: Vagay ngi mizli kros kros a ruwuyo, kaɓa zay gwatay ar guva, kaɓa mizer a dirba mbur munguma daw, ko mbur ngi hil taŋ anta.

Slu cuw 32:25

Ti vra na, a sa ngizlaka mizli ti maslalam, a haya, mizli a sa micam ti muɗa didak. Muc a sa kiɗa mizli gar, gawlahay ati diilihey, ziri ngi dubahay ati midigilahay ceke.

Ɗerewol ZAK 2:13

Asi, mbur mapur ˀircece da mizli ta na, Buymisemuŋ a sa gaŋ kiita manja a puraŋ ˀircece. Amma pura ˀircece a pa hirnga da kiita.