ZEREMI 5:3 - Bible en langue guiziga

³ Bumbulvuŋ, ka ki hiyĩ di i mbur magi teŋteŋ takwa? Ki kiɗa taŋ ti kiɗ kwana, amma ko a ga taŋ gwat ta, ki ra ngizla taŋ kwana, amma ko anta ngumam tiɓa mi ɗike ta si. ara gaka hirnga taŋ gidaŋ fineˀ ɗuguro, t'anta ngumam moko ng'avi ka ta.

ZEREMI 5:3 ပူးပေါင်းရင်းမြစ်များ

ZLI VIRZI 19:34

Li naŋ muwun ma na, zuŋ madiɗa tuwa, a ɓa sukum naŋ meceɗeke: «Pura ɗi, i hinam le ati baha. I vulakaŋ mbaazla duvuɗ dana ma, ɓa ki ra hinam cuwa aya. Ɓa i yakaŋ dideˀhey.»

BUYOY MUDUMBUŊ NAŊ 13:33

Gar ti nah kwana, Zeroboˀama, gi gwat naŋ malambaˀ na, ko a pula ta na si. Naŋ kine, a hil ngi gi mikulihey ar li miɗingir ɗingirey ngi gi mikuli, i mizli hõ gar a wuzla sukwi ngi Israyeleye si. Mbur muwuɗ slra ngi gi mikuli le na, a cakaŋ ar slra, ɓa a tiri masay ar li miɗingir ɗingirey ngi gi mikulie si.

BUYOY MUCUW NAŊ 1:13

Buy a slin madiɗa ngi sojehey mimakir taŋ ma, ti sojehey kukur zlum aseˀe. Madiɗa ngi sojehey mimakir taŋ nah, naŋ mindil a ciki Eli na, a huruk huruk a mbuŋ Eli, a tumbuloŋ, a ɓaŋ: «Mijiviɗ ngi Bumbulvuŋ, ya ati gawla ɗu mizli ngir zlum hanayna, pula ndra ar siifa takwa!

ƁI NGI HINEY MUCUW NAŊ 16:9

Asi Bumbulvuŋ a bula hiri bal bal asi ruwuy gar na, ɓa ngi jina mizli muvulakaŋ mevel taŋ le taˀ wãˀ da naŋ. Na wurenna, ki gi gwat ngi gilaway le. Vurˀe, zle dana, mizli a sa gam vurum ti ka.»

ƁI NGI HINEY MUCUW NAŊ 28:22

Ahasa, ko ti taŋ mindahakaŋ hirnga ndah na tekeɗe kwana, ara ziriɗa mi ngi Bumbulvuŋ ti vendeke na si jaka.

DIMISEY 51:6

I guw mungra le, i guw di da ka pal ɗike, gwat ka mapura kuy ta na, i ga le si, vurˀe, ka mira ɓa ɓi na, naŋ jeŋŋe, ka mira ga kiita na, mbur a mbuɗuw hirnga ta.

DIMISEY 51:8

Amma gwat ka mawuɗ a mevel mburo, i ɓi mikaslsla. Ar wuluk mijileŋ ngir mevel ɗu, ki ra vuliy sin ɗiki.

DIMISEY 55:20

Anja Buymisemuŋ a cine ˀay ɗu, yo anja a guco taŋ mi, naŋ mazum buy diga ɗuva virzi ngi duniya! Mizli tayna, anta sa mbiɗaka wuluko ta, t'anta zluwunam ti Buymisemuŋ ta.

MIKUCUWULOY 21:29

Mbur misi moˀore, a ga vu naŋ ka mbur migidaŋ gidaŋ, amma mbur mikaslsla na, gwat ngi gi naŋ a dir virzi le gidaŋ gidaŋ.

MIKUCUWULOY 22:12

Bumbulvuŋ a ro hiri taˀ ar sin migisiŋ gisiŋ, a hirya mingiɓi ngi mbur maɓi sloh sloh.

MIKUCUWULOY 23:35

Joˀ a ɓi: «A kiɗikiy le, amma ko a jiy ta! A sliɗikiy le, amma ko a ci avu ya ta! Da ya misa puɗuk le na, i sa cufuɗ mbaazla ava na si.»

MIKUCUWULOY 27:22

Mbur gilawa, da ko ki ɗugo ar jijiŋ jom ati mengeleleŋ ngi gwata tekeɗe kwana, gilaw naŋ na, anta kurut avra ta na si.

EZAYI 26:11

Bumbulvuŋ, ki puka haŋ le pak ngbaŋ, t'anta puraka ta, amma ti taŋ masa puraka wirwir ɗik ngi cika vu ar mizli na, a sa pam mesem, vu mubula hĩˀĩ vur mesene ɗikeye, a sa zumataŋ.

EZAYI 42:25

Vurˀe, a vunaha mevele ati himaˀ naŋ ngi vurumo ng'ar Israyeleye. Mevel naŋ a tiɓi ka vu ngi hay mawur, gun hirnga taŋ, amma ko Israyeley a ngumam sin naŋ ta, a zluma taŋ zlam zlam kap, amma ko a wulkam neˀ le ta.

EZAYI 48:4

Amma yi sinukum le, kum i mizli mukuwahay, kum i mizli micin tahay wãˀ, hirnga kumo gidaŋ ka ɓiri gaza.

EZAYI 9:13

Vurˀe, ar hin purla si na, asi ruwuy Israyele, Bumbulvuŋ a buko hirnga ati dangwala, waɗ mihaŋ ngi dibinoje ati lavaɗaya.

ZEREMI 15:7

Ar walahay madiɗahay ngi si ruwuyo, yi kufa taŋ le ti gungwa ɗu, ɓa himiɗ a kil ti taŋ. Yi hirya mizli ɗuwoyo le ti ya mingizla ziri taŋhay na, amma ko a mbiɗaka gwat ngi gi taŋ ta na si.

ZEREMI 17:23

Amma taŋ a tiɓaka mingiɓi ɗu ta, a jikaka slimiɗ aseˀe ta, a tiram hirnga gidaŋ, ɓi ya miɓa taŋ di ɗaˀ ɗaˀ le na, ko a ngumam cinaka ta, a ngumam tiɓaka ta.

ZEREMI 19:15

«Bumbulvuŋ misi gidaŋ wãˀ, Buymisemuŋ ngi Israyele, a ɓi na: Bonoy ngi gihey mimbizeˀ mbizeˀ a kwacay ɗu gar na, i sa ga taŋ angi walahay hana, asi a gaka hirnga taŋ gidaŋ, yo a ngumam cine mingiɓi ɗu ta.

ZEREMI 2:30

Ya makiɗa ziri kumoy na, i gir ngataraŋ, t'anta tiɓaka mi ngi kuti ta. Maslalam kumoy a zumaka mijiviɗ kumoyo le kap, kaɓa mobor maji gwatay sunok sunok.

ZEREMI 3:3

Akẽh na, ki lum vuŋ malasa ra mata, ko vuŋ ngi sifi kwana, ki lum mata: Amma gar ti nah kwana, ki sulome macin ta wãˀ na si, ko ki ngum si na pi mesem ɗik na ta ma.

ZEREMI 32:19

Ki mukuti vu mupuɗaw wãˀ, migidaŋ ngi gi gwata, ki ro hiri taˀ ar gwat ngi gi ngi mbur gar, yo ki gi ti mburo gar weˀe avu kpak naŋ, weˀe avu gwat ngi gi naŋ.

ZEREMI 35:13

«Bumbulvuŋ misi gidaŋ wãˀ, Buymisemuŋ ngi Israyele, a ɓi: ‹A ra ɓa mizli Zudahay ati mizli Zeruzalemeye na: mingiɓi ɗu ya madubunukum di na, ki tiɓaka le, ɓa ki jaka a hirnga muduba sukwa? -I ya Bumbulvuŋ maɓi.

ZEREMI 44:10

Hã dana kwana, mbur malik vurˀe anta, zluwun anta avu taŋ ta, yo mingiɓi ɗuwoy ya mudubuna taŋ di ati ɓimuɗuva ɗuwoy, ya muvulukum taŋ da kum waɗ da cine kumoy na, t'anta sipaka ta.›»

ZEREMI 7:26

Amma ko a cinikiy di ta, a jikam slimiɗ ta: a ndiram hirnga gidaŋ, i misi moˀorehey fineˀ dideˀ taŋhay tuwa ma jak.

ZEREMI 7:28

Na ɓa taŋ na: Kum i sukwi ngi mizli macinam mi ngi Bumbulvuŋ Buymisemuŋ taŋ ta, matiɓaka kuti ta. Ɓi mikaslsla anta a hur kumo mata, a susuyum le avu mi kumo.

ZEREMI 8:5

Mizli Zeruzalem hanayna, a roko zizam avu jiviɗe, t'anta cicaka wuluk taŋ dar purla ta wãˀ vur mike? A ra cicam zlak gidaŋ gidaŋ ar ɓi maga taŋ gilaw na si, anta ngumam moko nga dirba ta.

EZEKIYEL 2:4

Ya Bumbulvuŋ Buymisemuŋ i ɓi na: Ya maslinuw na, ng'avi mizli micin tahay, misi hirnga gidaŋhay, kisa ɓa taŋ na: ‹Ki sa ɓataŋ ɓi ng'aya Bumbulvuŋ, Buymisemuŋ.›

EZEKIYEL 24:13

Zeruzalem, mucuw ar dili i kwelegwer ɗik na. Ya muzuɓ mevel fõh fõh ar ka na, sey da ya mikiɗa mi naŋ le far ta na, dili ɗik anta zuɓ avra ta. Asi yi wuɗ zuɓa dili ɗike le avra zleˀe, amma ko ki ɗiy ta.

DANIYEL 9:13

Mendere tayna gar a gam ar ndra, kaɓa mutoho ar ɓimujuwa ngi Moyis. Amma i pulaka gwat malambaˀ ndraˀahaya ta, i jikam slimiɗ asi ɓi mikaslsla ɗike, ɓa i tuslukuw mevel da ka Bumbulvuŋ Buymisemuŋ ndra ta.

LEVIHEY 26:23

Da ki tiɓaka kuti, ya mukutukum ti bonoy na ta, ki ra slam himaˀ avu ya ɓula si na,

AMOS 4:10

I slino jiji mozorbono a wuzla kumo kaɓa migi zleˀe a Ezipte na, i kiɗa gawla kumoyo le vagay vagay ti maslalam, yo i tiɓa pilis kumoyo le, yo zĩˀĩ ngi vagay ngi mizli misi ar walahay guɗuk kumo, aru sesẽŋ a hutuŋ kum. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 4:11

I mbiɗa gwataya le pulaˀ pulaˀ gar a hay kumo, kaɓa migi zleˀe a Sodom waɗ a Gomor na. Kum zleˀe kaɓa misliŋ vu muɗuɗoko di le tir vu. Gar ti nah kwana, ki soko ng'avi ya ta na si. I ya Bumbulvuŋ maɓi.

AMOS 4:6

Ar walahay madiɗa kumoy gar, miga ɓa gwat ngi ci nga kwala anta na, i ya, yo a hay kumoy gar ma na, miga ɓa milef rum anta kwana i ya. Amma gar ti nah na, ki moko ng'avi ya ta. I ya Bumbulvuŋ maɓi.

AMOS 4:8

Mizli ngir walahay cuw malla makir, a ram ng'asi yam ar walahay mekeleme manja a kiɗa taŋ madalyama. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 4:9

I go jijihey wal wal da daw ngir guva kumoyo, a muˀulom, a zãˀãm. Gwat ngir jarne kumoy ati gudubun kumoy, ˀuruf kumoy waɗ tutumbur kumoyo, birnjeɗek a zuma taŋ le pay. Gar ti nah kwana, ki moko ng'avi ya ta na si. I ya Bumbulvuŋ maɓi.

SOFONI 3:7

Yi ɓi ti kwacay ɗu na: «Ko mbri, walahay a sa ciniy mi neˀ le, a sa tiɓa ɓi ngi gwat ya midubunaŋ di. Y'anta sa waha hay nga naŋ ta.» Da ya mira kuta taŋ ti bonoy na, a wusam vu kutum ngi hirya vu taŋ ti gwat malambaˀa.

ROMAHAY 2:2

I sinaka le, Buymisemuŋ maga kiita da mizli magam gwat kanah na, naŋ kaslsla.

HEBEREY 12:9

Cine ndra ngi ruwuyoy aka, a kutam ndra le, yo i ɗuvaka taŋ hirnga le. Na Cine ndra misi a muŋ, buy ngi musuɗukoy na, i hinam hirnga a mbuŋ naŋ, ɓa i lumam siifa ta mbri jak ka?