ZEREMI 5:8 - Bible en langue guiziga

⁸ Taŋ kaɓa pilis muzlumbura, misi may cifi maga taŋ zer zer! Ko wa gar na, a slurup slirap ti ngwas ngi cala.

ZEREMI 5:8 ပူးပေါင်းရင်းမြစ်များ

ZLI VIRZI 39:9

A hay aka vuna ma na, naŋ anta dum hirnga ɗu ta, yo a sli himaˀ ti gwat avu ya ko neˀ ta, sey ka tewle, asi ki ngwas naŋ. Ɓa i ra ga gwat malambaˀ mifineˀ gidaŋ kahana, yo ɓa i gi mungra avu Bumbulvuŋ mbri mbrike?»

Ɗerewol JOP 31:9

Da i pula mevel ɗu le ɗaˀ da ngwas, a tikiniy le, yo da i kutuk ngwas ngi midigwi ɗu le ɗaˀ gumbaˀ avu miviŋ na,

BI NGI ISRAYELEY 20:14

Ki gi madama ta.

BI NGI ISRAYELEY 20:17

«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.»

MIKUCUWULOY 6:29

Ko wa gar maru ng'avu ngwas ngi cil naŋ na, naŋ kanah ya, ko wa gar muwusaŋ le na, naŋ anta bi njiraŋ ta.

ZEREMI 13:27

Kay! Madamaka maga, may gwat ɗik, gi sulome ɗik mapi mesem na, i pura taŋ le. Kuli ɗik mukuy tahay misi a muwã waɗ a ɓuh na, i pura taŋ le kaɗaŋ kaɗaŋ. Aw Zeruzalem ɗu, ki ngum sipiy ɓa dili ɗik a zuɓ avra ta so! Na kisa zik kite wana aruŋ ka?

ZEREMI 23:10

Mizli gar i migi madamahay asi ruwuyo. Hirwuy ara tuwuy vagay, asi i minisa le, li zum ngi ginewey a pala, ara muˀul. A wusam vu nga taŋ, sey nga gi malambaˀa, yo a tumom vu nga taŋ, sey ngi gi gwat mibinyaˀ binyaˀ lambaˀ.

ZEREMI 29:23

A gam ti taŋ kanah, asi taŋ migam gwat ngi mesem ani asi ruwuy Israyele: a gam madama ati ngwas ngi cil taŋhay, a ɓam ɓi ngi slir ti slimiɗ ɗu, ko i ya muvula taŋ jiviɗ nah ta ngbaŋ. Ya vuna, yi si na le, yi ga sedewo naŋ le. I ya Bumbulvuŋ maɓi.›»

ZEREMI 50:11

Kum mizli Babiloŋhoy, ki zumaka hirwuy ɗu le, haˀaw, kum mumulom, jiɗam mececẽleŋ so! Haˀaw, kum zluzluɓam kaɓa bulkoŋ ar giziŋ miɗiɗi le, huhumom kaɓa pilisey migweˀ ngi cifi!

ZEREMI 9:2

Irne taŋ, naŋ kaɓa lek mihila le ngi mul. Taŋ migidaŋ gidaŋ asi ruwuy na, anta asi taŋ maɓam ɓi mikaslsla ta, amma asi slir taŋ na. A ra gam slra malambaˀ nga mbuŋ nga mbuŋ, na, a sinikiy ya vuna ta. I ya Bumbulvuŋ maɓi.

EZEKIYEL 22:11

Asi hirwuy ɗike, mbur a gi gwat mukuyta wãˀ ti ngwas ngi cil naŋ. Mbur mekelem a hirya vu naŋ ti gi gwat ngi hazi ati ngwas ngi mangal naŋ. Yo asi hirwuy ɗike, mbur numuŋ a ja sukum naŋ, zuŋ ngi cine, a hin di.

Slu cuw 5:18

Ki gi madama ta.

Slu cuw 5:21

Anja gwat ngi mbur cil ɗik a guw hiri ta, ko ngwas naŋ, ko hay naŋ, ko guva naŋ, ko gawla naŋ, ko ngwas migi slra ngi hay naŋ, ko sla naŋ, ko zungu naŋ.»