ZEREMI 37:1 - Bible en langue guiziga

¹ Sedekiyas a cifi buy ar li ngi Koniya, mangal ngi Zoˀakim. Nabukodonozor buy madiɗa ngi Babiloŋ a cifaŋ ɓa a zum buy asi ruwuy Zuda.

ZEREMI 37:1 ပူးပေါင်းရင်းမြစ်များ

BUYOY MUCUW NAŊ 24:12

Ar nah na, Zoˀakiŋ, buy Zuda ati mumuŋ naŋ, gawla naŋhay, mizli naŋhay madiɗahay ati mizli ngi si mevelehaya, a ram ng'avu buy madiɗa ngi Babiloŋ. Joˀ buy madiɗa ngi Babiloŋ a gica Zoˀakiŋe ar dangay, naɓa Zoˀakiŋ a ɓul di i vi midangafaɗ naŋ angi zuma buyo.

BUYOY MUCUW NAŊ 24:17

A dirba nah na, buy madiɗa ngi Babiloŋ a cifi buy ar li ngi Zoˀakiŋ, i Matatiyas, jamba naŋ, waɗ a mbiɗaŋ slimiɗe, a zilaka Sedesiyas.

ZEREMI 21:1

Bumbulvuŋ a ɓa mingiɓi naŋ da Zeremi, hirak ti buy Sedekiyas mislina Pasehur mangal ngi Malkiya waɗ masay Sefaniya, mangal ngi Maˀaseya, ɓa a ɓaka Zermi na:

ZEREMI 22:24

Kaɓa ya misi ti siifa gisiŋ na, Koniya, mangal ngi Zoˀakim, buy Zuda, da ko a tiri le i gwat ngi ɗuva haŋ ɗu mikaˀ avu haŋ hazum ɗu kwana, i sa mburca avra. I ya Bumbulvuŋ maɓi.

ZEREMI 22:28

Mizli a cufuɗam vu: «Mbur mazilaka Koniya vuna, naŋ kaɓa kukulum muwaha le, mawuɗam mata, zlaɗ avra wãˀ kwa? Na a ɓulaka taŋ ati ziri naŋhaya, zlaɗ nga ruwuy taŋ misinaka ta na vur mike?

ZEREMI 24:1

Yekoniya mangal ngi Zoˀakim, buy madiɗa ngi Zuda ati mizli madiɗa migi slra ngi Zudahaya, mizli misina ɗiya gwatay waɗ miɗiya faɓuruhoy cek na, Nabukodonozor, buy madiɗa ngi Babiloŋ, a ja baɗ ti Zeruzaleme nga Babiloŋ. A dirba nah, Bumbulvuŋ a bigiy uruf kiɗgil cuw, taˀtaˀ gweˀ gweˀ cuw taŋ arleˀe, ar hay ngi Bumbulvuŋ.

ZEREMI 34:2

Bumbulvuŋ Buymisemuŋ ngi Israyele, a ɓi na: «A ra luuma Sedekiyas buy Zuda, yawwa, ɓaŋ ani kuy kuy: Bumbulvuŋ a ɓi na: i wuɗ i vula walahay hana asi haŋ ngi buy madiɗa ngi Babiloŋ, a sa ɗuvaŋ vu div ɓa a wur.

ZEREMI 52:31

Amma vi kukur makir nga tarnaˀ, a dirba taŋ mijaka Zoˀakim buy zuda nga ruwuy mulaka, a ram di le, hin mizli ngir cuw nga zlum ngi kiya mukuruˀ nga cuw naŋ na, Evil-Merodak, ar vi naŋ micifi buy a Babiloŋ vuna si na, a ga mezle da Zoˀakim buy Zuda, a bi di tir dangay avra.