ZEREMI 48:14 - Bible en langue guiziga

¹⁴ Mizli Moˀapay, ki ɓam ma na: «Ndr'i bugawlahay, ndr'i soje mihĩˀĩ ngi vurumoy» mbri mbri maka?

ZEREMI 48:14 ပူးပေါင်းရင်းမြစ်များ

DIMISEY 33:16

Ar vurumo, da buy madiɗa a lih le na, anta asi soje naŋhay mihaɗa ta, yo mbur gambara, anta lih asi naŋ migidaŋ haɗa ta.

TILA MI 9:11

Ar duniya misenna, gwat ya mapura ani ma, mafunam vu ti pi mi, i mizli miwirwirey haɗa cummo ta, malumam bugawla ar vurumo, i misi gidaŋhay cummo ta, malumam ɗaf ngi ngir ti naŋ na, i misi sinmijileŋ jileŋhey haɗa cummo ta, magam zlili i mizli misi lesley haɗa cummo ta, anta gaka mezle da misina gwatay haɗa cummo ta, asi pas mezle ati pas malambaˀa, a ndilo avu ko wa gar.

EZAYI 10:13

Asi buy Asiri a ɓi: ‹Ya miga gwatay gar na, ti gidaŋ ngi haŋ ɗu, waɗ ti sin ɗu mijileŋ, asi ya ti lesle. Maakway ngi sukwi ngi mizli, i susuyumo taŋ le, yo gwat taŋ muwam di vu, i va taŋ le pay. Mizli mijoˀ ar janga ngi buyoyo, i putukuso taŋ le a ruwuy kaɓa bugawla.

EZAYI 10:16

Vurˀe, Bumbulvuŋ Buymisemuŋ, misi gidaŋ wãˀa, a sa ga ɓa mizli naŋ muzlumbrahay a zaham. Yo vu a sa tiɓi asi virzi ngi dudok taŋ, kaɓa hay mawur.

EZAYI 16:6

Huhumo vu mifineˀ gidaŋ ngi Moˀapay, hirsa vu taŋ, huhumo vu taŋ, cici taŋ ar ɓi purla ta, ati gi taŋ zlokoko lambaˀ na, ndr'i cinam ɓi naŋ le.

ZEREMI 49:16

Ki ra ga zluwun da mizli gar, ki wakaɓa ki funa mizli le ceke, dambalaka ki gi gilaw le, ka mujoˀ ti hay ar butum a muwã na, yo ka muro gilaˀ a hirnga muwã musuburoy tuwa. Da ko ki ɗiya hay ɗike le a hirnga muwã kaɓa kilkandaŋ kwana, i sa po haŋ ɗike baɗ a diga.» I ya Bumbulvuŋ maɓi.

ZEREMI 8:8

Ki ɓam: «Ndrˀada ti sinmijileŋ, asi ɓimujuwa ngi Bumbulvuŋ i ngi ndra.» Haˀaw ɓula, na ɓimujuwa nah vuna, a tiri le i ɓimujuwa mijeŋ mata, asi mutuh naŋhay anta boko ti mbiɗeˀvra naŋ jeŋŋe ta mayse.

ZEREMI 9:23

Da mbur a wuɗ le ɓa a huhum vu na, anja a huhum vu: asi naŋ misi ti wer, yo a siniy le. A si na ma, ya Bumbulvuŋ, gi mezle ɗu ati ɓimujuwa mitaˀ gar waɗ gi jeŋŋe asi ruwuyo y'anta i pula gi naŋ mbak le ta. Yawwa! Maciriy hiri i nah so. I ya Bumbulvuŋ maɓi.

EZEKIYEL 30:6

Ya Bumbulvuŋ i ɓi na: Mijini hirwuy Eziptehey gar na, a sa ndilam, yo gidaŋ naŋ mahuhum di vu na, a sa mi a ruwuy. Maslalam a sa zuma taŋ, zle a Mikdol, sesẽŋ a Asuwaŋ. I ya Bumbulvuŋ, Buymisemuŋ maɓi.

SOFONI 2:10

Hana i gwat taŋ masa lumam vur huhumo vu taŋ na. Asi a zaka sukwi ngi Bumbulvuŋ misi gidaŋ wãˀa le, yo a sikaka hirwuy taŋ na, mbele mizli ɗuwoy.