ZEREMI 41:5 - Bible en langue guiziga

⁵ Dar mizli a ndiloko ti Sikem, ti Silo waɗ ti Samari, taŋ mizli kukur dangafaɗa, mazlamay mihicahay le, zana mingirahay le, vuhoyo car car, taŋ ti gwat ngi vul ati mukuturɓuy mazĩˀĩ ndum, ɓa ngi zlum ar hay ngi Bumbulvuŋ.

ZEREMI 41:5 ပူးပေါင်းရင်းမြစ်များ

ZLI VIRZI 33:18

Zakop mimawa baɗ ti ruwuy Mezopotami vay ngi muŋ na, a ndil zuy zuy a Sikem, walahay madiɗaŋ, angi hirwuy Kanaˀana, a ɗiya guɗuko gweˀ avu walahaya.

ZLI VIRZI 34:2

Sikem, mangal ngi Hamor, mbur Hevit, buy ngi hirwuy nah vuna, a pura Dina tuwa, a ja, ara hin di ti gidaŋ.

ZLI VIRZI 37:12

Sukum ngi Zozefey a ram nga Sikem, ɓa ara jiginaka ginew ngi cine taŋ zakop a diga.

SAMUYEL MUCUW NAŊ 10:4

Dar Hanun a ja gawla ngi Davitey tuwa, a hijaka taŋ mazlamayaya cangalla cangalla, a bukom wurslakka wurslakka avu zana taŋhaya, hã sesẽŋ avu virzi avu virzi, a pula taŋ.

BUYOY MUDUMBUŊ NAŊ 12:1

Roboˀam aru nga Sikem, asi Israyel gar miram ɓa ngi caŋ buy na a diga.

BUYOY MUDUMBUŊ NAŊ 12:25

Zeroboˀam a ndir walahay Sikem, angi muwã Efrayim, a pi ti hay a diga. A dirba nah, a bi naŋ ara ndir walahay Penuwel ma.

BUYOY MUDUMBUŊ NAŊ 16:24

Akẽh na, ara luuma mbur ada, a zilaka Simer. A hiɗika li miɗingir ngi Samari ava suloy gabal merkeɗe. A ndir walahay ar muwã tuwa, a zila walahay nah Samari. Slimiɗ misenna a bo tivi slimiɗ Simer, buy ngi muwã nah vuna.

BUYOY MUDUMBUŊ NAŊ 16:29

Akap, mangal ngi Omri mitiri buy a Israyel na, naɓa Asa, buy ngi Zuda, a ɓul di i vi mizli ngir makir nga dangafaɗ naŋ angi zumabuy naŋ. Akap, mangal ngi Omri a zum buy ar Israyeley a Samari vi kukur cuw nga cuw.

BUYOY MUCUW NAŊ 25:9

Nebuzaradaŋ, a wura hay ngi Bumbulvuŋ, hay ngi buyo waɗ hay ngir walahay Zeruzalemeye cek. A zla a ɗuva vu da hay ngi mizli madiɗa madiɗahaya a wuram.

ƁI NGI HIN GAR MUDUMBUŊ NAŊ 19:4

Akẽh na, Hanun a ja gawla ngi Davitey tuwa, a hija taŋ mazlamaya, a buko taŋ zanahaya hiɗiyaŋ hiɗiyaŋ hã a virzi, dar a ɓula taŋ.

DIMISEY 102:14

Ki sa slikiɗ, asi ka mawuɗ walahay Siyoŋ, asi hin a ndila le, ɓa ki puraŋ ircece, haˀaw, hin a ndila le.

DIMISEY 78:60

A pula hay naŋ misi a Silo, guɗuk naŋ miɗiya a wuzla mizli.

EZAYI 15:2

A Diboŋ, mizli ara jiɗam nga tuwuy ar hay ngi Bumbulvuŋ, waɗ ar li miɗingirey. Mizli Moˀapay ara kuɗumaka tuwuy a Nebo, waɗ a Medeba. Hirngahay gar i mihijahay le kurzluˀ kurzluˀ, mazlamayay gar i mislahay le.

ZEREMI 16:6

Mizli madiɗahay ati ziri ngi si ruwuy misenna, a sa micam cek, anta sa dikaka taŋ ta, anta sa tuwaka taŋ ta, cira vu ar li vagay taŋ malla hija hirnga vur taŋ anta sa gi ta.

ZEREMI 41:4

A gam hin cuw a dirba mikiɗaka Gedaliya na, ko mbur micina ɓi nah fẽt anta.

ZEREMI 47:5

Gaza a ro hirnga hac hac kurzluˀ, Askaloŋ a cifi le siriw. Kum bugawlahay mindiram ti siifa na, kisa ndiram ar li cira vu kumoyo ngoɗ ngoɗ, hã ti vunaka?

ZEREMI 48:37

Yo ma na, hirngahay i mihicahay le ati mazlamayaya kurzluˀ kurzluˀ gar. Haŋhay i micirahay le car car, yo zana ngi vagay ɓaˀ ɓaˀ avu vu.

ZEREMI 7:12

Inga a ram ng'ar li ɗu mipal zleˀe misi a Silo, li ya miga zleˀe ɓa a zilaka slimiɗ ɗu a diga na. Puraka gwat ya migaŋ di asi moˀore ngi Israyel, mizli ɗuwoyo.

ZEREMI 7:14

Yo mbak ɗagay so, hay matilam mi ti slimiɗ ɗu ara, kum mupulaka vu kum mbak mbak vurˀe, yo li ya muvulukum di da kum ati dideˀ kumoy na, i sa gi di kaɓa ya migi ti Silo na ya.

ZOWEL 2:13

Ki ngiram di i zana kumoy ta jak, mbiɗaka mevel kumoyo,» yo moko ng'avu Bumbulvuŋ, Buymisemuŋ kum, naŋ ti mevel mezleŋ, yo a pur ircece haɗi, a ji mevel kutum ta, a gi mezle haɗa. malambaˀ naŋ muwuɗ gi naŋ le da mburo na, a wulka a muŋ.

Slu cuw 14:1

Kum i ziri ngi Bumbulvuŋ Buymisemuŋ kum. Na, da hiriyi a gi le avu kum na, anja ki ciraka vu ta, yo ki kilahaka hamac ngi midibiɗe ta.

ZOZUWE 18:1

Israyeley gar a tikaka ˀay le da hirwuy mitaˀ gar, akẽh na, a kusom cek cek a Silo. Joˀ a ng'aka guɗuk ngi zlir ti Buymisemuŋ a diga so.

ZOZUWE 24:32

Israyeley muboko ti Ezipte na, a hiloko tesl ngi Zozefe le zleˀe a haŋ, a dikaka taŋ a Sikem. A dikaka taŋ angi guva, Zakop mihiɗika zleˀe suloy skat avu ziri ngi Hamoroy, Hamor cine ngi Sikem. Li nah na, a tiri i li ngi dideˀ ngi Zozefey wãˀ.

MIGI KIITAHAY 18:31

A ɗuvaka kuli Mika miɗiya tuwa taˀ, kuli a zik rak rak ati hay ngi Buymisemuŋ misi a Silo na ya.

MIGI KIITAHAY 9:1

Abimelek mangal ngi Yerubaˀala, mbiɗeˀvra Zedeyoŋ, aru ng'avu gumseˀ naŋhay ati muy ngi mumuŋhoy a sikem, a ɓa taŋ:

SAMUYEL MUDUMBUŊ NAŊ 1:7

Naŋ kine, vur vi gar, tapas Ana muru le ng'ar hay ngi Buymisemuŋ gar na, Elkana ara ga kanah. Penina a zaŋ ɓa a tikaŋ ˀay. Dar Ana a zla a tuwuy, a ngum zuma gwata ta.