ZEREMI 38:23 - Bible en langue guiziga

²³ Ngwas ɗikey ati ziri ɗikeye gar, a sa ram taŋ da Babiloŋhoy. Ka vuna, k'anta sa lih avu taŋ ta: buy madiɗa ngi Babiloŋ a sa juw, a sa wura walahaya.»

ZEREMI 38:23 ပူးပေါင်းရင်းမြစ်များ

BUYOY MUCUW NAŊ 25:7

A slaka ˀay ngi ziri ngi Sedesiyasaya daˀ a mihiri naŋ vuna si. Akẽh ma na, buy Nabukodonozor a ɓi ɓa a nduzoko hiriheye, ɓa a juwakaŋ ti celelu zlaɓ hiri cuw, waɗ ɓa a slinam di nga Babiloŋ.

ZEREMI 21:10

Haˀaw, i sa mbiɗi hiri ng'ar walahaya, anta ngi gaŋ mezle ta, amma ngi gaŋ malambaˀa. I sa vula walahay nah asi haŋ ngi buy madiɗa ngi Babiloŋ ɓa a wuraŋ. I ya Bumbulvuŋ maɓi.»

ZEREMI 32:4

Sedekiyas, buy Zuda, naŋ anta sa lihi avu gidaŋ ngi Babiloŋhoyo ta, amma a sa ci asi haŋ ngi buy madiɗa ngi Babiloŋ cummo, a sa ra ɓaŋ ti balam naŋ, yo a sa ra puraŋ ti hiri naŋ.

ZEREMI 34:3

Ka Sedekiyasa, k'anta kisa lih ava ta, a sa juw, a gi ti kaɓa naŋ mawuɗo. Ka, kisa zliram hiri tataˀ ati buy madiɗa ngi Babiloŋ, a sa ɓuw ti mi naŋ, joˀ kisa ru nga Babiloŋ.

ZEREMI 37:8

Babiloŋhoy a sa soko, a sa zlaka kiɗa vu ati walahay Zeruzaleme, a sa tiɓakaŋ, a sa ɗuvakaŋ vu div a wur.

ZEREMI 38:18

Amma da ki ra jum ati soje ngi buy Babiloŋhoy na ta na, naɓa a sa vulaka walahay hana asi haŋ Babiloŋhoyo, dar a sa ɗuvakaŋ vu div a wur, yo ka vuna, k'anta sa lih avu taŋ ta.»

ZEREMI 38:24

Sedekiyas a ɓa Zeremi: «Ɓi ndra mikiɗaka slir naŋ ani ati ka na, anja mbur a si na ta, da mbur a si na le na, i muc ɗiki.

ZEREMI 39:5

Amma soje Babiloŋhoy tuwa, a gidiɗaka taŋ, ara jaka is da Sedekiyas ar li micay a Zeriko. A joko di, a soko di da Nabukodonozor buy madiɗa ngi Babiloŋ a Ribla, hirwuy Hamat, joˀ Nabukodonozor a gaŋ kiita.

ZEREMI 39:6

Buy Babiloŋ a ɓi mizli, a slaka ˀay ngi ziri daˀ a mihiri ngi cine taŋ Sedekiyas vuna, a Ribla. Yo buy madiɗa ngi Babiloŋ a ɓi mizli, a slaka ˀay ngi misi zlili ngi Zudahaya cek ma.

ZEREMI 41:10

Akẽh na, is ngi mizli Mispahaya, Ismayel a ja taŋ cek, aru taŋ: maˀãyay ati is ngi mizli mindiram ti siifa a Mispa gar, mizli, Nebuzaradaŋ madiɗa ngi mijigina buy, mupula taŋ asi haŋ ngi Gedaliya. Joˀ Ismayel aru ti mizli mijahaya ng'avi Amoŋhoy.

ZEREMI 6:12

Ti ya masa biga gidaŋ ɗu avu mizli ngi hirwuy nah na, hay taŋhay, guva taŋhay ati ngwas taŋhaya, a sa vulaka taŋ da mizli mekelemey. I ya Bumbulvuŋ maɓi.

EZEKIYEL 14:9

Ko i mijiviɗ ɗu, da a pula vu naŋ, a tikinakaŋ le, a mbiɗa mingiɓi nah gisiŋ na, naɓa i ya Bumbulvuŋ mitikina mijiviɗ nah vuna. I sa zuɓa haŋ ng'araŋ, yi sa zizaŋ avra ti wuzla Israyel, mizli ɗuwoyo.

EZEKIYEL 17:15

Na ma na, buy nawaya tuwa, a slikiɗ ɓi ava, a slin mizli nga Ezipte, ɓa a vulakaŋ pilisey ati sojehey haɗa. Mbur magi kahana na, a sa lum gidaŋ, yo a sa lih gu vurˀe sukwa? Naŋ mingila ɓi ngi jumoˀay na, ɓa a lih sukwa?

EZEKIYEL 43:3

Gwat ya mupura ti kleŋ na, naŋ kaɓa ya mupura ti kleŋ ti di Buymisemuŋ muso ngizla walahay, yo naŋ kaɓa ya mupura ti kleŋ a mi mizaw Kebar zleˀe na. Dar i huruk huruk a ruwuy.

SLUFA VU 4:18

«Kam slimiɗ anja ɓa muy ngi Kehatay a ndiram ti siifa a wuzla levi mekelemeye.