ZEREMI 4:8 - Bible en langue guiziga

⁸ Vurˀe, kam zana ngi vagay! Tuwam irslik irslik! Niˀicam! Ĩˀĩ, himaˀ ngi Bumbulvuŋ matiɓi ka vu na, naŋ anta mi murdirba, a pula ndra ta.

ZEREMI 4:8 ပူးပေါင်းရင်းမြစ်များ

DIMISEY 78:49

Angi kiɗa mi naŋ na, Buymisemuŋ a vunoho mevel naŋ matiɓi ka vu ng'ar Ezipteheye: himaˀ naŋ mufõh fõh, waɗ modro naŋ mingizla vuhoyo ndac, a slino taŋ nga ga taŋ bonoy.

EZAYI 10:4

Mindir sey ki hurukom duba a wuzla mizli dangayay, sey ki ndilam ɓaˀ ɓaˀ a wuzla mizli mumucahay. Amma, bam ti nah kwana, mevel ngi Buymisemuŋ a tisl t'aruŋ, a ro haŋ pak ng'ar kum aruŋ na si.

EZAYI 13:6

Wudam widi nbgi vagay asi hin ngi Bumbulvuŋ naŋ gweˀe! Hin nah so ka gwat ngi ngizla vu, i Buymisemuŋ mingizla vu mislino di.

EZAYI 22:12

Tapasa, Bumbulvuŋ Buymisemuŋ, misi gidaŋ wãˀa, a ɓukum ɓa ki tuwam, ki tuwam irslik irslik, ɓa ki hijaka hirngahaya, yo ɓa ki kam zana ngi vagayay.

EZAYI 32:11

Kum ngwas manja lesley, jijikam kirkir, kum manja wulukoy, wusam jaɓ jaɓa. Cukoko zanahay avra, ndiram gulndiŋ gulndiŋ, juwam zanahay wak wak a virzi.

EZAYI 5:25

Vurˀe, Bumbulvuŋ a sa ji mevel ar mizli naŋhaya. A sa puka haŋ ng'ar taŋ, hã muwãhay a sa wusam hiɓik hiɓik, joˀ vagay taŋhay a sa ndiram kaɓa gwatay misaɓaɓa a jiviɗ madiɗahay. Amma bam ti nah kwana, Buymisemuŋ a tisla mevele t'aruŋ, haŋ naŋ a ro pak ng'ar taŋ aruŋ na si.

EZAYI 9:12

Buymisemuŋ, mizli naŋ makiɗa taŋ tuwa, a moko ng'ava ta. a puram jiviɗ ngi mo ng'avu naŋ Bumbulvuŋ misi gidaŋ wãˀa ta.

EZAYI 9:17

Gisiŋ, moˀore a tiɓi kaɓa vu mawura hadaw ati sisim, irne naŋ a ki nam nam ng'asi widis memeɗe mingiriɗ asi dum, dar cunju a ngis tirslik.

ZEREMI 25:34

Kum mijigina mizli, tuwam irslik irslik, zilam mizli ngi kilo widi kumo! Kum buy ngi ginewey, putukulom a ruwuy. Hin a ndila le ngi sli ˀay kumo. Ki sa zliɗam hirnga pal pal, kisa waham kaɓa tutuŋ mupuɗaw puɗaway.

ZEREMI 30:24

Bumbulvuŋ, mevele mufõh fõh, ɓa a sa tisle na, gwat naŋ ɓi micica ɓi nah wãˀ ngi gi ngi gi gar na, sey da naŋ miga taŋ le gar far. Nga mbuŋ, kisa slaka wala nah ɓula.

ZEREMI 48:20

A sa mbuɗukum di na: «Mesem a kiɗa walahay Moˀapa le ɓaˀ, a mbizli le.» Wudam! Gawla kilawa! Tilam mi a Arnoŋ: a wahaka walahay Moˀapa le.

ZEREMI 6:26

Na kum mizli ɗuwoy, kam zana ngi vagay, putukulom ar murɓuku! Gaka mezegwel magaka gar ar vagaya, kaɓa ar vagay ngi mangal kirmalay, tuwam tuwuy mikaɗam kaɗam, mukuy ta naŋ wãˀ so. Asi mesene mihirya gwata, ara sawa gurjiki.

TUWUY 1:12

Kum mizli gar macohom ar jiviɗ hana, gwat misenna a gi ɗaˀ avu kumo ta, ani, puraka ɗi, ki puram bonoy ɗaˀ ɗaˀ ka nga ya na ta, ara guzuvuriy haɗi. I bonoy Bumbulvuŋ migiy di tapas naŋ muzuɓ himaˀ haɗa na.

EZEKIYEL 21:12

Da taŋ misa cufuɗukuw le: ‹Ki tuwuy mike› na, kisa mbiɗa taŋ di: ‹I tuwuy labara mandilawa ani. Mevel a sa sla taŋ gar. Haŋ taŋhay a sa ndiram guluɓ guluɓ, mevel anta ar haya mata, popurokoy a sa tiɓam yam ciliw ciliw. Ani labara ara ndilawa, a gi le gisiŋ. I ya Bumbulvuŋ, Buymisemuŋ maɓi.›»

EZEKIYEL 30:2

«Ka mburu, njika ɓi ɗu ani, ɓi: Bumbulvuŋ, Buymisemuŋ a ɓi na: Kay, tuwam ar hin ngi mendere hana!

ZOWEL 1:13

Kum masayay, kam zana ngi vagay, tuwam kaɗam kaɗam, kum migi slra ngir li gi mikulihey, tuwam ˀirslik ˀirslik. Migi slra ngi Buymisemuŋ ndrahay, soko, hinam ti zana ngi vagay ɓaˀ ɓaˀ avu vu, hapa ngi vul ati mbaazla ngi pusl, anta ram di ar hay ngi Buymisemuŋ kumo mata.

AMOS 8:10

Muguzlum kumoyo, i sa tiri taŋ tuwuy ngi vagay, yo dimisi kumoyo gar, i sa tiri taŋ tuwuy mikaɗam kaɗam. Mizli gar a sa juwam zana ngi vagay hirlak hirlak a virzi, yo a sa hijaka hirngahaya kurzluˀ kurzluˀ cek, i sa tiri ti tuwuy kumoyo kaɓa matuwam vagay ngi mangal kirmalay, Gwat tayna gar, kiɗa mi taŋ a sa bam vu ati hin ngi bonoy mukuy ta naŋ wãˀa.

MISE 1:16

Kum mizli Zeruzalemey, hicaka ngwic hirngahay avra, vur ziri kumoy, kum mawuɗam taŋ haɗa na, Slaka himac hirngahay avra, mbak taŋ ndohho ndohho kaɓa mogodokoy, asi a jaka ziri kumoyo le ng'ar beke, kileŋ avu kum.

SLUFA VU 25:4

Bumbulvuŋ a ɓa Moyise: «Ja buy ngi mizli gar, luwa taŋ law law ar pas a mbuŋ ɗu, ɓa mevel ɗu mufõh fõh ar kum na, a sa tisli.»