ZEREMI 4:2 - Bible en langue guiziga

² Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

ZEREMI 4:2 ပူးပေါင်းရင်းမြစ်များ

ZLI VIRZI 22:18

Sukwi ngi mizli ngisi ruwuyoy gar a sa lumam ɗuwula mi tisi dideˀ ɗikey, asi ka micina mingiɓi ɗu.»

BUYOY MUDUMBUŊ NAŊ 3:6

Salomoŋ a mbiɗaŋ di: «Bumbulvuŋ, ki ga mezle le haɗa da baha Davit, gawla ɗike, asi a cifi a mbuŋ ɗike, kaslsla, jeŋŋe waɗ ti mevel purla. Vurˀe, ɓa gi mezle ɗik a kiɗ ta na, ki vulaŋ mangal mizile, ɓa a sa zum buy ar li naŋ, kaɓa ndra mapuraka dana ani na.

DIMISEY 72:17

Anja slimiɗ ngi buyo, a zil hã ngi sete, anja a ndih asi pasa zlar gar! Anja mizli a ɗuwulam mi ar wala taŋ ti slimiɗ naŋ, yo anja sukwi ngi mizli gar a ɓam, buy madiɗa naŋ ar mumul.

DIMISEY 99:4

Gidaŋ ngi buy madiɗa, i wuɗa gi gwat mikalslsa. Muɗuva ɓa gwat gar a sipi ti jiviɗ naŋ ɗalla na i kaha. Gi gwat mikaslsla ati gi gwat mijeŋŋe asi ruwuy Israyele, miga taŋ i kaha.

EZAYI 45:23

Ya Buymisemuŋ vuna, i hudum le ti hirnga ɗu, mabo ti balam ɗu i ɓi mijeŋŋe, i mingiɓi mambiɗi ta wãˀ. I ɓi na: «Mizli gar a sa huruk hurukam ti miliwis a mbuŋ ɗu, a sa hudumom ti slimiɗ ɗu.

EZAYI 45:25

Amma dideˀ ngi Israyeleye, a sa ndiram jeŋŋe, yo a sa mumulom na, mbele ya.»

EZAYI 65:16

Mbur gar muwuɗ ɗuwula mi le da vu naŋ a ruwuyo na, a sa ɗuwula ani: «Buymisemuŋ miteŋteŋ». Mbur gar muwuɗ hudum le a ruwuyo na, a sa hudum ti zila slimiɗ ngi Buymisemuŋ miteŋteŋ. Buymisemuŋ a ɓi: naŋ kine, bonoy misi zleˀe na, a sa puyukoko hirnga naŋ, kanah gisiŋ, bonoy nah gar na, a sa susuyum a mihiri ɗu.

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

ZEREMI 12:15

Amma a dirba ya muɓula taŋ le vuna ma na, i sa pura taŋ ircece a muŋ, i sa mo ti mbur gar ng'ar li naŋ ng'ar li naŋ, nga ruwuy naŋ nga ruwuy naŋ.

ZEREMI 12:16

Da a dubunaka gi gwata le kuy kuy kaɓa mizli ɗuwoy, yo da ara hudumom ti slimiɗ ɗu, a ɓam: «Hadam ti slimiɗ ngi Bumbulvuŋ misi ti siifa!» kaɓa taŋ mudubunaka hudum ti slimiɗ ngi Baˀal zleˀe da mizli ɗuwoy na, naɓa a sa cifam ti hay taŋhay a wuzla mizli ɗuwoyo.

ZEREMI 16:19

Bumbulvuŋ, ki gidaŋ ɗu, ki mitika hiri ɗu, ar hin ngi bonoyo, ki li ɗum ɗu, sukwi ngi mizli ngi duniya gar na, a sa soko ng'avi ka, zle tisi ruwuy mira kiɗo mi, a sa ɓukuw na: Sipi ngi dideˀ ndrahay zleˀe gar na, i gwat ngatara lambaˀ si, i gwat ngi gilaway mapul gir ko neˀ ta.

ZEREMI 3:17

Tapasa, a sa zilaka Zeruzaleme «Janga ngi buy ngi Bumbulvuŋ.» Sukwi ngi mizli gar a sa kusom ng'avaŋ, asi taŋ mizilaka Zeruzaleme ti slimiɗ ngi Bumbulvuŋ na. Tˀanta sa sipaka wuluk taŋ malambaˀ ngir mevel na mata.

ZEREMI 33:9

Naŋ kine, Zeruzaleme, i sa zila slimiɗ naŋ ti mumul, a sa tiri avu ya i ɓi ngi dudok, i gwat ngi wuya avu sukwi ngi mizli ngi si ruwuyoy gar. Asi taŋ masa cinaka ya maga mezle da Zuda waɗ da Israyel na. Zlili gar ati ya masa ga ɓa a ndiram ar ndum gar na, hã a sa siˀitam, a sa jijikam kirkir vurˀe.

ZEREMI 5:2

«Ko da mizli ara hudumom, a ɓam: «I hudum le ti Bumbulvuŋ misi ti siifa» na, i ngataraŋ.

ZEREMI 7:5

Amma ɗiyaka ɓi ngi joˀ kum ati gwat ngi gi kumo jaka, cikam vu gǝr gǝr ar ɓimujuwa mitaˀ gar vur cifi ngi kum mizli ar wala kumo.

ZEREMI 9:24

Ya Bumbulvuŋ i ɓi na: Hin ara ndilawa, ko wa gar mici le a mizaw ngi dumvu tewle na, a sa pura gwat naŋ keɗ keɗe.

Ɗerewol OZE 2:19

Slimiɗ ngi Baˀal vuna, i sa ɓula kileŋ ar mingiɓi naŋ avra, kuli misi kaɓa tayna, anta sa zilaka slimiɗ taŋ neˀ mata.

ZOWEL 2:12

Bumbulvuŋ a ɓi: «Moko ng'avi ya zle wurenna, ti mevel kum wãˀ, gam dalyam, tuwam, tuwam kaɗam kaɗam.

ZAKARI 8:8

I sa mo taŋ, a sa cifam a Zeruzaleme. A sa ndiram i mizli ɗuwoy, yo i sa ndir yi Bumbulvuŋ taŋ miteŋteŋ, yo mijeŋŋe avu taŋ.»

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

KORENTIHEY MUDUMBUŊ 1:31

Naŋ kine, a gi le ka taŋ mutohoko: «Mbur muwuɗ le ɓa a huhum vu na, anja a huhumo vu ar naŋ mujom ati Bumbulvuŋ.»

KORENTIHEY MUCUW NAŊ 10:17

A tohoko na: «Mbur mawuɗ huhumo vu naŋ na, anja a huhum vu asi naŋ mujom ati Bumbulvuŋ.»

GALATAY 3:8

Na zle, Buymisemuŋ masa ɗiya mizli Yudehey ta jeŋŋe a mbuŋ naŋ, asi tiɓi taŋ, Ɓimutoho a ɓa ɓimezle hana le daf dumbuŋ da Abrahama zleˀe si: «Buymisemuŋ a sa ɗuwula mi da sukwi ngi mizli gar tisi ka.»

Slu cuw 10:20

Zluwunam ti Bumbulvuŋ Buymisemuŋ kumo, huruk hurukam a mbuŋ naŋ, hinam mevel aseˀe tewle, yo kisa hudumomo, sey ti slimiɗ naŋ.

Slu cuw 4:30

Nga mbuŋ, da gwat ya muɓukum t'ani na gar, a gam le, ki roko ar bonoy so na, kisa moko ng'avu Bumbulvuŋ Buymisemuŋ kumo, joˀ kisa cinakaŋ mi a muŋ.

Slu cuw 6:13

Ki cinakaŋ mi, ki huruk hurukam a mbuŋ naŋ pal naŋ. Ki hudumom sey ti slimiɗ naŋ.

FILIPIHEY 3:3

Asi macam mizaw migisiŋ gisiŋ na, i ndra, ndra madiram dibiɗ ti ˀUf ngi Buymisemuŋ, ndra majijaham mbele Yesu Kristu, yo ndra mupulaka vu ndra da hirnga ndra tehhe a muŋ ta na.

RUTH 3:13

Wun li aka kwaɗay. Ti miprike, i sa puraka ɓi nah, da a ngiluw na kuy, amma da a wuɗ ngiluw ta na, hadam ti Bumbulvuŋ misi ti siifa, naɓa yi sa ngiluw! Wun li aka ɗagay.»

SAMUYEL MUDUMBUŊ NAŊ 20:3

Davit a ɓi ti hudum: «Bunuk a si na le kuy kuy wãˀ, ki ra jini ˀis asi ya. Vurˀe, a ɓi a kwacay naŋ: Anja Zonataŋ a si na neˀ ta, vur naŋ masa giraŋ ar wuluko. Kaɓa Buymisemuŋ misi ti siifa gisiŋ, yo kaɓa ka vuna, ka misi ti siifa gisiŋ aya na, naŋ kanah ya, hin ngi muc ɗu a ndir dusl kini.»