ZEREMI 4:4 - Bible en langue guiziga

⁴ Kum mizli Zudahay ati Zeruzalemey, cam mizaw vur Bumbulvuŋ, cam vur ya. Da kanah ta na, naɓa himaˀ ɗu a sa tiɓi njilim njilim ka vu, a sa zlizlira gwataya, ko mbur mamuca gu anta, asi gwat ngi gi kum i ngi moˀore.

ZEREMI 4:4 ပူးပေါင်းရင်းမြစ်များ

ƁI NGI HINEY MUCUW NAŊ 34:25

Asi a pulikiy le fuku, yo a wuram urdihey le da kulihey, hã gwat ngi gi taŋ gar na, a slikiɗiy mevel. Vurˀe, i zuɓ himaˀ le fõh fõh ng'ar li hana, himaˀ ɗu anta muc mata.

EZAYI 10:17

Bumbulvuŋ, li njah ngi Israyele, a sa tiri vu, yo Buymisemuŋ mipala, a sa tiri irne vu ɓa a wura, yo a zuma sisimey ati hadawaya pay hin purla si.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

EZAYI 51:17

Zeruzalemey, slikiɗam, slikiɗam deŋ ti deŋ. Bumbulvuŋ a vulukum himaˀ naŋ ngir sikiɗe, kumo, ki saka le, sikiɗ misi ti himaˀ makicuwur hirnga viw viw na, ki saka le, hã tay mi wãˀ.

ZEREMI 15:14

I sa tiri ti ka beke ngi mesene ɗikey angi hirwuy ka misina ta. Ji mevel ɗu a bul vu le, ara tiɓi njilim njilim ng'ar kum.

ZEREMI 21:12

Mizli ngi hay Davitey, Bumbulvuŋ a ɓi na: Ti miprik gar na, gam kiita mijeŋŋe, mbur mazumakaŋ gwatay na, tuɓoko di tisi haŋ ngi mbur muguzuvur naŋ! Da kanah ta na, mevel ɗu a sa tiɓi ka vu, a sa tiɓi giw giw, ko mbur mumuc naŋ gu anta, vur gwat ngi gi taŋ malambaˀ na.

ZEREMI 21:5

I ya vuna ti haŋ ɗu masa gi vurum ti kumo, ti himaˀ ati mevel fõh fõh matiɓi ka vu.

ZEREMI 23:19

Burkataŋ ngi Bumbulvuŋ, ji mevele ara ndilawa, i burkataŋ ngi vuŋ: ara kicuwur a hirnga migi malambaˀhay.

ZEREMI 36:7

Asinta, a sa tumbuloko Bumbulvuŋ, yo mbur gar a sa mbiɗa gwat ngi gi naŋ malambaˀ na kwani. Asi Bumbulvuŋ a ji mevel le, a zuɓ himaˀ le haɗa ar mizli tayna.»

ZEREMI 44:22

Gwat ngi gi kum ngi moˀore zleˀe, yo malambaˀ kum mukuyta wãˀ migaka zleˀe na, Bumbulvuŋ anta ɓusa ɓi nah mata, yo ma na, hirwuy kumo, a tiri diŋ le, li cay daŋ daŋ lambaˀ. Mizli ara nisam vu ti slimiɗ ngi hirwuy kum vuna, mbur loŋ anta ara ta, naŋ kaɓa mapur ani dana na!

ZEREMI 9:25

Mbiɗeˀvra, Eziptehey, Zudahay, Edomoy, Amoŋhoy, Moˀapay, waɗ sukwi ngi mizli mihija li tinikey misi a wuzlaɓuh mikirɗak kirɗak na. Asi sukwi ngi mizli gar a cam mizaw ta, yo ko mizli Israyeley vuna kwana, a cam mizaw a mevel taŋ ta ya.

TUWUY 4:11

Bumbulvuŋ a ma himaˀ naŋ le ng'ar siyoŋ, a slikiɗa mevele le, a bul vu le ngiɗ ngiɗ, ɓa a zuma si virzi ngi Siyoŋ ngbasl.

EZEKIYEL 16:38

Kiita magaka da ngwas migi madamahay ati mikiɗa hirngahay na, i sa guw di i naŋ. I sa pa himaˀ ati suloŋ ɗu nga hirnga ɗiki.

EZEKIYEL 18:31

Slikiɗa ɓi kum mihirasl hirasl ar kum na, hizigaka taŋ avra. Anja ki mbiɗaka mevele nawayaŋ ati wuluk nawayaŋ. Israyeley, ki wuɗam sey ɓa ki micam cummo vur mike?

EZEKIYEL 20:33

Ya Bumbulvuŋ, Buymisemuŋ i ɓi: Kaɓa ya misi ti siifa gisiŋ na! Ya masa zum buy ar kum na, ti gidaŋ ɗu, ti haŋ paɗ a muŋ waɗ ti vunaha himaˀ ɗu.

EZEKIYEL 21:17

Ka mburu, widi, ɓi haɗa haɗa, maslalam ara ngum asi mizli ɗuwoyo cah, a wuzla buy Israyeleye gar na, ara ngum asi taŋ cah. A ndilam vu kuvbum ti maslalam ng'ar mizli ɗuwoyo. Tuko haŋ ar tuwal so.

EZEKIYEL 24:13

Zeruzalem, mucuw ar dili i kwelegwer ɗik na. Ya muzuɓ mevel fõh fõh ar ka na, sey da ya mikiɗa mi naŋ le far ta na, dili ɗik anta zuɓ avra ta. Asi yi wuɗ zuɓa dili ɗike le avra zleˀe, amma ko ki ɗiy ta.

EZEKIYEL 24:8

Pumbus naŋ mipa ar mandazlay mupurɗak ar li babara na, yi pula mbak manja pi muyuŋ a hirnga naŋ, ɓa a slikiɗiy mevel ti gidaŋ, ɓa i pula cuwala.

EZEKIYEL 44:7

Ti kum mira vulikiy ɗaf ɗu, mungul waɗ pumbus ar hay ɗu na, mizli mulakay misi micam mizaw ta ma na, ki cam ti taŋ ng'ara, ɓa a ndiram ara, ɓa a hiryaka hay ɗu. Mbak hã jumoˀay ɗu ati kumo, ki ngilaka le ti gi gwat kum malambaˀ kum mukuyta wãˀhay na.

EZEKIYEL 6:12

Mbur mikileŋ, i jiji mitiɓi vu masa kiɗaŋ, yo mbur migweˀe, a sa kiɗaka vagay ti maslalam. Mindiramaya, i may masa kiɗa taŋ. Ya mislikiɗ himaˀ fõh fõh ng'ar taŋ na, i sa kiɗa mi naŋ gbaˀa.

EZEKIYEL 8:18

Ya kwana, yi ga gwat ngi mevel ɗu ya so. Tˀanta sa gikiy ircece geˀ le ta, na zle y'anta pur ircece ta si. A sa hizigoko widi ngirzliŋŋe nga slimiɗ ɗu, amma y'anta sa cine taŋ di ta.»

LEVIHEY 26:28

ya kwana, i sa slikiɗ himaˀ avu kumo ti mevel fõh fõh, i sa kutukum ti haŋ ɗu ti bonoy hã makaw tarnaˀa ngi pula mungra kumoyo.

LEVIHEY 26:41

Ya kwana, yi slikiɗ himaˀ le ar taŋ, yo yi ru ti taŋ le ng'ar hirwuy ngi mesene taŋhay na, taŋ vuna a sa slaka wala nah. Yo ma na, pas purla na, taŋ misi hirnga gidaŋ haɗa na, a sa hinam hirnga, yo ya makuta taŋ ti bonoy na, a sa tiɓaka naŋ kaslsla gisiŋ.

AMOS 5:6

Da ki wuɗam siifa le na, sipam di i ya Bumbulvuŋ. Kum mizli ngi Zozefey, jam lesl, vur ya mabiga gidaŋ ɗu misi ka vu mazum vu na avu kum, ko mbur anta ngi muc naŋ a Betele ta.

SOFONI 2:2

daf dumbuŋ ar ɓi micica masa ndilawa, yo dumbuŋ ar papas masa ci yimak kaɓa cici, dumbuŋ ar ɓi ngi mevel ngi Bumbulvuŋ maso ng'ar kum, dumbuŋ ar hin ngi himaˀ ngi Bumbulvuŋ masa so ng'ar kum.

ROMAHAY 2:25

Gisiŋ, da ki ra ga gwat ɓimujuwa maɓa na, ci mizaw i gwat mupuɗaw avu ka gwaɗ naŋ. Amma da ki ra ngila ɓimujuwa na, kite ki ci a mizawa ta.

Slu cuw 10:16

Anja ki ndiram wãˀ, kum i migi slra ngi Bumbulvuŋ Buymisemuŋ kum, ki slikiɗam ɓi ava mata.

Slu cuw 30:6

Bumbulvuŋ Buymisemuŋ kum, a sa bunukum mevel kumoy ati ngi ziri kumoy masa ya ka taŋ nga mbuŋ, ɓa ki wuɗakaŋ ti mevel purla, ti membezleŋ ngi vu kum wãˀ, ɓa ki ndiram ti siifa.

Slu cuw 32:22

Haˀaw, mevel ɗu ara tiɓi ka vu, ara zlizlir hã sesẽŋ ar li ngi mizli mumucahay, ara zuma hirwuy ati gwat ngi raˀahaya gar, ara huhuto dimbasl ngi muwãhaya.

KOLOSOY 2:11

Ar kum mujom ati Kristu na, a cukum le a mizaw. I ci mizaw ngi mbur titra ta, amma i ci mizaw Kristu mica, ɓa ngi cuko vu ndra magi mungra na avra.