ZEREMI 5:6 - Bible en langue guiziga

⁶ Yawwa! moboroy a sa boko tisi dum, a jaka taŋ, Kiriɓuhoy, a sa jaka taŋ. Dirlengehey a sa ndahaka walahay taŋhaya, da mbur mubo le put si na, a puwaka njeɗek, asi ara gam mungra ti vendeke, taŋ mapulaka sipi jiviɗ tuwa, ara bigi ko mbak le anta.»

ZEREMI 5:6 ပူးပေါင်းရင်းမြစ်များ

ƁI NGI HINEY MUCUW NAŊ 36:14

Yo ma na, buy ngi masayay ati buy ngi mizli, ara ziriɗaka mi ngi Buymisemuŋ ti gidaŋ, a gam gwat malambaˀ muwãˀ ngi sukwi mekelemey magakaŋ, a hiryaka hay ngi Bumbulvuŋ mitiri di nga naŋ a Zeruzaleme.

ESDRAS 10:10

Masay Esdras, a slikiɗ, dar a ɓa taŋ: «Israyeley, kum migam teŋteŋ ta, yo kum muzuɓam ziri ngi mizli mulakay na, kite ki giɗam di i mungra ngi Israyeley ava.

ESDRAS 9:6

i ɓaŋ na: «Buymisemuŋ ɗu, lesl ɗu a mbiɗi le, mesem ara giy haɗi ngi ɗuva hiri ng'avi ka Buymisemuŋ ɗu, asi malambaˀ ndra a ji le haɗa dum hirnga ndra, yo mungra ndra, naŋ jirngasl jirngasl haɗa, sesẽŋ a muŋ.

Ɗerewol JOP 10:16

Da yi zuɓa hirnga le paɗ na, naɓa ki gidiɗiy ka dirlengeŋ. Joˀ ki giy bonoy ti cekene ɗik madiɗahay na mbak le ta.

DIMISEY 104:20

Ka mugo luvuŋ le geˀ si na, duvuɗ a ji le timbiɗim, joˀ gwat misãmi ngi ɓuhoy, a ram ti liˀiwenewene.

DIMISEY 80:13

Ki ngila zluɓ naŋ avra vur mike? Mbak ani mizli macohomo, ara huloko yi naŋ.

EZAYI 1:23

Buy ɗikey i mislikiɗa ɓihey, yo i muɗumo muhuloy. Taŋ cek a wuɗam gwat ngatara, ar gwat gar na, a wuɗam sey haŋ sik le. Anta gam gwat mijeŋŋe da mutuhu ta, yo anta cinam widi ngi ngwas widiga ta.

EZAYI 59:12

Naŋ kine Buymisemuŋ, i cunukuw mi ta ndrehhe, yo malambaˀ ndra, ara mbiɗi ng'ar ndra. Haˀaw, slikiɗa ɓi ndra, ara slupuˀ avu vu ndra, i sinaka zluɓ ndraˀahaya le kuy kuy muduba.

ZEREMI 14:7

Aw Bumbulvuŋ ɗu, da mungra ndrahay ara mbiɗam ndra hirnga tehhe a muŋ na, gi gwat neˀ ɓa ngi ɗuva hirnga da slimiɗ ɗike! Naŋ kanah ɓula, i ra jam mi ndrehhe: i sinukuw ta, i sinukuw ta, i zluɓam ɓi le avu ka.

ZEREMI 2:15

Mizli a tuwam ng'ar taŋ kaɓa mobor njawalay, a bucaka taŋ ɓar ɓar. A musukuɗoko hirwuy taŋ le tur, a wuraka walahay taŋhaya le, mbur anta loŋ ar taŋ mata.

ZEREMI 2:17

Gwat hana migi avu kum gar na, asi kum mupulaka Bumbulvuŋ Buymisemuŋ kumo mbak, ti di naŋ mukusukum zleˀe na takwa?

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 25:38

A pula mizli naŋhaya kaɓa mobor mupula kuɓuŋ naŋ le. Hirwuy taŋ a ndir daŋ daŋ cay, a mbuŋ vurum manja pura ircece, a mbuŋ himaˀ mufõh fõh ngi Buymisemuŋ.

ZEREMI 30:14

Mangasl ɗikey gar, a puyukom ti ka hirnga le, t'anta lukukuw mata. I kuɗuw le kaɓa makiɗam mesene, i kutuw kuti ngi bonoy le haɗi, vur mungra ɗik madiɗahay mihaɗi, waɗ vur malambaˀ ɗik makiɗ mi pas le ta na.

ZEREMI 30:15

Pura, ka mawidi ti kiɗ ɗik muculok na ayɗi! Ko waˀa ɗik anta kuf ta. Ya magi ti kakahana na, asi mungra ɗik madiɗahaya taŋ haɗi, yo asi malambaˀ ɗikey makiɗam mi pas le ta na.

ZEREMI 30:24

Bumbulvuŋ, mevele mufõh fõh, ɓa a sa tisle na, gwat naŋ ɓi micica ɓi nah wãˀ ngi gi ngi gi gar na, sey da naŋ miga taŋ le gar far. Nga mbuŋ, kisa slaka wala nah ɓula.

ZEREMI 4:7

Mobor ara bawa tir li hin naŋ, mihirya sukwi ngi mizli a zuɓo jiviɗe le, a bo le baɗ a hay naŋ nga ngizla hirwuy ɗike: a sa wura walahay ɗikeye, a sa ngizla mizli ngi raˀahaya kuɗup.

ZEREMI 49:19

«I sa so kaɓa mobor mabo tisi kalaf mingiriɗ a mi mizaw Zurdeŋ, ɓa ngi ru ng'ar li ngi yam mivi: naŋ kanah, gurjik si na, i ɓula taŋ ti Edomo, i slin ti gawla migi vurumoy kutum ɓa ara lumakaŋ. Asi misi kaɓa ya i waka? Masa ziliy gu ng'ar kiita i waka? Mijigin ngi mizli, masa cici gu a mbuŋ ɗu i waka?

ZEREMI 8:5

Mizli Zeruzalem hanayna, a roko zizam avu jiviɗe, t'anta cicaka wuluk taŋ dar purla ta wãˀ vur mike? A ra cicam zlak gidaŋ gidaŋ ar ɓi maga taŋ gilaw na si, anta ngumam moko nga dirba ta.

ZEREMI 8:7

Ko membese mbese maslikiɗ a muŋ kwana, a si na hin ngi cuh naŋ ng'ar li mekeleme le. Gonok, mezlezleŋ waɗ denguryeke, a sinaka hin ngi bo taŋ le. Amma mizli ɗuwoyo, anta kam slimiɗ ar ɓi ya Bumbulvuŋ miɓa le ta.›»

TUWUY 1:5

Mizli mazliram ti naŋ ta, a funakaŋ le, mesene naŋhay ara pulam vu, naŋ masi bonoy na, i Bumbulvuŋ migaŋ di, asi slikiɗa ɓi naŋ mihaɗa na. Ziri naŋhay i mijahay le, mizli mazliram ti taŋ ta, ara ɓulaka taŋ sesek a mbuŋ, ara ram taŋ le nga hirwuy mulak.

EZEKIYEL 16:25

Ar mazlaka jiviɗey gar na, ki ndir li ndar ndar jiɗngwil ngi biga gi gwat ɗik mukuyta wãˀ ti kuy ɗik tuwa angaŋ. Ki vula vu ɗike da mbur macuh gar si, ki ra gi sulome ti vendeke.

EZEKIYEL 22:27

Buy ngi raˀahaya, taŋ kaɓa kiriɓuhoy manguwam gwat ngi zum taŋ, taŋ weˀ weˀ vu ngi kiɗa hirnga, ngi ziza mizli ɓa a ciram tisi taŋ ngi luuma gwata.

EZEKIYEL 23:19

A ra ga sulome naŋ makaw mbeˀ mbeˀ, kaɓa ar hin ngi gi zuŋ naŋ, ti di naŋ migi sulome zleˀe a Ezipte tuwa.

DANIYEL 7:4

Mudumbuŋ naŋ kaɓa mobor, amma naŋ ti kirpasl ngi kurom. Ti ya mapura na, a mburcakaŋ kirpaslay avra. A slikiɗ ti ruwuyo, a cici deŋ ar sar kaɓa mbur, waɗ a vulakaŋ lesl ngi mbur.

DANIYEL 7:6

A dirba nah, i ra pur hiri ma ni, keɗ na, mekelem deŋ ma. A bam vu ati kokoyta, kirpasl ngi ɗiyuw kaˀ kaˀ mufaɗ a duba, hirnga mufaɗ. A vulakaŋ buy madiɗa miwãˀ.

Ɗerewol OZE 5:14

Ya jak na, i sa gi avu Efrayimeye kaɓa mobor, avu Zudahaya, i sa zli kiɗa vu kaɓa gawla mobor. Masa puw vu meɗ meɗe, i ya, i sa cuh ti gwat ya mija, ko mbur masa tiɓiy di anta.

HABAKUK 1:8

Pilis taŋhay a wusam vu fineˀ kokoytahay, a jam vu fineˀ kiriɓuhoy majam gwat ti pastaˀa. Mukukuro pilis taŋhay a gam slra teˀ. Mukukuro pilis taŋhaya, a soko tir li mikileŋ, a surom, kaɓa kurom masur nga vi gwat.

SOFONI 3:3

Buy ngi raˀahaya, taŋ kaɓa moboroy ar li tuwuy, migi kiita naŋhaya, taŋ kaɓa kiriɓuhoy majam gwat ti li zuyyo ko a pulam neˀ le ngi humbuɗ ti miprike ta.

SLUFA VU 32:14

Ani wurenna, kum sukwi migi malambaˀhay, ki wuɗam ki sipaka sar ngi dideˀ kumoyo, ɓa ki slikiɗaka mevel da Bumbulvuŋ ng'ar Israyeleye si mata!

ƁIMUNJUYO 13:2

Gwat ya mupura nah na, a bam vu ati lungum, saray a bam vu ati luˀuf naŋ, naŋ ka ngi mobor. Joˀ ngoŋngoŋ tuwa, a vulaŋ gidaŋ naŋ, li cifi naŋ ngi zuma buyo, waɗ dudok haɗi ma.