ZEREMI 48:2 - Bible en langue guiziga

² Moˀapa, slimiɗ naŋ mazil na, a kiɗ mi le! A ɗiyaka ɓi ngi gi vagay ngi walahay Heseboŋ le, a ɓam: ‹Akum, i ra susuyumoko sukwi ngi mizli tayna! Ka kwana Matmen, a gucukuw mi le, maslalam a ro ɓaˀ asi ka.

ZEREMI 48:2 ပူးပေါင်းရင်းမြစ်များ

EZAYI 15:1

Tila mi vur walahay Moˀap. Ngi duvuɗ, ti taŋ mingizlaka walahay Moˀap na, walahay Ar-Moˀapa, a susuyumoko ar duvuɗ purla si. Ngi duvuɗ, ti taŋ mingizlaka walahay Moˀap na, Walahay Kir-Moˀapa, a ngizlaka ngi duvuɗ purla si.

EZAYI 15:5

I ra zil mikila widi nga jina Moˀapay. Mizli naŋhay ara kilam le nga Soˀar, hã sesẽŋ a Eglat-Selisiya. Li miɗingir ngi Luhite, a tuwuɗaka bal ti tuwuy. Dar a tuwam cərəwcərəw ar jiviɗ ngi Horonayime.

EZAYI 16:14

Ani wurenna, Bumbulvuŋ a ɓi na: «Vi makir aka na, vi ngi gi slra ti dala, ko mizli madiɗa ngi Moˀapay, ko mizli ngi si ruwuy naŋ taˀ gar, anta sa lumam dudok mata. A sa ndiram mizli njiraˀ kini, i ngi sluf ta.»

EZAYI 25:10

Gidaŋ ngi Bumbulvuŋ a ro ar muwã hana. Amma Moˀapa, a sa njirslaka daˀ arleˀe, kaɓa mahumusom giziŋ ar vigiɗ misi zay ngi ginewey.

ZEREMI 25:15

Bumbulvuŋ, Buymisemuŋ ngi Israyele, a ɓiy ani: «Tuɓa sikiɗ ngi mbaazla ani a haŋ ɗu, peɗe peɗe ti mbaazla, yo vula da sukwi ngi mizli gar, ya maslinuw ngi hay taŋ na.

ZEREMI 25:17

Akẽh na, i tiɓa sikiɗ tuwa tiɓeˀ tivi haŋ ngi Bumbulvuŋ, i vula da sukwi ngi mizli gar, Bumbulvuŋ misliniy ng'avi taŋ tuwa.

ZEREMI 31:36

Da yi ɓi le, ɓimujuwa hana anta mata na, naɓa tizer ngi Israyel kwana, a susuyum le ngi set a mbuŋ ɗu ya. I ya Bumbulvuŋ maɓi.

ZEREMI 33:24

«Mizli tayna a waka na, kaɓa ya Bumbulvuŋ i zliɗa sukwi muwuna mucuwoy na le zlaɗ, ki ra pura takwa? Yo ma na, ara puraka mizli ɗuwoyo hiris le kaɓa i sukwi avu taŋ mata.

ZEREMI 46:28

Ka gawla ɗu Zakopo, ki zluwun ta, asi y'ada ati ka. mizli, ya muzliɗukum hirnga ngi hay taŋ na, i ra ngizla taŋ kuɗup. Amma kumo, y'anta sa ngizlukum ta. I guw kiita da ka ar kaslsla naŋ, ɓa i puluw teˀ, kaɓa ki gi gwat ta na, a gi ta ɓula!» I ya Bumbulvuŋ maɓi.

ZEREMI 48:17

Kum midigwi ati yeme naŋhay gar, soko jakaŋ haŋ ngi vagay, ɓakaŋ: «Gidaŋ matik ˀay ta hana, yo dudok mihaɗa hana, a gi mbri ɓa a pakaŋ hirnga naka?»

ZEREMI 48:42

A wahaka Moˀapa le, t'anta i mizli sukwi taˀ mata, asi a ga vu naŋ kaɓa a funa Bumbulvuŋ le.

ZEREMI 48:45

Mizli makilamay, migiram le na, a sa musukom vu a susuɗuk a Heseboŋ. Amma vu a bo bivbiw tir walahay Heseboŋ, vu mihilɓiɓ, a bo tir mugum ngi buy Sihoŋ. A wura Moˀapa zle ar maakwaya, hã sesẽŋ a wuzla walahay.

ZEREMI 49:3

Mizli Heseboŋhoy, kuɗumam tuwuy! Walahay Ay i mihirya le! Walahay migweˀ gweˀ ngi ciki Rabahay, wudam fuk fuku! Kam zana ngi vagay! Tuwam irslik irslik! Kilam ti ka ti ka a ciki moholoyo! A ra ram ti kuli Milkomo nga hirwuy mulak, jom ati masay naŋhay waɗ buy naŋhaya cek!

ZEREMI 49:37

I sa guco mi da Elamay a mbuŋ mesene taŋhaya, a mbuŋ mizli mawuɗam zizaka taŋ hutuŋ na. I sa so ti hiryi nga hirnga mizli Elamaya: ji mevel ɗu ka vu, i sa sipa taŋ ɓaˀ ti maslalam, hã i ngizla taŋ teleleˀ wãˀ. I ya Bumbulvuŋ maɓi.

SLUFA VU 32:37

Dideˀ ngi Rubeney a ndiraka walahay madiɗa ngi Heseboŋ, Elale, Kiriyatayim.