ZEREMI 32:2 - Bible en langue guiziga

² Ngi hin nah na, soje ngi Babiloŋhoy a ndahaka Zeruzaleme ndah, naɓa Zeremi i migica le giceˀ a wazlaray sojehey a hay buy Zuda.

ZEREMI 32:2 ပူးပေါင်းရင်းမြစ်များ

BUYOY MUCUW NAŊ 25:1

Nabukodonozor, buy madiɗa ngi Babiloŋ a ndilawa ti zigiduw naŋhay a Zeruzaleme. A ndahaka hirnga ngi walahaya ndah, waɗ a ndiram hayay midika hirnga taŋ ti dik gun gun walahaya. Naɓa ti di nah na, buy Sedesiyas a ɓul di i vi mungoltir naŋ angi zuma buyo angi hin mukuruˀ ngi kiya mukuruˀ naŋ.

NEHEMI 3:25

Palal, mangal ngi Uzay a gi slra ar wala ngi zlirɗi ngi ati hay musubur vay ngi muŋ, misi avu hay ngi buy, gweˀ avu mamay dangay. A dirba naŋ, i Pedaya, mangal ngi Paros.

DIMISEY 88:8

Himaˀ ɗik a jiy le hirasl a ruwuy kaɓa gwat mududoko, ki mbizla le kip ar yakaɓa diɓel ngi yam a mizaw.

ZEREMI 32:3

Migicaŋ i Sedekiyas, buy Zuda, a mbiɗaŋ hirnga, a ɓaŋ: ki til miki ɓi na: «Bumbulvuŋ a ɓi: I sa vula walahay hana asi haŋ ngi buy madiɗa ngi Babiloŋ, a sa tiɓaŋ.

ZEREMI 32:8

Hanameyel, sukum ɗu ngi jamba tuwa, a so ng'avi ya, a wazlaray sojeheye, kaɓa Bumbulvuŋ miɓiy di zleˀe tuwa, dar a ɓiy: «Hiɗika guva ɗu misi a Anatot, angi hirwuy ngi Benjameŋ na, asi muzuma hay i ka, yo misi ti jiviɗ ngi mbiɗa hirnga ngi guva i kaha, hiɗika so.» Akẽh na, i cine le kwaŋ muduba, i Bumbulvuŋ maɓiy.

ZEREMI 33:1

Ti Zeremi muro giceˀ a wazlaray sojehey aruŋ tuwa na, Bumbulvuŋ a ɓaŋ ani ava ma.

ZEREMI 34:1

Nabukodonozor, buy madiɗa ngi Babiloŋ ati soje naŋhay gar, yo zuma buyoy naŋ miwa taŋ ngi si ruwuy gar waɗ mizli gar na, a ndahaka Zeruzaleme le ndah ndah ati prok naŋhaya gar. Bumbulvuŋ a ɓa mingiɓi naŋ da Zeremi ti di nah.

ZEREMI 36:5

A dirba nah, Zeremi a ɓa Baruko: «Ani a tikikiy le ngi ci ng'ar hay ngi Bumbulvuŋ.

ZEREMI 37:15

Mizli madiɗa ngi buyoy a jam mevel angi Zeremi, a kiɗakaŋ, dar ara gicaka ar viŋ ngi Yonataŋ, mbur mutoho gwata, asi a ndiram hay ngi dangay le a hay naŋ.

ZEREMI 37:21

Dar buy Sedekiyas a ɓi ɗaˀ, a pulaka Zeremi a wazlaray mijigina hayaya, yo vur hin gar na, a vulakaŋ ɗaf bulngus misi avu mizli misi ɗafahay macifam taŋ a jiviɗ madiɗahay na, hã ɗaf mikiɗ mi le ar walahaya. Naŋ kahana, Zeremi a ndir a wazlaray mijigina hayaya.

ZEREMI 37:4

Ti nah na, Zeremi ara liˀi a wuzla mizli ka naŋ muwuɗ, naɓa a cakaŋ ar dangay t'aruŋ.

ZEREMI 38:13

A ɗiɗoko Zeremi tuwa ti zeweɗe, a boko di tir vigiɗe. Zeremi a ndir a wazlaray mijigina hayaya.

ZEREMI 38:6

A zuɓaka Zeremi tuwa, ara hizigaka ng'ar vigiɗ ngi yam ngi Malkiya, mangal ngi buy. Vigiɗ ngi yam nah vuna, naŋ a wazlaray mijigina hayay, a caka Zeremi ng'ar vigiɗe ti zeweɗe. Yam anta ar vigiɗ vuna ta, sey ndileɓe. Zeremi a ci sirif ng'ara.

Matiye 5:12

Mumulom, zluzluɓam, asi a sa wurkukum haɗi a muŋ, vur mijiviɗ mudumbuŋhoy ar kumo, a sipaka taŋ le nder nder zleˀe kanah ya.