ZEREMI 5:7 - Bible en langue guiziga

⁷ «Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

ZEREMI 5:7 ပူးပေါင်းရင်းမြစ်များ

ƁI NGI HINEY MUCUW NAŊ 13:9

Migi mikuli ngi Bumbulvuŋhoy, ziri ngi Aroŋhoy waɗ leviheye, ki ɓulaka taŋ le, ɓa ki cam masay kumoyo i mizli ngi ruwuy mekelemey ta kwa? Da mbur a so le ti gusoŋ pal waɗ zlengerekey tarnaˀ si na, naɓa a tiri masay le da kuli tayna, misi i Buymisemuŋ ta na.

Ɗerewol JOP 31:12

Mungra ɗu i vu mazumiy kam kam, hã zizeˀ hirnga ɗu wãˀ, yo a zuma gwat ngi lum ɗu ger ger wãˀ.

DIMISEY 50:18

Da ki pur muhul le na, ki jumom ˀay cuwa, ki ji ngama ti migi madamahay.

ZEREMI 12:16

Da a dubunaka gi gwata le kuy kuy kaɓa mizli ɗuwoy, yo da ara hudumom ti slimiɗ ɗu, a ɓam: «Hadam ti slimiɗ ngi Bumbulvuŋ misi ti siifa!» kaɓa taŋ mudubunaka hudum ti slimiɗ ngi Baˀal zleˀe da mizli ɗuwoy na, naɓa a sa cifam ti hay taŋhay a wuzla mizli ɗuwoyo.

ZEREMI 13:27

Kay! Madamaka maga, may gwat ɗik, gi sulome ɗik mapi mesem na, i pura taŋ le. Kuli ɗik mukuy tahay misi a muwã waɗ a ɓuh na, i pura taŋ le kaɗaŋ kaɗaŋ. Aw Zeruzalem ɗu, ki ngum sipiy ɓa dili ɗik a zuɓ avra ta so! Na kisa zik kite wana aruŋ ka?

ZEREMI 16:11

Ka kisa ɓa taŋ na: «I gukum di kahana, asi dideˀ kumoy a pulikiy le, ara sipam kulihey, a huruk hurukam, yo a hurukom a mbuŋ taŋ. A pulikiy ya le mbaka, yo gwat ya mudubuna taŋ di na, a jaka a hirnga ta.

ZEREMI 16:20

Mburo, a ɗiyi bumbulvuŋhoy gu kwa? Na zle, a maɗiyam di i bumbulvuŋhoy ta.

ZEREMI 2:11

Sukwi ngi mizli a mbiɗaka kuli taŋhaya le ɗaˀ ti mekelemey kwa? kulihey vuna i gwat mupuɗaw puɗaway ta ngbaŋ ni! Amma mizli ɗuwoyo, a mbiɗikiy ya dudok taŋ le ti gwat mapul gir ko neˀ ta.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 23:10

Mizli gar i migi madamahay asi ruwuyo. Hirwuy ara tuwuy vagay, asi i minisa le, li zum ngi ginewey a pala, ara muˀul. A wusam vu nga taŋ, sey nga gi malambaˀa, yo a tumom vu nga taŋ, sey ngi gi gwat mibinyaˀ binyaˀ lambaˀ.

ZEREMI 3:19

Yi ɓi ti kwacay ɗu zleˀe na: «Yawwa, yi wuɗ i muɗuw ceɗ ti wuzla ziri ɗu mizileheye, i vuluw hirwuy mimezle haɗa, hirwuy mukuy teˀ misi a wuzla sukwi ngi mizli.» Dar yi ɓi ti kwacay ɗu: «Ki sa zilikiy ‹Baha›, kum anta sa mbiɗikiy duba mata.»

ZEREMI 3:8

Israyel mapula sipi jiviɗ na, yi ɓulaŋ le asi gi madama naŋ na, yo i vulaŋ ɗerewol ngi ɓul naŋ le. Amma sukum naŋ mongoso Zuda miteŋteŋ ta na, a pura le ngbaŋ, ti nah gar na, ko zluwun a gaŋ neˀ le ta, a zla a gi sulome ya.

ZEREMI 7:9

Ki hulom, ki kiɗam hirnga, ki gam madama, ki hudumom ti slir, ki gam mikuli mizlam zlam da Baˀal, ki sipam kulihey misi majunukum gu ko neˀ ta, ki gam kahana zuyo si sukwa?

ZEREMI 9:1

Da y'ada ti li pi sar ngi muzuɓa mulakay a wuzlaɓuh mikirɗak kirɗak zleˀe na, anja ani i pula mizli ɗuwoy na, i cuh kileŋ avu taŋ, asi taŋ gar i migi madamahay, a vulam mizli ngi ji.

ZEREMI 9:2

Irne taŋ, naŋ kaɓa lek mihila le ngi mul. Taŋ migidaŋ gidaŋ asi ruwuy na, anta asi taŋ maɓam ɓi mikaslsla ta, amma asi slir taŋ na. A ra gam slra malambaˀ nga mbuŋ nga mbuŋ, na, a sinikiy ya vuna ta. I ya Bumbulvuŋ maɓi.

TUWUY 3:42

Ndra, ndr'i slikiɗam ɓi le, i cinam mi ta, na ka Buymisemuŋ, ki pula mungra ndra ta mbrike!

EZEKIYEL 22:11

Asi hirwuy ɗike, mbur a gi gwat mukuyta wãˀ ti ngwas ngi cil naŋ. Mbur mekelem a hirya vu naŋ ti gi gwat ngi hazi ati ngwas ngi mangal naŋ. Yo asi hirwuy ɗike, mbur numuŋ a ja sukum naŋ, zuŋ ngi cine, a hin di.

Ɗerewol OZE 11:8

Efrayim, i sa guw mbrike? I sa pula Israyel a si haŋ ɗik kwa? Ɓa i sa gi ti kakaɓa walahay Atma na, mbri mbrike? yo i sa tiri ti kakaɓa walahay Seboyim na, mbri mbrike? A giy le welele a mevel ɗu, waɗ mana, ircece anta avu ya mata.

Ɗerewol OZE 13:6

Kum mindiloko ndil ar li misi gwat ngi zum ara si na, ki mbam le, amma kum mimbam si na, joˀ ki huhumomvu, kum mupuyukom hirnga ti ya na vurˀe.

Ɗerewol OZE 4:2

Nisa vu, tikina vu, kiɗa hirnga, hul waɗ madama ara sikam nga mbuŋ nga mbuŋ. Kiɗa hirnga ara gi aseˀe aseˀe.

Ɗerewol OZE 7:4

Taŋ gar i migi madamahay. Taŋ kaɓa li di ɗaf munjulili, midi ɗaf mupula ɗiya vu naŋ le, zle ti naŋ mufukuɗa hapa le, hã hapa a slikiɗi.

LEVIHEY 20:10

Da mbur a hin le ti ngwas ngi mbur cil naŋ na, a kiɗaka taŋ vagay vagay cuw taŋ, mbur mizile ati ngwasa.

AMOS 8:14

Mizli mahudumom ti kuli ngi Samarihey, maɓam: «Hadam ti kuli ɗik misi ti siifa, mazilaka Daŋ!» na, yo «Hadam ti Misi Gidaŋ ngi Berseba» na, a sa ndilam simtraˀ simtraˀ ngi wãˀ, anta purtaˀ le mata!

SOFONI 1:5

Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

KORENTIHEY MUDUMBUŊ 6:9

Mizli magam gwat mijeŋ tahay na, anta sa zumam buy ngi Buymisemuŋ ta na, ki sinaka ta kwa? Jam lesl, cinaka ɓi ani kuy kuy: Ko sulomehey, ko mizli madilkam a mbuŋ kulihey, ko migi madamahay, ko mihin ti cil taŋhay ti jiviɗ wanaka gar,

KORENTIHEY MUDUMBUŊ 8:4

Ani so na, useˀ magam di kuli na, a zumaka zuy sukwa mbrike? I sinaka le, kuli i gwat mupuɗaw ar duniya ta, yo Buymisemuŋ naŋ purla si, ko mekelem anta.

GALATAY 4:8

Zleˀe, ti kum misinaka Buymisemuŋ t'aruŋ na, kum i beke ngi kulihey misi kpak taŋ i bumbulvuŋhoy ta.

Slu cuw 32:15

Naŋ kine, Israyel a zum a mbi le, Yesuruŋ mimbi na, a slikiɗ ɓi. A zlumbur kikiɗif kikiɗif, paɗ vra vra. A zla pula Buymisemuŋ migi naŋ vuna. A pa mesem le da mandazlay muwã milih naŋ.

Slu cuw 32:21

A slikiɗikiy suloŋ ti mulvuŋ taŋhay na, a slikiɗikiy mevel ti kuli taŋhay misi i gwat lambaˀhay na. Na ya, i wuɗo slikiɗa taŋ suloŋ ti jina sukwi misi i sukwi mupuɗaw ta, yo i wuɗo slikiɗa taŋ mevel ti sukwi manja lesle.

HEBEREY 13:4

Anja mbur a pura ɗuvavu ngi zil ati ngwasa, i gwat mupuɗaw. Anja zil ati ngwas a ndiram teŋteŋ ar wala taŋ. Asi sulomehey ati migi madamahaya, Buymisemuŋ a sa ga taŋ kiita.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.

ZOZUWE 23:7

Sukwi ngi mizli tayna mindiram a wuzla kumo aruŋ na, ko ki jumom ati taŋ ta. Ko ki zilaka slimiɗ ngi kuli taŋhay na avu mi kumo ta. Ki hudumom ti kuli taŋ tayna ta. Ki gaka taŋ mezegwel ta, yo ki hurkom a mbuŋ taŋ ta ma kini.