ZEREMI 41:9 - Bible en langue guiziga

⁹ Vigiɗ misi Ismayel mingizla mizli, naŋ mizliɗa vagay taŋhay ng'ara na, i vigiɗ Gedaliya, buy Asa milaŋ, ti taŋ magam vurum ati Basa buy Israyel. Ismayel a naha mbaf ti vagay ngi mizli.

ZEREMI 41:9 ပူးပေါင်းရင်းမြစ်များ

SAMUYEL MUCUW NAŊ 17:9

Wurenna, a ro na ɗum ar vigiɗ malla ar li mekelem pal. Ani, da vagay misa zla ki le a wuzla mizli ndraˀahaya na, mbur misa cine le na, a sa ɓi: ‹Vagay a ki le haɗa a wuzla mizli ngisi Absalomoyo!›

EZAYI 14:19

Amma ka, a hizigukuw le kileŋ avu zivi ɗike, kaɓa zuŋ mipa ti pi, mukuy ngi pur avu hiri ta wãˀ. Vu ɗik gar i waˀa, mislina le njoŋ njoŋ ti maslalam, ɗiɗeˀ ɗiɗeˀ ɓaˀ ka ng'ar ɗugur ngi mi zivi, kaɓa vagay ngi mbur mikirpaka le asi sar.

HEBEREY 11:38

Duniya i gwat mukuy avu taŋ ta. Ar ti laˀam lambaˀ a wuzlaɓuh waɗ a muwãhay. A cifam angi butumoy waɗ angi hurjijiŋhey a ruwuy.

MIGI KIITAHAY 6:2

Madiyanay ara gaka bonoy kuyta wãˀ da Israyeleye. Vurˀe, Israyeley a hinam ar wala muwãhay, ar butumoy malla ar muwã misi li jiɗe tuwaˀ haɗa.

SAMUYEL MUDUMBUŊ NAŊ 13:6

Israyeleye, a puraka na, ɓi mutuwaˀ a ndilo taŋ le, asi mizli taŋ ngasl ngasl haɗa. Vurˀe, Israyel ara ɗumom ar butumoy, ar vigiɗey, ar wala muwãhay, ar butumoy a ruwuy waɗ ar heleleŋhey.

SAMUYEL MUDUMBUŊ NAŊ 14:11

Joˀ Zonataŋ ati gawla naŋ a bigaka vu da soje Filistiheye ar li pi sar taŋ. Filistihey a ɓam: «Puraka Heberey maboko tir vigiɗey, taŋ muɗumom zleˀe tuwa ɗi.»

SAMUYEL MUDUMBUŊ NAŊ 14:22

Mizli Israyeley gar muɗumom zleˀe a muwã Efrayim na, a cinaka Filistihey a kilam le. Taŋ kwana a zlaka sipi taŋ, ara kiɗaka taŋ.

SAMUYEL MUDUMBUŊ NAŊ 24:3

Sawul a hil sojehey durmuk makir, muwunahay ti wini asi hirwuy Israyel gar, a ram nga proko ti Davit ati mizli naŋhay misi ar li misek duba cakay ati muwã ngi ˀaw muwãhaya, ɓa a si na da naŋ da kwana.