ZEREMI 47:3 - Bible en langue guiziga

³ Asi mike na, ara cinam pilisey mahurmoko trek taŋhay a ruwuy, tuwuy ngi mota ngi vurumoy, hurum ngi sar ngi mota ngi vurumoy ti gidaŋ. Cine ngi ziri a roko haŋ wunak teˀ, a sinaka ziri mata.

ZEREMI 47:3 ပူးပေါင်းရင်းမြစ်များ

EZAYI 5:28

Luvut taŋhay i mimbisahay le, lek taŋhay i mihilahay le cek. Zlenek ngi pilis taŋhaya gidaŋ gidaŋ kaɓa ɗuguroy, sar ngi mota ngi vurum taŋhaya, lagwada sewwe kaɓa musure.

ZEREMI 46:9

Misi pilisey, zlaka kiɗa vu! Misi mota ngi vurumoy, ɗuvam dibiɗ taˀ! Anja mizli miwirwir muwãˀhay a bam: mizli Kusoy ati mizli Putoy, misinaka ji mbaray le, mizli Lutoy misinaka ji lek ati ngi leke le!»

ZEREMI 50:42

Taŋ ti lek ati ziwitey kaw kaw a haŋ, i misi moˀorehey haɗi, ircece anta avu taŋ ta. Hurum taŋ kaɓa ngi yam ar mubuliy, taŋ gilaˀ gilaˀ ar pilisey, ka Babiloŋ, a cinjaham le ar ka, kaɓa mizli macinjaham ngi gi vurum.

ZEREMI 8:16

Musuwun ngi pilis taŋhay, a cino kal kal a Daŋ, huhum ngi pilis taŋ macifamaya, a jijika hirwuyo gar. A ra soko, a musukuɗoko hirwuyo jom ti gwat ngi raˀahaya cek, waɗ walahay ati mizli ngi raˀahaya.

EZEKIYEL 23:24

Akẽh na, mizli vay muŋhoy a sa soko ti mota ngi vurumoy ati motahay ng'ar ka: i zigiduw haɗa teˀe. A sa cicam gun hirnga ɗike, ti mbaray meciɗek ati madiɗahay waɗ jiiku ngi gandafay kip kip a hirnga. I sa biga ɓi ɗike ngbay a mbuŋ taŋ, a sa gukuw kiitakaɓa ɓimujuwa taŋ mawuɗo.

NAHUM 2:4

Mbaray ngi soje gambara naŋhay i gagazahay ndezze, yo migi vurumoyo, a kam zana gagazahay wirik wirik. Da taŋ micinjaham le ngi kiɗa vu na, mota taŋ ngi vurumoyo, ɓiri taŋhaya gar a wucuɗam. Ziwitey a wusam jiwir jiwir.

NAHUM 2:8

Kuli ngwas miciɗa ti ciɗe, a zuɓaka le, a ram di le. Ngwas miji haŋ naŋhay matuwam kaɓa ɗiyuw dirgwaɗaya, a ram ti taŋ le, taŋ haŋ bac a didak a didak.

ƁIMUNJUYO 9:9

Didak taŋhaya, kaɓa a sirtaka taŋ le ti libiti. Da ara slikiɗam na, zlara taŋhay a hurmom kaɓa mota ngi pilisey, pilisey mbeˀ mbeˀ maɗiɗaka taŋ, makilam taŋ angi vurum.

MIGI KIITAHAY 5:22

Dar sar ngi pilisey a hurmom a ruwuyo, a kukurom, a kukurom kaɓa pilisey mapam taŋ mi.