ZEREMI 37:7 - Bible en langue guiziga

⁷ «Bumbulvuŋ Buymisemuŋ ngi Israyel a ɓi na: Buy Zuda mislino kum nga cufuɗ ɗu na, ara ɓakaŋ: da kine na, soje ngi buy madiɗa ngi Eziptehey mupulaka Ezipte, ɓa ara jinukum zleˀe na, a sa mam murdirba a muŋ ng'ar li pi sar taŋ a Ezipte.

ZEREMI 37:7 ပူးပေါင်းရင်းမြစ်များ

BUYOY MUCUW NAŊ 22:18

Amma, buy Zuda mislino kum nga cufuɗa Bumbulvuŋ na, kisa ɓakaŋ na: ‹Bumbulvuŋ, Buymisemuŋ ngi Israyel a ɓuw ani: Ki cine mingiɓi ngir ɗerewol hana le kuy kuy,

BUYOY MUCUW NAŊ 24:7

Ti di nah na, buy Ezipte anta bi put le tisi ruwuy naŋ mata, asi buy madiɗa ngi Babiloŋ a zuma hirwuy Ezipte le pay pay wãˀ, zle a mizaw Ezipte, hã sesẽŋ a mizaw Efrat.

MIKUCUWULOY 21:30

Sinmijileŋ ngi mburu, lesl ngi mbur, malla ko wuluk naŋ kwana, naŋ puɗaw a mihiri ngi Bumbulvuŋ ta.

EZAYI 30:7

Ezipte a jina taŋ ti himiɗ ati ɓi lambaˀ, vurˀe i sa caŋ slimiɗe ‹Mizlira dibiɗ magi slra ta›. Ki mumuyuŋ ngi zay sla a slimiɗ vur hin ngi mbuŋ

EZAYI 36:6

Ani ki vula mevel ɗike le da Ezipte, lavaɗ mingila le nah. Na ko wa gar miginisl di le na, a ci yik, a slinaŋ haŋ gor njoŋ. Buy madiɗa ngi Ezipte, naŋ kanah avu mbur muvulaŋ mevele le gar.

ZEREMI 2:18

Na wurenna, maɗuɗukum nga Ezipte, ng'asi yam a mizaw Nil na, i gwat mike? Maɗuɗukum nga Asiri, ng'asi yam a mizaw Efrat na, i gwat mike?

ZEREMI 2:36

Kum mawusam vu kutum ngi mbiɗa sipi jiviɗ kum na, ara mukum nga ruwuy! Eziptehey a sa pukum mesem, kaɓa mizli Asirihey mupukum mesem zleˀe na ya.

ZEREMI 2:37

Ki sa moko baɗ ti diga, haŋ sesek sesek a hirnga. Asi mizli kum mupulaka vu kum mbak vur taŋ na, Bumbulvuŋ a zliɗa taŋ le avra, ɓa gwat kum magaka, a sa gi kasl kasl na, anta

ZEREMI 21:1

Bumbulvuŋ a ɓa mingiɓi naŋ da Zeremi, hirak ti buy Sedekiyas mislina Pasehur mangal ngi Malkiya waɗ masay Sefaniya, mangal ngi Maˀaseya, ɓa a ɓaka Zermi na:

ZEREMI 21:2

«Inga ara pura Bumbulvuŋ vur ɓi ndra takwa, asi Nabukodonozor buy madiɗa ngi Babiloŋ, ara gi vurum ti ndra, asinta, da Bumbulvuŋ a sa gi cekene naŋ purla ngi jina ndra, ɓa a mi murdirba a muŋ kwani?»

ZEREMI 37:3

Akẽh na, Yukal mangal ngi Selemiya waɗ Sefaniyas masay, mangal ngi Maˀaseya, buy Sedekiyas a slina taŋ nga cufuɗa mijiviɗ Zeremi, ɓa a ɓakaŋ: «Ambuh! Tumbulo ndra Bumbulvuŋ Buymisemuŋ ndra na takwa!»

ZEREMI 37:5

Soje ngi buy madiɗa ngi Ezipteheye, a pulaka hirwuy Ezipte le zleˀe. Mizli Babiloŋhoy mindahaka walahay Zeruzaleme, taŋ micinaka ɓi nah na, a kursam, mbak Zeruzaleme daŋ.

ZEREMI 37:6

Akẽh na, Bumbulvuŋ a ɓa mijiviɗ Zeremi na:

TUWUY 1:7

Zeruzaleme, ar hin tayna, naŋ maliˀi lambaˀ waɗ ar hin tayna mitikakaŋ ˀay na, gwat mupuɗaw puɗaw naŋhay gar, misi zlezlezleˀe tuwa, a wulka taŋ pay. Da mizli naŋhay a cam le asi haŋ ngi mizli mazliram ti taŋ ta, yo mbur mukulo widi taŋ anta na, mizli mazliram ti taŋ ta a puraka: a singiram ar taŋ, asi a hĩhĩyam le.

TUWUY 4:17

Ngi ndra, gidaŋ ngi hiri ndra a tiki le, asi i ra njaham hiri asi kila widi, amma a ndilo ta. Ar li ngi slra ndraˀahaya, i roko kutukom so ngi sukwi ngi mizli malaham vu gu ta.

EZEKIYEL 17:17

Buy madiɗa ngi Ezipte, ko naŋ misi ti sojehey haɗa, yo naŋ misi ti mizli naŋhay hiɗim hiɗim haɗa tekeɗe na, anta sa jinaŋ gu vurˀe ta. Asi mike na, tapas kiɗa vu na, Babiloŋhoy a sa mbam muyuŋ zikitiŋ zikitiŋ a ciki moholo, ngi jiɗ ti raŋ, yo a sa ndiram hay migilahay ngi ɗum, ɓa ngi ngizla zigiduw.

EZEKIYEL 29:16

Mizli Israyeley anta sa pulaka vu taŋ mbak vur taŋ na mata. Malambaˀ taŋ migaka, ti taŋ mimbiɗam hiri ngir tivi Eziptehey zleˀe na, t'anta sa maka hiri naŋ mata. Dar a sa sinaka yi Bumbulvuŋ.»

EZEKIYEL 30:22

Vurˀe, Ya Bumbulvuŋ, Buymisemuŋ i ɓi na: y'ani i ra luuma buy madiɗa ngi Ezipte. I sa ngilaŋ haŋhaya, haŋ mukuy kuy ati haŋ mingila vuna cuw taŋ, waɗ i sa ga ɓa maslalam a diɗ tisi haŋ naŋ.