ZEREMI 39:3 - Bible en langue guiziga

³ Dar madiɗa ngi soje ngi buy Babiloŋhoy a cam, ara cifam a mizlingre ngi wuzla. Soje tayna i ti: Nergal-Sareser, mbur Sin-Magir, Samgar-Nebo, madiɗa ngi soje ngi wazlarayay, Sar-Sekim, mbur ngisi mevel ngi buy waɗ soje madiɗa mekelemey ngi buyoyo cek.

ZEREMI 39:3 ပူးပေါင်းရင်းမြစ်များ

BUYOY MUCUW NAŊ 17:30

Mizli musoko ti Babiloŋ, a ɗiyam nga taŋ i kuli Sukot-Benot, ngi Kutahaya, nga taŋ i kuli Negat, yo ngi Hamataya, nga taŋ i kuli Asima.

ZEREMI 1:15

I sa zilo mizli muyoy misi ar zumabuy tir vay muŋ na gar. A sa ndiloko, mbur gar na, a sa ɗuva janga naŋ ngi buyo, a mizlingreŋ nga Zeruzaleme, njiɓaŋŋa gun mohol naŋhaya, yo a sa zlaka walahay Zudahaya gar ngi kiɗa vu. I ya Bumbulvuŋ maɓi.

ZEREMI 21:4

Bumbulvuŋ, Buymisemuŋ ngi Israyele, a ɓi na: ‹Kum mihilam gwat ngi vurum ati buy madiɗa ngi Babiloŋ waɗ ati mizli Babiloŋhoy mindah ndah a duba mohol na, i sa ga ɓa a coko taŋ nga hur walahay hana a muŋ.

ZEREMI 38:17

Dar Zeremi a ɓa Sedekiyasa: «Bumbulvuŋ, Buymisemuŋ ngi buy vurum ngi muŋ, Buymisemuŋ ngi Israyel a ɓi na: Da ki bi le tir walahaya, nga jum ati soje ngi buy Babiloŋhoyo na, naɓa ki laha hutuŋ ɗike le, yo anta sa ɗuvaka vu da walahay hana ta ma: kisa ndiram ti siifa ati mizli ngi hay ɗikeye.

ZEREMI 39:13

Nebuzaradaŋ, buy ngi mijigina hayaya, Nebusasbaŋ madiɗa ngi mizli ngi wazlarayay, Nergal-Sareser madiɗa ngi soje Babiloŋhoy cek, waɗ soje madiɗa mekelemey ngi buy Babiloŋhoy cek ma,

EZEKIYEL 26:10

Pilis naŋhay misirgiɗim sirgiɗim haɗa tuwa na, lagwada taŋ a sa sirtuw sirit. Hurum ngi sar ngi pilisey makukuroko taŋ, ngi sar ngi mota ngi vurumoyo, hã a sa jijika mohol ɗikeye. Asi mike na, a sa cam ti mizlingre ɗikeye, kaɓa macam ng'ar walahay misi vurum a zuma le.