ZEREMI 38:3 - Bible en langue guiziga

³ Zeremi a ɓi: «Bumbulvuŋ a ɓi na: Walahay hana, a sa vulaka asi haŋ ngi soje ngi buy Babiloŋhoy gisiŋ, a sa tiɓakaŋ.»

ZEREMI 38:3 ပူးပေါင်းရင်းမြစ်များ

ZEREMI 21:10

Haˀaw, i sa mbiɗi hiri ng'ar walahaya, anta ngi gaŋ mezle ta, amma ngi gaŋ malambaˀa. I sa vula walahay nah asi haŋ ngi buy madiɗa ngi Babiloŋ ɓa a wuraŋ. I ya Bumbulvuŋ maɓi.»

ZEREMI 21:4

Bumbulvuŋ, Buymisemuŋ ngi Israyele, a ɓi na: ‹Kum mihilam gwat ngi vurum ati buy madiɗa ngi Babiloŋ waɗ ati mizli Babiloŋhoy mindah ndah a duba mohol na, i sa ga ɓa a coko taŋ nga hur walahay hana a muŋ.

ZEREMI 21:9

Mbur misa ndir le ar walahay hana na, a sa kiɗaka ti maslalam, may malla jiji mozorbono masa kiɗaŋ. Amma mbur misa bi le tir walahaya ng'avi mizli Babiloŋhoy mindah hirnga kum na, a sa ndir ti siifa, a sa laha hutuŋ naŋ.

ZEREMI 29:16

«Haˀaw, buy muar janga ngi buy Davit ati mizli ngir walahaya gar waɗ sukum kumoy mijaka taŋ nga ruwuy mulak ta na, ya Bumbulvuŋ i ɓa taŋ:

ZEREMI 37:8

Babiloŋhoy a sa soko, a sa zlaka kiɗa vu ati walahay Zeruzaleme, a sa tiɓakaŋ, a sa ɗuvakaŋ vu div a wur.

ZEREMI 38:18

Amma da ki ra jum ati soje ngi buy Babiloŋhoy na ta na, naɓa a sa vulaka walahay hana asi haŋ Babiloŋhoyo, dar a sa ɗuvakaŋ vu div a wur, yo ka vuna, k'anta sa lih avu taŋ ta.»