ZEREMI 5:2 - Bible en langue guiziga

² «Ko da mizli ara hudumom, a ɓam: «I hudum le ti Bumbulvuŋ misi ti siifa» na, i ngataraŋ.

ZEREMI 5:2 ပူးပေါင်းရင်းမြစ်များ

EZAYI 48:1

Kum mizli ngi Zakopoy, cinam ayɗi. Ki zilaka vu kumo Israyeley, ki boko tir tizer ngi Zuda, ki hudumom ti slimiɗ nga ya Bumbulvuŋ, yo ki hunumikiy ya Buymisemuŋ ngi Israyele, amma ki gaka njah kuy kuy ta, ki gaka ti jiviɗ mikaslsla ta.

ZEREMI 4:2

Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

ZEREMI 44:26

Yo mbak ɗagay so! Kum mizli Yudehey misi asi ruwuy Ezipte! Bumbulvuŋ a ɓi na: Hadam ti slimiɗ ɗu mihirnga na, asi ruwuy Ezipte gar na, anja mbur Yude a zila slimiɗ ɗu mata ndiɗaˀ wãˀ, ɓa a ɓi: ‹Ti slimiɗ ngi Bumbulvuŋ misi ti siifa!› na, a gi ta.

ZEREMI 7:9

Ki hulom, ki kiɗam hirnga, ki gam madama, ki hudumom ti slir, ki gam mikuli mizlam zlam da Baˀal, ki sipam kulihey misi majunukum gu ko neˀ ta, ki gam kahana zuyo si sukwa?

ZEREMI 9:2

Irne taŋ, naŋ kaɓa lek mihila le ngi mul. Taŋ migidaŋ gidaŋ asi ruwuy na, anta asi taŋ maɓam ɓi mikaslsla ta, amma asi slir taŋ na. A ra gam slra malambaˀ nga mbuŋ nga mbuŋ, na, a sinikiy ya vuna ta. I ya Bumbulvuŋ maɓi.

Ɗerewol OZE 10:4

A ra gam mi wuwwo, ara hudumom tir zluɓo si, ara juwam ɓi ngi ngiɓiˀay, dar ɓimujuwa mitaˀ gara, a bo yõˀ yõˀ kaɓa giziŋ malambaˀ ar guva muhufa le.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

LEVIHEY 19:12

Ki hudumom lambaˀ lambaˀ ti slimiɗ ɗu ta, asi da ki gaka le kanah na, ki hiryam di i slimiɗ nga ya Buymisemuŋ kum. I ya Bumbulvuŋ kum.

SOFONI 1:5

Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

TIMOTE MUDUMBUŊ NAŊ 1:10

sulomehey, zil mihin ti cil taŋhay ati migi terere ngi bekehey, misi slirey, muhudum ti slirey, waɗ mizli magam gwat mekelemey ngi ngila ɓi mikaslsla ngi Kristu.

TIMOTE MUCUW NAŊ 3:5

Deŋ taŋ na, i mizli misipi jiviɗ ngi Buymisemuŋhoy, amma a sa hizigaka gidaŋ ngi tiɓi avra. Mbiɗi duba avu mizli tayna ma.

Ɗerewol TIT 1:16

A gam kaɓa a sinaka Buymisemuŋ le, amma avu gwat ngi gi taŋ na, ko a sinakaŋ ta. Taŋ i malambaˀhay wãˀ, i mislikiɗa ɓihey, gwat mezle gar na, a ndilaka gi nah ta.