ZEREMI 5:9 - Bible en langue guiziga

⁹ Na sey i mbiɗa taŋ hirnga takwa? I ya Bumbulvuŋ maɓi. Na sey i pula cuwal ɗu avu sukwi ngi mizli misi kahana na takwa?

ZEREMI 5:9 ပူးပေါင်းရင်းမြစ်များ

MIKUCUWULOY 6:29

Ko wa gar maru ng'avu ngwas ngi cil naŋ na, naŋ kanah ya, ko wa gar muwusaŋ le na, naŋ anta bi njiraŋ ta.

EZAYI 1:24

Vurˀe, ya Bumbulvuŋ, Buymisemuŋ misi gidaŋ wãˀ, Bugawla ngi Israyel i ɓi na: «Kay! Mizli mazliram ti ya tahay na, i sa mbiɗa taŋ hirnga, yo mesene ɗuwoyo, i sa pula cuwal ɗu ar taŋ.

EZAYI 57:6

Kikirzleŋhey kum maguɗumaka taŋ ar hurjijiŋ na, mi ngi kum i nah so. Ki puslam di i taŋ ti mbaazla, ki zlumam taŋ gwat ngi mikuli. Bumbulvuŋ a cufuɗu: «Tayna gar na, ɓa a tislikiy mevel sukwa?»

ZEREMI 23:2

Yo mbak ɗagay so, ya Bumbulvuŋ, Buymisemuŋ ngi Israyele, i ra ɓi ani vur mijigina mizli ɗuwoyo: «Mupulaka ginew ɗuwoy mbak, ki zliɗaka hirnga taŋ mber mber, ko ki kam slimiɗ ar taŋ ta na, i kum takwa! Na, ya i wuɗ i ki slimiɗ ar kum, i sa kutukum kuti ngi bonoy, asi gwat ngi gi kum malambaˀ na. I ya Bumbulvuŋ maɓi.

ZEREMI 32:31

Walahay Zeruzalem nah na, zle angi ɗuva virzi naŋ hã wurenna, ara giy gwat ngi ji mevel, gwat ngi slikiɗa himaˀ fõh fõh. I sa ɓula taŋ a mbuŋ ɗu avra,

ZEREMI 44:22

Gwat ngi gi kum ngi moˀore zleˀe, yo malambaˀ kum mukuyta wãˀ migaka zleˀe na, Bumbulvuŋ anta ɓusa ɓi nah mata, yo ma na, hirwuy kumo, a tiri diŋ le, li cay daŋ daŋ lambaˀ. Mizli ara nisam vu ti slimiɗ ngi hirwuy kum vuna, mbur loŋ anta ara ta, naŋ kaɓa mapur ani dana na!

ZEREMI 5:10

Tuwuɗaka mohol mugun walahaya, ngurfoko gwataya, amma ki musukuɗoko taŋ tur wãˀ ta ɓula. Turoko zuwal ngi gudubunoyo, asi t'anta inga ya Bumbulvuŋ ta.

ZEREMI 5:29

Na sey i mbiɗa taŋ hirnga takwa? I ya Bumbulvuŋ maɓi. Na sey i pula cuwal ɗu avu sukwi ngi mizli misi kahanayna takwa?

ZEREMI 6:11

Himaˀ ɗik a mbiy le wãˀ Bumbulvuŋ, y'anta ɓusa gu mata. Pa himaˀ ɗik na ng'ar ziri ar buwal madiɗa, ng'ar gawla menjeɓelehey mi taˀ ti ngay taŋ. Asi a sa hilaka ziley ati ngwasaya, yo mizli micawwahay ati midigilahay wãˀa.

ZEREMI 6:6

Bumbulvuŋ misi gidaŋ wãˀa, a ɓi na: «Ngumaka widiseye, mbam muyuŋ mbeˀ mbeˀ a ciki Zeruzaleme, ɓa ngi ɗum: masa gaka bonoy na da walahay vuna ceke, asi a gam anga sey i moˀore tewle.

ZEREMI 9:8

I slikiɗ mevel ng'ar mizli tayna ta mbrike? Sukwi ngi mizli misi ka tayna, i pula cuwala avu taŋ ta mbrike? I ya Bumbulvuŋ maɓi.

ZEREMI 9:9

A muwãhaya, i niˀic ɗu macin deŋ, ar gezleŋ ngi ginewey a pala, i tuwuy ɗu kaɗam kaɗam, asi a wuraka gwataya le gar, ko mbur macuh ti diga anta mata, anta cinam wus ngi ginew a diga mata. Ɗiyuwoy, gwat misãmihey, gwatay gar a kilam le, gwat loŋ anta mata.

TUWUY 3:42

Ndra, ndr'i slikiɗam ɓi le, i cinam mi ta, na ka Buymisemuŋ, ki pula mungra ndra ta mbrike!

TUWUY 4:22

Kum mizli Siyoŋhoy, bonoy kum vur gi moˀore kum na, a kiɗ mi le muduba, Buymisemuŋ anta sa jukum nga ruwuy mulaka mata. Amma kum mizli Edomoyo, Buymisemuŋ a sa kutukum vur moˀore kumo: a sa njika mungra kumoyo ngbay ar li babaraŋ.

EZEKIYEL 7:9

Y'anta sa purukum geˀ ircece ta, na zle y'anta sa pur ircece ta si. I sa wurkukum weˀe avu gi gwat kumo, yo kisa ndiram ti gi gwat kum mukuyta wãˀ na. Dar kisa sinaka, makiɗukum na, i ya Bumbulvuŋ.

Ɗerewol OZE 2:13

Cira hiri naŋ gar, muguzlum naŋhay, ngi kiyakaˀ ati sabat naŋhay, waɗ kus naŋhay ngi wuzla mizli, yi sa ga ɓa a kiɗam mi.

Ɗerewol OZE 8:13

Ar deɗe ngi mikuli na, a gaka ti useˀ, a zumakaŋ, amma anta cira hiri da Bumbulvuŋ ta. Wurenna i ra wuluk keŋ ar malambaˀ taŋhaya. ara slufa mungra taŋhaya. Sey a mam nga Ezipte a muŋ.

LEVIHEY 18:25

Mica hirwuy Kanaˀan ar dili i gwat tayna vuna, yi kutaŋ ti bonoy asi malambaˀ naŋ na, dar hirwuy a ɓula mizli ngir naŋhay avra.

LEVIHEY 26:25

I sa go vurum ng'ar kumo, ngi pula bol ngi kum mingilaka jumoˀay ɗu ati kum na, dar kisa kusom hirnga turkpus ar walahay madiɗa kumoyo. I sa slino ti mozorbono nga wuzla kumo, yo i sa pulukum zlaɗ da mesene kumoy.

NAHUM 1:2

Bumbulvuŋ i Buymisemuŋ misi suloŋ, yo a pul cuwal ma. Bumbulvuŋ i mupula cuwal, himaˀ naŋ a gi zluwun. Mizli mazliram ti naŋ ta na, Bumbulvuŋ a pula cuwal naŋ ar taŋ, a zuɓ himaˀ fõh fõh ng'ar mesene naŋhaya.

Slu cuw 32:35

Tapas taŋ masa ndilam na, i sa pula cuwala, i sa ga taŋ gwat weˀe avu malambaˀ taŋ na. Asi hin ngi bonoy taŋ naŋ gweˀe, yo gwat makutuko taŋ, anta zum vu mata.

Slu cuw 32:43

Anja birngiŋ a mumul ati mizli ngi Bumbulvuŋhoyo, asi a wuɗ a pula cuwal ngi pumbus ngi gawla naŋhaya, a sa pula avu mesene naŋhay. A sa zuɓa hiryi ngi ruwuy naŋ ati ngi mizli naŋhaya kahana.