ZEREMI 4:7 - Bible en langue guiziga

⁷ Mobor ara bawa tir li hin naŋ, mihirya sukwi ngi mizli a zuɓo jiviɗe le, a bo le baɗ a hay naŋ nga ngizla hirwuy ɗike: a sa wura walahay ɗikeye, a sa ngizla mizli ngi raˀahaya kuɗup.

ZEREMI 4:7 ပူးပေါင်းရင်းမြစ်များ

BUYOY MUCUW NAŊ 24:1

Ti hin ngi zumabuy ngi Zoˀakiŋ na, Nebukodonozor, buy madiɗa ngi Babiloŋ, a zla ara zuma hirwuy Zuda. Buy Zoˀakiŋ a hin hirnga a mbuŋ naŋ, hã vi makir. Amma ar kiɗa mi ngi vi mimakir naŋ na, buy Zoˀakiŋ a sli himaˀ a muŋ avu buy Nebukodonozoro.

BUYOY MUCUW NAŊ 25:1

Nabukodonozor, buy madiɗa ngi Babiloŋ a ndilawa ti zigiduw naŋhay a Zeruzaleme. A ndahaka hirnga ngi walahaya ndah, waɗ a ndiram hayay midika hirnga taŋ ti dik gun gun walahaya. Naɓa ti di nah na, buy Sedesiyas a ɓul di i vi mungoltir naŋ angi zuma buyo angi hin mukuruˀ ngi kiya mukuruˀ naŋ.

EZAYI 1:7

Hirwuy kum a ndir le daŋ daŋ, walahay kumoy i muwurahay le. Hirwuy kumo, mulakay ara zumaka a mbuŋ kumo. A ndir le daŋ daŋ kaɓa Buymisemuŋ a pula le asi haŋ ngi mulakay, ɓa a hiryakaŋ gwataya.

EZAYI 5:9

Bumbulvuŋ, migidaŋ wãˀ muhudum na, i cine le. A ɓi na: «Hadam, hay madiɗa ati mukuyteˀhey na, a sa ndiram njoŋ njoŋ manja mizli.

EZAYI 6:11

Yi cufuɗaŋ so: «Ɓa hã tuvunaka Bumbulvuŋ?» A mbiɗiy di: «Sey walahayay a ngizlam kap kap, a ndiram manja mizli, hayay a tiram njoŋ njoŋ, hirwuy a tiri daŋ daŋ manja mizli.»

ZEREMI 2:15

Mizli a tuwam ng'ar taŋ kaɓa mobor njawalay, a bucaka taŋ ɓar ɓar. A musukuɗoko hirwuy taŋ le tur, a wuraka walahay taŋhaya le, mbur anta loŋ ar taŋ mata.

ZEREMI 22:6

Naŋ kanah, Bumbulvuŋ a ɓi vur hay ngi buy Zuda na: Ko da ka avu yakaɓa walahay Galaˀat, mallakaɓa mesengel ngi muwã Libaŋ tekeɗe kwana, ko y'anta mur ta, i tiri ti ka wuzlaɓuh mikirɗak kirɗak na si, i tiri ti ka walahay manja mizli anga.

ZEREMI 22:7

I hil mizli le hoc nga wuh ɗike, mbur gar ti gwat ngi slra a haŋ. A sa bukukuw ɓamtal ɗik mimezle ngi miterey na avra, yo a sa pulaka taŋ a ndilam nguɓoc nguɓoc ng'ar vu.

ZEREMI 25:38

A pula mizli naŋhaya kaɓa mobor mupula kuɓuŋ naŋ le. Hirwuy taŋ a ndir daŋ daŋ cay, a mbuŋ vurum manja pura ircece, a mbuŋ himaˀ mufõh fõh ngi Buymisemuŋ.

ZEREMI 25:9

I ra slin ɓa ara ziloko mizli ngi ruwuy vay muŋhoyo, yo ɓa ara ziloko gawla ɗu Nabukodonozor, buy madiɗa ngi Babiloŋ, ɓa a sa kiɗam vu ati hirwuy hana, ati mizli ngi raˀahay waɗ ati sukwi midigwi taŋhaya, i wi taŋ vu le weˀ ngi ngizl taŋ da ya, yo i tiri ti ruwuy taŋ cay, daŋ daŋ ngi wãˀ, i tiri taŋ gwat ngi zluwuna vu, li diŋ cay ngi sete. I ya Bumbulvuŋ maɓi.

ZEREMI 26:9

Ki tum vu mbri ngi njika ɓi ngi Bumbulvuŋ, ki ɓi: ‹Hay hana a sa tiri kaɓa Silo, a sa musukuɗoko walahaya tur, a sa ɓulaka mizli ngi raˀahaya talalaˀ wãˀ kini kwa!» Mizli gar a kusom nga hirnga Zeremi gun ar hay ngi Bumbulvuŋ.

ZEREMI 27:8

«Sukwi malla zumabuy masa ngum ngi cine mi da Nabukodonozor, buy madiɗa ngi Babiloŋ ta, yo masa mungum ɓa aka kaŋ galalaŋ ngi buy madiɗa ngi Babiloŋ asi ˀay naŋ ta na, i sa gaŋ kiita ti kiɗ ti maslalam, ti may waɗ ti jiji mozorbono, hã ya muvula taŋ le gar asi haŋ naŋ, ɓa a ngizla taŋ kuɗup wãˀ. I ya Bumbulvuŋ maɓi.

ZEREMI 33:10

Bumbulvuŋ a ɓi na: «Kum maɓam vur li hana, a tiri diŋ le hilgim, mizli malla ko ginewey anta ara ta, yo ar walahay Zudahay ati jiviɗ madiɗa ngir Zeruzalemey mindiram daŋ daŋ, mizli anta, mizli ngi raˀahay ati ginewey anta tuwa na, a sa cinam ma na,

ZEREMI 34:22

I sa pula taŋ jiviɗ, a mbuɗoko hiri pulaˀ a muŋ ng'ar walahay hana, a sa ndahaka ndah, a sa tiɓakaŋ, a sa ɗuvakaŋ vu div a wur, i sa tiri ti walahay Zuda daŋ daŋ, njololoŋ manja mizli. I ya Bumbulvuŋ maɓi.»

ZEREMI 4:29

Mizli ngir walahayay gar misa cinam hurum ngi misi pilisey ati ngi gawaya le na, a sa kilam ngiɗ ngiɗ ngiɗ, a cam ng'asi dum, a jiɗam nga muwãhay, walahayay a sa ndiram njoŋ njoŋ, ko mbur anta ar taŋ mata.

ZEREMI 44:2

«Ya Bumbulvuŋ misi gidaŋ wãˀ, Buymisemuŋ ngi Israyel i ɓi na: ‹Bonoy ya mupo taŋ gar nga hirnga Zeruzalem waɗ ng'ar walahay Zudahay na, ki sinaka taŋ le kuy kuy: walahayaya t'ani wurenna i diŋhey taˀ taˀ, ko mbur loŋ anta a diga ta.

ZEREMI 46:18

Buy mazilaka Bumbulvuŋ, misi gidaŋ wãˀ a ɓi na: ya ti siifa! Kaɓa muwã Tabor mufuna muwãhay, yo kaɓa muwã Karmel mudum hirnga mubuliy na, mesene kum masa lumukum na, kanah ya.

ZEREMI 49:19

«I sa so kaɓa mobor mabo tisi kalaf mingiriɗ a mi mizaw Zurdeŋ, ɓa ngi ru ng'ar li ngi yam mivi: naŋ kanah, gurjik si na, i ɓula taŋ ti Edomo, i slin ti gawla migi vurumoy kutum ɓa ara lumakaŋ. Asi misi kaɓa ya i waka? Masa ziliy gu ng'ar kiita i waka? Mijigin ngi mizli, masa cici gu a mbuŋ ɗu i waka?

ZEREMI 5:6

Yawwa! moboroy a sa boko tisi dum, a jaka taŋ, Kiriɓuhoy, a sa jaka taŋ. Dirlengehey a sa ndahaka walahay taŋhaya, da mbur mubo le put si na, a puwaka njeɗek, asi ara gam mungra ti vendeke, taŋ mapulaka sipi jiviɗ tuwa, ara bigi ko mbak le anta.»

ZEREMI 50:17

Ti nana, Israyele, naŋ ka tumuŋ miziza le, moboroy a ɓulakaŋ le. Mizla zum naŋ dumbuŋ i buy Asiri. A dirba nah, i Nabukodonozor buy madiɗa ngi Babiloŋ, a kurɗoŋ kuruɗ kuruɗ hã avu tesl.

ZEREMI 50:44

«I sa so kaɓa mobor mabo tisi kalaf mingiriɗ a mi mizaw Zurdeŋ, ɓa ngi ru ng'ar li ngi yam mivi: naŋ kanah, gurjik si na, i ɓula taŋ ti Edomo, i slin ti gawla migi vurumoy kutum ɓa ara lumakaŋ. Asi misi kaɓa ya i waka? Masa ziliy gu ng'ar kiita i waka? Mijigin ngi mizli, masa cici gu a mbuŋ ɗu i waka?

ZEREMI 8:16

Musuwun ngi pilis taŋhay, a cino kal kal a Daŋ, huhum ngi pilis taŋ macifamaya, a jijika hirwuyo gar. A ra soko, a musukuɗoko hirwuyo jom ti gwat ngi raˀahaya cek, waɗ walahay ati mizli ngi raˀahaya.

ZEREMI 9:11

Da mburo naŋ da ti sinmijileŋ na, anja a sla wala ngi ɓi Bumbulvuŋ miɓaŋ di na, a til di mi. Hirwuy a tiri diŋ le, i muwura le ka wuzlaɓuh kirɗak kirɗak, ko mbur loŋ macuh ti kẽh anta mata na vur mike?

EZEKIYEL 12:20

Walahay misi mizli angi taŋhaya, a sa tiram diŋ, yo hirwuy a sa tiri wuzlaɓuh kirɗak kirɗak. Akẽh kisa sinaka yi Bumbulvuŋ.»

EZEKIYEL 21:31

Ya Bumbulvuŋ, Buymisemuŋ i ɓi na: Loppol ɗik ngi zana mutuwaɗ tuwaɗ a hirnga na, anja a pusukukuw di avra, yo loppol ɗik mutuwuɗa tuwaɗ tuwaɗ kulaˀ a hirnga na, anja a cikukuw di avra. Gwatay a sa tiram i taŋ mata. A sa slikiɗaka mizli mihiyãhaya ng'a muŋ, yo a sa maka mizli migidaŋhaya nga ruwuy!

EZEKIYEL 32:2

«Ka mburu, kuɗma tuwuy ti buy madiɗa ngi Ezipte, kisa ɓaŋ na: ‹Ka a wuzla sukwi ngi mizli zleˀe ka zinga ngi mobor, kaɓa hurum ar mubuliy, ki slikiɗ rongoˀ rongoˀ ar yam a mizawa, ki duɓo yama ti sar ɗikeye, yam mangi diɓel na, ki tira birˀis birˀis.

DANIYEL 5:19

Vur naŋ muvulaŋ madiɗa tuwa na, mizli gar, sukwihey ati mizli maɓam mi miwal wal gar na, a zluwunam kirkir a mbuŋ naŋ, asi ko wa gar, da naŋ muwuɗ le na, a kiɗa vagay, ko wa gar, da naŋ muwuɗ le na, a pula ti siifa, ko wa gar, da naŋ muwuɗ le na, a gaŋ ɗongor, ko wa gar, da naŋ muwuɗ le na, a maŋ nga ruwuy.

DANIYEL 7:4

Mudumbuŋ naŋ kaɓa mobor, amma naŋ ti kirpasl ngi kurom. Ti ya mapura na, a mburcakaŋ kirpaslay avra. A slikiɗ ti ruwuyo, a cici deŋ ar sar kaɓa mbur, waɗ a vulakaŋ lesl ngi mbur.

LEVIHEY 26:31

Walahay kum madiɗahaya, i sa tiri ti taŋ diŋ, yo li gi mezegwel kumoyo, i sa tiri ti taŋ kirɗak kirɗak, waɗ mikuli ti urdi kumoy, misi zĩˀĩ taŋ a tisliy mevel na, y'anta sa zãˀã taŋ mata.

LEVIHEY 26:33

I sa pulo vurum ng'ar kum, yo i sa zliɗukum hirnga mber mber nga wuzla sukwi mekelemey. Hirwuy kum a sa tiri wuzlaɓuh mikirɗak kirɗak, yo walahay kum madiɗahay a sa tiram diŋhey njoˀ njoˀ.