ZEREMI 4:6 - Bible en langue guiziga

⁶ Ngam drapo kaˀ a Siyoŋ! A ra ɗumom! Ki cicam a jiviɗe ta! Asi i sa slino bonoy tir vay muŋ, i mendere madiɗaŋ!

ZEREMI 4:6 ပူးပေါင်းရင်းမြစ်များ

EZAYI 62:10

Zeruzalemey, bam tir walahaya ng'avra, ngwaˀaka jiviɗ da mizli. Dikaka mukutik ngi jiviɗeye, guɗumaka ɗuguroy avra, yo ngam drapo kaˀ ngi biga bugawla da mizli.

ZEREMI 10:22

Ɓi mandilo na, i ra cinaka ti ruwuy ti ruwuy, i ɓi ngi muɗa didak maso tir vay muŋ, ɓi masa tiri ti ruwuy Zuda daŋ daŋ, a tiri di hay ngi sunduhoy.

ZEREMI 18:11

Wurenna, ara ɓa mizli Zudahay ati Zeruzalemeye na: «Bumbulvuŋ a ɓukum na: I ra juw vu nga gukum bonoy, i ra mbizi ɓi a mevel ɗu vur kumo, anja ko wa gar na, a zil marava ar gwat ngi gi naŋ malambaˀa. Haˀaw, kpak kum ati ngi gwat ngi gi kumo, ɗiyaka hiri naŋ amuŋ.

ZEREMI 21:7

A dirba nah, Sedekiyas buy Zuda, gawla naŋhay, mizli mindiram ti siifa, milaham avu jiji mozorbono, avu ngum ti maslalam waɗ avu may na, i sa vula taŋ asi haŋ ngi buy madiɗa ngi Babiloŋ, asi haŋ ngi mesene taŋhay, yo waɗ asi haŋ ngi mizli mawuɗam kiɗ taŋ vagay vagay na. A sa ngizlaka taŋ kuɗup manja ircece, manja mbur mandir loŋ le, waɗ manja kila mesem. I ya Bumbulvuŋ maɓi.›»

ZEREMI 22:7

I hil mizli le hoc nga wuh ɗike, mbur gar ti gwat ngi slra a haŋ. A sa bukukuw ɓamtal ɗik mimezle ngi miterey na avra, yo a sa pulaka taŋ a ndilam nguɓoc nguɓoc ng'ar vu.

ZEREMI 25:9

I ra slin ɓa ara ziloko mizli ngi ruwuy vay muŋhoyo, yo ɓa ara ziloko gawla ɗu Nabukodonozor, buy madiɗa ngi Babiloŋ, ɓa a sa kiɗam vu ati hirwuy hana, ati mizli ngi raˀahay waɗ ati sukwi midigwi taŋhaya, i wi taŋ vu le weˀ ngi ngizl taŋ da ya, yo i tiri ti ruwuy taŋ cay, daŋ daŋ ngi wãˀ, i tiri taŋ gwat ngi zluwuna vu, li diŋ cay ngi sete. I ya Bumbulvuŋ maɓi.

ZEREMI 4:21

I sa pura drapo ming'akaˀa, hã ti vunaka? Yo i sa cine ˀay ngi tulumo, hã ti vunaka?

ZEREMI 50:2

«Ɓaka ɓi ani a wuzla sukwi ngi mizli, ɓaka ɓa mizli a sinaka, yo bigaka ti gwat ɓa mizli a sinaka ava, ɓaka ɓa mizli a sinaka, ki ɗumoko ta, ɓam na: a tiɓaka Babiloŋ le, walahay Bel a pi mesem le, kuli Marduk a diɗ le ndirɗaɗ a ruwuy. Kuli dum naŋhay a pam mesem le, kuli naŋhay a susuymom le.

ZEREMI 50:22

I ra cinam hurum ngi vurum asi ruwuyo, gwatay ara hiryam haɗa wãˀ!

ZEREMI 51:12

Gwat mabiga kiɗa vu na, ng'aka kaˀ a ciki mohol ngi Babiloŋ, hilam mizli mijigina hayay ava. pam mijigina lihey sek seke, pam mizli a wam vu. Haˀaw, gwat Bumbulvuŋ miɓa vur mizli Babiloŋhoy na, a juwa le kuy kuy a mevele, a gaŋ.

ZEREMI 51:27

Ngaka drapo kaˀ asi ruwuyo, fam tulum a wuzla sukwi ngi mizli. Ɓaka sukwi ngi mizli a juwam vu ngi gi vurum mipal ati naŋ, zilaka buy mazumam buyoy na, ɓa ara lumakaŋ: buy Ararat, buy Mini waɗ buy Askenas. Ɓaka madiɗa ngi sojeheye ɓa a hilam mizli nga lumaŋ. Slinam ti misi pilisey urnok urnok, kaɓa jaray mazuɓ hindiˀille ka gazlavay, ɓa ara lumakaŋ.

ZEREMI 51:54

Zila vu ‹gawla kilawa› ara cino baɗ a Babiloŋ: gwat ngi mendere madiɗa a gi le asi ruwuyo!

ZEREMI 6:1

Mizli ngi Benjameŋhey, bam tir walahay Zeruzalem avra, ɓa ki ra sipam li ɗum ar li mekelem. Fam tulum a Tekˀa, ng'aka drapo kaˀ a Bet-kereme, asi hiryi, mendere madiɗa, ara ndilo kum tisi diˀis vay muŋ.

ZEREMI 6:22

Bumbulvuŋ a ɓi na: Mizli ara soko ti ruwuy vay muŋ, sukwi madiɗa muzuɓo jiviɗe, zle a mi vay ngi ruwuy mikiɗ mi.

EZEKIYEL 9:1

Buymisemuŋ a hizigo widi kaˀ nga slimiɗ ɗu, a ɓi: «Gi kiita da walahay a ndilo le gweˀe. Anja mbur gar ti gwat naŋ ngi ngizla vu kaw a haŋ, kaw a haŋ.»

EZEKIYEL 9:2

Keɗ na, ziley merkeɗ ara soko tir jiviɗ maso tir miviŋ ngi muŋ, mupulaˀ hiri tir vay muŋ, mbur gar na, kaw ti gwat naŋ ngi ngizla vu avu haŋ avu haŋ. A wuzla taŋ tuwa na, mbur ada, zana ngi gugumay mislirkeɗ ɓaˀ avu vu, waɗ gwat ngi toho gwat ngi mbur mutoho gwat, kulaˀ avu kanda naŋ. A soko, waɗ taŋ dedeŋ a ciki li gi mikuli miɗiya ti ɓiri gaza.

SOFONI 1:10

«Yawwa, ti hin nana, a sa cinam majam salalay a Miviŋ ngi Kilifey, mawudam ˀay kaˀ ar Walahay Nawaya, hurum a sa gi ti gidaŋ a hirnga muwãhaya. I ya Bumbulvuŋ maɓi.

ZAKARI 6:6

Mota pilis titrahay maɗiɗaka na, a ram kini tir vay muŋ. Pilis baraˀahaya ɓaˀ asi taŋ, amma pilis muzlop zlopoyo, a ram kini tir vay ruwuy.