ZEREMI 33:2 - Bible en langue guiziga

² Bumbulvuŋ miga gwatay, Bumbulvuŋ miɗiya gwatay, ɓa t'ada nga taŋ nga taŋ a ɓi na, slimiɗ naŋ Bumbulvuŋ:

ZEREMI 33:2 ပူးပေါင်းရင်းမြစ်များ

EZAYI 37:26

I toho ɓi nah a kwacay ɗu, zleˀ nga dana ta, mukicuwa taŋ diga zlezle ɓa a gam i ya na, ki si na takwa Senakerip? Wurenna, yi ra kiɗa mi taŋ muduba. Walahay muguno le gun gun ti moholoyo, masa waha taŋ ɓa a tiram ɗugur zikitiŋ zikitiŋ i ka.

BI NGI ISRAYELEY 15:3

Bumbulvuŋ i migi vurum madiɗaŋ, a ndila le ɓa a zilakaŋ Bumbulvuŋ.

BI NGI ISRAYELEY 6:3

Yi biga vu le da Abraham, da Izak waɗ da Zakopo ti slimiɗ nga ya Buymisemuŋ misi ti gidaŋ wãˀ gar, amma ɓa taŋ a sinikiy ti slimiɗ ɗu ‹Bumbulvuŋ› na, i biga taŋ di ta.

ƁIMUNJUYO 21:10

ˀUf Mipal a ci angi ya, a zuɓiy faw nga hirnga muwã madiɗa, migilaŋ. Joˀ a bigiy Zeruzalem, walahay mipal, ara po sar ti muŋ, ti ciki Buymisemuŋ.

EZAYI 62:7

Yo anja ki pulikiy i musuk vu ta, hã i ɗiya Zeruzaleme, hiri naŋ a muŋ, yo hã i ga, ɓa hirwuy keɗeɗe a hunuma Zeruzaleme.»

EZAYI 43:21

I mizli ya miga taŋ da ya, ɓa a gikiy dudoko.»

EZAYI 43:1

Wurenna, kum mizli ngi Zakopoy, kum Israyeley, ya Bumbulvuŋ mugukum, ya mbur mundurukumo, i ɓukum na: «Ki zluwunam ta, asi yi mbuɗo hirnga kumo le, i zulukum le daɗ daɗ ti slimiɗ kum, kum inga yahay.

EZAYI 14:32

Mislin ngi Filistihey na, i mbiɗaka taŋ di mbrike? I sa ɓaka taŋ na: «Bumbulvuŋ a pa ruwuy Siyoŋ le ti haŋ naŋ.» Yo mizli naŋhay mihina hirngahaya, a roko pulam vu a diga.

DIMISEY 102:16

Sukwi ngi mizli ngi si ruwuy gar, a sa zluwunam ti ka Bumbulvuŋ, yo buy madiɗa ngi si ruwuyoy gar, a sa sinaka dudok ɗike.

DIMISEY 87:5

Amma vur Siyoŋ, zliv i ɓam ani: Mbur gar na, a yakaŋ a diga, i Buymisemuŋ Mimadiɗa ti haŋ naŋ muɗuva virzi ngi walahay nah!»

ƁIMUNJUYO 21:2

Keɗ na, walahay madiɗa mipal, Zeruzalem nawaya, ara po sar paɗ a muŋ ti ciki Buymisemuŋ. A juw vu le kaɓa ngwas miɗiya vu naŋ le ngi kutuko zil naŋ ngi sliˀi.

HEBEREY 11:16

Amma taŋ, a hĩyãm di i hirwuy mimezle da taŋ wãˀ, mbiɗeˀvra: li ngi muŋ. Vurˀe, mesem anta ga Buymisemuŋ asi taŋ mazilakaŋ i Buymisemuŋ taŋ na ta, asi mike na, a ɗiya taŋ walahay madiɗa le.

HEBEREY 11:10

Asi mike na, Abraham a kutuk di i walahay, virzi naŋ muɗuvaka na, naŋ gidaŋ gidaŋ, miwi naŋ ati mindir naŋ, i Buymisemuŋ vuna.

AMOS 9:6

Mbur mandira viŋ naŋhay a muŋ, waɗ masirta hirwuyo ti naŋ kaɓa viŋ, yo mahila yam ngir mubuliye, a pa tisl da hirwuyo na, slimiɗ naŋ Bumbulvuŋ.

AMOS 5:8

Mbur miga wurzlaŋ miɗiɗa slahay ati wurzlaŋ mipi hiriheye, yo luvuŋ a tiri di li mawun njahha ngi mipriki, papasa, a tiri di duvuɗu, a hila yam ngir mubuliye, a gujaˀa da hirwuyo na, a zilaka Bumbulvuŋ.

ZEREMI 32:18

Ki biga gi mezle ɗike, hã avu dideˀ dideˀ durmuku. Amma ziri, mungra ngi miyi taŋhay migaka na, ki pula ɓa mawurkaka i taŋ. Ka Bumbulvuŋ madiɗaŋ, miwirwir ngi vurumo, slimiɗ ɗike: Bumbulvuŋ misi gidaŋ wãˀ!

ZEREMI 10:16

Buymisemuŋ, i zlili ngi Israyel, naŋ na, naŋ kanah ta, miga gwatay gar i naŋ, yo sukwi Israyele i mi nga naŋ. Bumbulvuŋ misi gidaŋ wãˀa, i slimiɗ naŋ.

ZEREMI 16:21

Yawwa, i sa vula taŋ sin, wurenna i wuɗ i biga taŋ gidaŋ ɗu, dar a sa sinaka, a zilikiy ya «Bumbulvuŋ»

ZEREMI 51:19

Amma naŋ lum ngi Israyele, yo naŋ migi gwat gara, naŋ ka taŋ na ta. Israyele kwana, i sukwi ngi si ruwuy naŋ, Bumbulvuŋ misi gidaŋ wãˀa, i slimiɗ naŋ!

EZAYI 42:8

Bumbulvuŋ i ya, slimiɗ ɗu naŋ kanah, y'anta vula dudok ɗu da mbur mekelem ta, ko da kulihey kwana, hunum, mahunumikiy na, y'anta vula taŋ di ta.