ZEREMI 4:1 - Bible en langue guiziga

¹ «Israyel, da ki ra mawa na, sey ki mawa ng'avi ya. Gwat ngi gi malambaˀ ɗikey mukuyta wãˀ na, da ki pula taŋ le avra ti mbuŋ ɗu na, naɓa k'anta sa ru digi kiŋ kiŋ mata.

ZEREMI 4:1 ပူးပေါင်းရင်းမြစ်များ

ZLI VIRZI 35:2

Zakop a ɓa mizli ngi hay naŋhay ati mizli ngi seˀeheye gar: «kuli ngi mizli mulakay misi a wuzla kum na, bam taŋ avra. Bunaka malambaˀ kumoyo, yo mbiɗaka zana kumoyo.

BUYOY MUCUW NAŊ 23:13

Li miɗingir ɗingirey ada magam mikulihey ar taŋ, taŋ hiri taˀtaˀ angi Zeruzaleme, kini tir vay ruwuy muwãˀ ngi ziza vu, buy a hirya taŋ. Li tayna i buy Salomoŋ mindira taŋ zleˀe ɓa ngi huruk huruk ar taŋ a mbuŋ kuli Astarte, kuli ngwas malambaˀ naŋ kuyta ŋwa ˀngi Sidoŋhoy, da Kemos, kuli zil malambaˀ naŋ kuyta wãˀ ngi Moˀapay, waɗ da Milkoŋ, kuli malambaˀnaŋ kuyta ŋwa ˀngi Amoŋhoy.

BUYOY MUCUW NAŊ 23:24

Ɓi ngi pi daˀas ati hiziga njol, ɓi ngi pura jubuɗ ati ɓi ngi kulihey, gi gwat malambaˀ mukuy tahay gar mizli duniyahay magaka taŋ asi ruwuy Zuda ati Zeruzalem gar ar huruk huruk taŋ na, Zoziyas a susuymo taŋ gar avra ma. A ga kanah na, ɓa ɓimuɗuva mutohoko angi ɗerewol, masay Hilkiya, muluma angi hay ngi Bumbulvuŋ tuwa na, ɓa mizli a jaka a hirnga.

ƁI NGI HINEY MUCUW NAŊ 15:8

Buy micina mingiɓi ngi mijiviɗ Azariya mangal ngi Odet tuwa cin cin na, a tum vu, a susuyumo kulihey misi asi ruwuy Zuda ati Benjameŋ gar, waɗ ngir walahayay naŋ mitiɓa taŋ a muwã Efrayime. A dirba nah, li gi mikuli da Bumbulvuŋ misi a mbuŋ jawleeru ngi Bumbulvuŋ na, a ɗiya hiri naŋ a muŋ.

ƁI NGI HINEY MUCUW NAŊ 33:8

Yo ma na, y'anta sa ɓula Israyeleye kileŋ avu hirwuy, ya muvula da dideˀ taŋhay na mata. Amma so na, ɓimuɗuvahay, Moyis miɓa taŋ di cek, ɓimujuwahay cek, ɓi micica ati ɓi ya mujuwa a mevel ngi gi gar na, sey da ara gam taŋ slra far.»

ƁI NGI HINEY MUCUW NAŊ 34:33

Akẽh na, Zoziyas a susuyumo gi gwat malambaˀ mukuyta wãˀ ngi si ruwuy Israyele gar, yo a tikaˀay da mizli ngi si ruwuy Israyel gar, ɓa a huruk hurukam a mbuŋ Bumbulvuŋ Buymisemuŋ taŋ. Angi hin ngi siifa ngi Zoziyasa gar na, ko Israyeley a mbiɗam duba avu Bumbulvuŋ Buymisemuŋ ngi dideˀ taŋhaya ta.

EZAYI 31:6

Israyeley, kum mimbiɗam diba wãˀ avu Bumbulvuŋ na, moko ng'ava so.

ZEREMI 15:19

Bumbulvuŋ a ɓi, yawwa: «Da ki mo le ng'avi ya na, i sa tuɓuw a muŋ, kisa cici ar li ɗik a mbuŋ ɗu a muŋ. Ar deɗe ngi ɓi mi ngi sefel na, kisa ɓi di i ɓi mupuɗaw, naɓa kisa tiri mijiviɗ ɗu. I mizli Zudahay masa soko ng'avi ka, ka, k'anta sa ru ng'avi taŋ ta!

ZEREMI 15:4

I sa bigi taŋ gwat, ɓa zumabuy ngi si ruwuyoy gar a zluwunam taŋ kirkir. A gi kahana na, asi Manase mangal ngi Ezekiyas, buy Zuda, asi gwat naŋ miga gar a Zeruzalem na.

ZEREMI 18:11

Wurenna, ara ɓa mizli Zudahay ati Zeruzalemeye na: «Bumbulvuŋ a ɓukum na: I ra juw vu nga gukum bonoy, i ra mbizi ɓi a mevel ɗu vur kumo, anja ko wa gar na, a zil marava ar gwat ngi gi naŋ malambaˀa. Haˀaw, kpak kum ati ngi gwat ngi gi kumo, ɗiyaka hiri naŋ amuŋ.

ZEREMI 24:9

Naŋ kanah, i tiri ti taŋ gwat ngi muɗa didak haɗa wãˀ da zuma buyoy ngi ruwuy gar. Ar li ya mizliɗa hirnga taŋ nga diga nga diga gar na, mizli a sa kiɗam ti taŋ mambaˀ, a sa singiram ar taŋ, yo a sa njiɗaka taŋ dimis, a nisaka taŋ.

ZEREMI 25:5

A ɓukum na: ‹Anja mbur gar a mbiɗa kpak naŋ malambaˀa, a pula gi gwat naŋ misi ti kwacay cuwo, ɓa ki ndiram asi ruwuy, Bumbulvuŋ muvulukum di, da kum ati da dideˀ kumoy, diga zlezle hã ngi set na.

ZEREMI 3:1

Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 3:12

Buymisemuŋ a ɓiy ma: ara til mi ti ɓi ani tir vay muŋ, ɓi na: «Ka Israyel macica wuluk ɗik dar purla ta na, mawa. I ya Bumbulvuŋ maɓi. Y'anta i purukum pur ngi mevel ta. Naŋ kanah, yi ngama kum miteŋteŋ. I ya Bumbulvuŋ maɓi. Y'anta i ji mbur a kwacay ngi caˀa ta.

ZEREMI 3:14

Kum ziri ngi mizli mupulaka sipa jiviɗi, moko. Asi buy ngi hay kumoy i ya: i zuɓ asi kumo purla ar walahay aka, cuw a wuzla muyoy a diga, ɓa i mi ti kum nga Siyoŋ.

ZEREMI 3:22

Kum ziri mupulaka sipi jiviɗi, moko! ɓa i vulukum slalak ngi sipi jiviɗe.» «Ndra ani! I ra mam ng'avi ka, haˀaw, Bumbulvuŋ Buymisemuŋ ndra, i ka!

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 36:3

Asinta, Zudahay a sa kam slimiɗ ar bonoyoy gar, ya mawuɗ i ga taŋ di na kwana, da mbur gar a mbiɗa gwat ngi gi naŋ malambaˀ na le na, naɓa mungra taŋ madiɗahay ati gwat malambaˀ taŋ na, yi sa pula ɓi nah avra.»

ZEREMI 4:4

Kum mizli Zudahay ati Zeruzalemey, cam mizaw vur Bumbulvuŋ, cam vur ya. Da kanah ta na, naɓa himaˀ ɗu a sa tiɓi njilim njilim ka vu, a sa zlizlira gwataya, ko mbur mamuca gu anta, asi gwat ngi gi kum i ngi moˀore.

ZEREMI 7:3

Bumbulvuŋ misi gidaŋ wãˀ, Buymisemuŋ ngi Israyele, a ɓi na: ɗiyaka gwat ngi gi kum ati joˀ kumo, ɓa zliv i cifam ati kum ar li misenna.

ZEREMI 7:5

Amma ɗiyaka ɓi ngi joˀ kum ati gwat ngi gi kumo jaka, cikam vu gǝr gǝr ar ɓimujuwa mitaˀ gar vur cifi ngi kum mizli ar wala kumo.

ZEREMI 7:7

Da kanah so na, naɓa i sa cifam ati kumo gu, angi hirwuy ya muvula da dideˀ kumoy ngi set na.

EZEKIYEL 11:18

Kum misa ndilam le a diga na, gi kuli mukuyta wãˀ le ati gi gwat mukuyta wãˀ na, a sa susuymoko taŋ gar avra.

EZEKIYEL 18:13

a vul duvus ngi yam, yo a wuɗ ɓa a lum fineˀ gidaŋ angi gwat naŋ. Naŋ na, a ndir ti siifa kwa! N'anta ndir ti siifa ta. Naŋ miga gwat mukuyta wãˀ tayna na, a mucu, pumbus naŋ a mbiɗi nga hirnga naŋ a muŋ.

EZEKIYEL 43:9

Wurenna, a sa pulaka gi sulome taŋ avu ya, waɗ vagay ngi buy taŋhaya, i sa cifi a wuzla taŋ ngi wãˀ so.

Ɗerewol OZE 14:1

Samariheye, sey a wurkaka slikiɗa ɓi taŋ avu Buymisemuŋ na. A sa kiɗaka taŋ vagay vagay ti maslalam, a sa kirpaka ziri gaza taŋhaya asi sar, yo a sa ngiraka kwacay ngi ngwas misi ti huroyo.

Ɗerewol OZE 2:2

Mizli Zudahay ati Israyeley, a sa kusom, a sa zuɓam buyo purla, a sa waka hirwuyo asi a sa gi i hin madiɗa ngi Zizreyel.

Ɗerewol OZE 7:16

Da ara moko kwana, anta ng'avi ya ta, taŋ kaɓa lek mukusluro le. Taŋ miɓi mi ngi kuwoy na, a sa ngizlaka buy taŋhayakap ti maslalam, ar hirwuy Ezipte, mizli a sa singiram ar taŋ vurˀe.»

ZOWEL 2:12

Bumbulvuŋ a ɓi: «Moko ng'avi ya zle wurenna, ti mevel kum wãˀ, gam dalyam, tuwam, tuwam kaɗam kaɗam.

ZAKARI 1:4

Ki sipaka sar ngi dideˀ kumoyo ta. Mijiviɗ mudumbuŋhoyo, a tilaka taŋ mi le zleˀe, a ɓaka t'ani: ‹Bumbulvuŋ misi gidaŋ wãˀa, a ɓi na: Moko so, jiviɗ malambaˀ kum masipaka ati gwat ngi gi kum malambaˀ na, pulaka›, amma a cinam mi ta, yo a kam slimiɗ ar ya ta. I ya Bumbulvuŋ maɓi.

Slu cuw 27:15

«Mbur misa ciɗ dum ngi kuli le ti ciɗi, malla mipa le ti pi ti ɓiri, ɓa a huruk huruk a mbuŋ naŋ ti yaŋ yaŋ na, Bumbulvuŋ a hirsa gwat misi ka tayna, gwat mbur miɗiya taŋ ti ɗiyi.» Dar mizli gar a sa mbiɗaka taŋ di, a ɓam: «Amin»

Slu cuw 4:30

Nga mbuŋ, da gwat ya muɓukum t'ani na gar, a gam le, ki roko ar bonoy so na, kisa moko ng'avu Bumbulvuŋ Buymisemuŋ kumo, joˀ kisa cinakaŋ mi a muŋ.

ZOZUWE 24:14

Zozuwe a ɓi ma: «Wurenna so na, kumo, zluwunam ti Bumbulvuŋ, yo gakaŋ mezegwel ti mevel purla, ti gi teŋteŋ. Kulihey, dideˀ kumoy migaka taŋ mezegwel ti dubazaw Efrat, waɗ angi hirwuy Ezipte na, kirahaka taŋ kileŋ avra. Yo gaka mezegwel da Bumbulvuŋ.

MIGI KIITAHAY 10:16

Dar a kursaka kulihey misi zleˀe avu taŋ na, a huruk hurukam a mbuŋ Bumbulvuŋ muduba. Na Bumbulvuŋ a ɓusa bonoy Israyeley masaka na gu ta.

SAMUYEL MUDUMBUŊ NAŊ 7:3

Dar Samuyel a ɓa mizli Israyeleye gar: «Da ki moko ng'avu Buymisemuŋ ti mevel purla na, susuyumoko kuli mulakay ati kuli Astartehey na. Ɗuvaka mevel kum ar Buymisemuŋ, yo huruk hurukam avu naŋ pal naŋ tewle, naɓa a sa luhukum tisi haŋ ngi Filistiheye.»