ZEREMI 42:2 - Bible en langue guiziga

² mijiviɗ Zeremi, a ɓakaŋ na: «Inga tiɓa tumbul ndra na takwa! Tumbulo Bumbulvuŋ Buymisemuŋ ɗik ar deɗe ndra mindiram njireˀ hana takwa. Haˀaw ndra zleˀe haɗi, ani i ndiram ti siifa njireˀ kini! Ka vuna ki si na le kuy kuy.

ZEREMI 42:2 ပူးပေါင်းရင်းမြစ်များ

BUYOY MUDUMBUŊ NAŊ 13:6

Ar nah na, buy a ɓa mijiviɗ ngi Bumbulvuŋ tuwa: «Ambuh takwa, tumbulo Bumbulvuŋ, Buymisemuŋ ɗik na, ɓa a muca mevele, ɓa a ɗiyiy haŋ ɗu na a muŋ.» Mijiviɗ ngi Bumbulvuŋ, a tumbulo Bumbulvuŋ ɓa a muca mevele, joˀ haŋ ngi buy a ɗiyi nga naŋ nga naŋ a muŋ.

DIMISEY 119:170

Anja ya matumbuluw na, a ndil sesẽŋ avu ka, lihiy kaɓa ka miɓiy di ɗaˀ le tuwaŋ.

BI NGI ISRAYELEY 8:28

Gar ti nah kwana, buy Ezipte a cici kaŋ kaŋ ɓula si, yo a pula mizli a ram ta na si.

BI NGI ISRAYELEY 9:28

Tumbuloko Bumbulvuŋ! Ndisl ngi vuŋ ati yama muk muduba! I sa pulukum ki cohom, kum anta ki zikam haɗa mata.»

EZAYI 1:15

Kum mira hilaka haŋ hoc nga muŋ ngi diradibiɗ na, yi sirta mihiri ɗu sirit. Ko ki diram dibiɗ is mbeˀmbeˀ kwana, y'anta cine ta, asi haŋ kumoyo cih cih ti pumbusu.

EZAYI 1:9

Da Bumbulvuŋ, misi gidaŋ wãˀa, a pula mizli ndraˀahaya zleˀe, a laham cah ta na, anja ndra kaɓa walahay Sodom, rak rak ati walahay Gomor.

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

EZAYI 42:20

Kum mizli Israyeley, ki puram gwatay le haɗa, amma ko ki jam neˀ le a hirnga ta, ki wunaka slimiɗe le, amma ko kum anta cinam ta.

ZEREMI 15:11

Bumbulvuŋ a ɓi na: «Hadam, i lihuw ɓa ki mumul, hadam, ar pas ngi bonoy ati ngi muɗa didaka, i sa ga ɓa mesene ɗikey a tumbulukuw.

ZEREMI 2:27

Ki ɓaka kuli dumo: «Ki cine ɗu!» Kuli ɗuguro ma na: «Miyiy i ka.» Haˀaw ɓula ni! Ɓa ki puroko hiri ng'avi ya jak na, ki mbiɗikiy di i duba. Amma da bonoy mulumukum le lum ɓula na, ki ɓikiy: «Kilawa, laha ndra takwa!»

ZEREMI 21:2

«Inga ara pura Bumbulvuŋ vur ɓi ndra takwa, asi Nabukodonozor buy madiɗa ngi Babiloŋ, ara gi vurum ti ndra, asinta, da Bumbulvuŋ a sa gi cekene naŋ purla ngi jina ndra, ɓa a mi murdirba a muŋ kwani?»

ZEREMI 36:7

Asinta, a sa tumbuloko Bumbulvuŋ, yo mbur gar a sa mbiɗa gwat ngi gi naŋ malambaˀ na kwani. Asi Bumbulvuŋ a ji mevel le, a zuɓ himaˀ le haɗa ar mizli tayna.»

ZEREMI 37:20

Jeremi a ɓaŋ ma: «Wurenna, buy kumani ɗu, cine tumbul ɗu na takwa: Ki mi ti ya ngi hay Yonataŋ, mbur mutoho gwat na mata, naɓa i sa muc a diga.»

ZEREMI 37:3

Akẽh na, Yukal mangal ngi Selemiya waɗ Sefaniyas masay, mangal ngi Maˀaseya, buy Sedekiyas a slina taŋ nga cufuɗa mijiviɗ Zeremi, ɓa a ɓakaŋ: «Ambuh! Tumbulo ndra Bumbulvuŋ Buymisemuŋ ndra na takwa!»

ZEREMI 38:14

Buy Sedekiyas a slin nga ziloko mijiviɗ Zeremi, ɓa a rakaŋ di nga mizlingre mimakir naŋ ngi hay ngi Bumbulvuŋ. Buy a ɓa Zeremi tuwa: «Y'ani cufuɗuw purla, ki ɗumiy gwat neˀ ta!»

ZEREMI 40:15

Dar Yohanaŋ mangal ngi Kareya, aru yaŋ yaŋ ng'avi Gedaliya a Mispa, a cufuɗaŋ: «Inga puliy jiviɗ ɓa i ra kiɗa Mikayel mangal ngi Netaniya na vagay, manja mbur a sinaŋ. Ki wuɗ le gisiŋ ɓa a kuɗuw vagay kwa? Da a kuɗuw le vagay na, naɓa Yudehey muturpus a ciki ɗik na, a sa ndiram zlaɗ lambaˀ si ma, yo Zudahay mindiram na, a sa zizam.»

ZEREMI 42:20

Kum vuna tihaŋ kumo, kum mislinikiy ng'avu Bumbulvuŋ Buymisemuŋ kumo na, ki vulam di i vu kum taˀ da mucu, ki ɓikiy na: ‹Inga tumbulo Bumbulvuŋ Buymisemuŋ ar deɗe ndra takwa, ɓi Bumbulvuŋ Buymisemuŋ ndra maɓa gar na, ɓa ndra di tiɗeˀe, ɓa i gakaŋ!›

TUWUY 1:1

ˀEy eh! Walahay misi mizli haɗa araŋ, mbak ɗoɗok pal naŋ ka ngwas wudiga mbrike! Zleˀe na, slimiɗ naŋ a zil deŋ a wuzla sukwi ngi mizli ngbaŋ, i maˀãy a wuzla hirwuy ngi buy miwi liheye, ani wurenna i beke ngi gi slra mitakˀay so.

EZEKIYEL 12:16

I sa pul mekelemey cah a wuzla taŋ, a laham tir vurum, tir may, tir jiji mozorbono, ɓa a sa slufaka ɓi ngi gi gwat malambaˀ taŋ mukuyta wãˀ na, a wuzla sukwi ngi mizli, ar li taŋ misa ram le gar. Dar a sa sinaka yi Bumbulvuŋ.»

Ɗerewol OZE 8:10

Da ko ara wuɗkam gwat ngatara da sukwi ngi mizli kwana, wurenna, yi sa kuso taŋ muduba. Neˀ ng'aka na, a sa jijikam kirkir ti bonoy madiɗa ngi yaramahay magaka taŋ di.

LEVIHEY 26:22

I sa slino gwat misãmi ngi ɓuhoy ng'ar kumo, a sa jukum ziri, a sa ngizlaka ginew kumoyo leɗeɗ, yo a sa nguzlukum pay, hã jiviɗ kumoy a sa tiram ɓuh.

AMOS 7:2

Jaray tuwa a zuma giziŋ ngi si ruwuyo le tirneˀ wãˀ? Akẽh na, yi ɓi: «Bumbulvuŋ, Buymisemuŋ ɗu, ambuh takwa, pula mungra ngi mizli ɗikeye. Da kanah ta na, mizli ngi Zakopoy a sa ngiram mbri mbrike? Ani i sukwi meciɗek wãˀ mayse.»

Matiye 24:22

Da Buymisemuŋ a juwa ngi ma hin tayna degweleˀ zleˀe ta na, anja ko mbur pal masa lih anta. Amma Buymisemuŋ a ma hin tayna degweleˀ asi mizli naŋ muwuna taŋ.

SLRA 8:24

Dar Simoŋ a mbiɗa taŋ di: «Na, kum vuna, tumbuloko Bumbulvuŋ vur ya, ɓa ɓi kum miɓaka na, a gi avu ya ta.»

Slu cuw 28:62

Kum misi zleˀe wenewene kaɓa wurzlaŋhay a muŋ tuwa na, kisa ndiram njireˀ kini, asi kum masa cinaka mi da Bumbulvuŋ Buymisemuŋ kumo ta na.

Slu cuw 28:63

Naŋ kine, macira hiri da Bumbulvuŋ zleˀe, i naŋ miki slimiɗ ar kum ɓa ki ndiramar wuya, yo ɓa ki yam haɗi na. Yo nga mbuŋ ya kwana masa ciraŋ hiri, i naŋ masa ki slimiɗ ar kum ta, ɓa ki susuymom, ki ngizlam kuɗup na. Hirwuy kum masa pam ara tuwa, a sa tiɓa avu kumo.

Slu cuw 4:27

Bumbulvuŋ a sa zliɗukum hirnga mber mber nga wuzla mizli. Hirwuy Bumbulvuŋ misa ru ti kum le na, sukwi kum a sa ndir a diga neˀkini.

Ɗerewol ZAK 5:16

Da ki wuɗam le ɓa ki mbulom na, anja mbur gar a njika mungra naŋ da cala, yo mbur gar a dir dibiɗ vur cala. Diradibiɗ ngi mbur mijeŋŋe na, naŋ ti gidaŋ haɗi.

SAMUYEL MUDUMBUŊ NAŊ 12:19

Sukwi gar a ɓaka Samuyele na: «Tumbulo Bumbulvuŋ Buymisemuŋ, ɗike vur ndra, ɓa anja i micam ta, asi ndra mucufuɗam buy da ndra vuna a muŋ na, i goko di i ɓesde ng'ar mungra ndrahay na gar ma.»

SAMUYEL MUDUMBUŊ NAŊ 12:23

Nga ya kwana, ɓa i pula tumbulo Buymisemuŋ vur kumo na, i mungra mukuyta wãˀ avu Buymisemuŋ. Jiviɗ mezle, yo mikaslsla na, yi sa bugukum di nga mbuŋ nga mbuŋ ava.

SAMUYEL MUDUMBUŊ NAŊ 7:8

Israyeley a ɓaka Samuyele: «Ki cifi teˀteˀ ta. Ki pula ndra ta. Til mi ng'avu Bumbulvuŋ Buymisemuŋ, ndra, ɓa a laha ndra tisi haŋ ngi Filistiheye.»