ZEREMI 30:3 - Bible en langue guiziga

³ Ya Bumbulvuŋ i ɓi na: Hin ara ndilawa, Israyel, mizli ɗuwoy waɗ Zudahaya, i sa ɗiya taŋ a muŋ. I sa mo ti taŋ nga ruwuy, ya muvula zleˀe da dideˀ taŋhay na, a sa zumakaŋ. I ya Bumbulvuŋ maɓi.»

ZEREMI 30:3 ပူးပေါင်းရင်းမြစ်များ

ESDRAS 3:1

Israyeley a cifam le ar walahay taŋhaya. Kiya mitarnaˀ naŋ ngi vi mindilo na, a kusom ti mevel purla a Zeruzaleme.

ESDRAS 3:12

Mizli haɗi a wuzla masayay, levihey, buy ngi hay ngi wuzla mizli misi vi haɗa haɗahaya, mupuraka hay ngi Bumbulvuŋ misi zleˀe ti hiri taŋ na, a tuwam ti gidaŋ, naɓa ara ɗuvaka virzi ngi hay nawaya ngi Buymisemuŋ. Amma mizli haɗa ara jam salalay aya.

ESDRAS 3:8

Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

DIMISEY 126:4

Bumbulvuŋ ɗu, mizli ndra mija ng'ar beke zleˀe na, mo taŋ a muŋ, kaɓa mizaw mihisikahay le, ka ma naha taŋ ti yam.

DIMISEY 53:6

Ar li taŋ majijikam kirkir na, gwat ngi jijik kirkir aseˀe vuna anta ngbaŋ, asi mizli misi mevel malambaˀ avu mizli naŋhay na, Buymisemuŋ a zliɗa tesl taŋhaya le pal pal. A sa hinam hirnga, asi Buymisemuŋ a zliɗa taŋ le avra.

ZEREMI 16:15

Amma a sa ɓam jak na: «Bumbulvuŋ misi ti siifa, mumo ti Israyeley ti ruwuy vay muŋ, yo tir lihey naŋ mizliɗa taŋ hirnga zleˀe na, naŋ ti siifa!» Haˀaw, i sa mo taŋ ng'asi ruwuy ya muvula zleˀe da dideˀ taŋhay na.

ZEREMI 23:5

Hin ara ndilawa, tapasa, i sa bo ti mikwanay ngi Davite: i buy mindila zuma buyo le, a sa cik vu a hirnga ɓimujuwa mitaˀ gar waɗ a hirnga ɓi mijeŋŋe asi ruwuyo. I ya Bumbulvuŋ maɓi.

ZEREMI 27:11

Da sukwi mitiɓa luwa galalaŋ ngi buy madiɗa ngi Babiloŋ le asi ˀay naŋ, yo ara gi gawla naŋ na, i sa pulaŋ a cifi zuy zuy asi ruwuy naŋ, a sa huva hirwuyo, yo a sa cifi ara I ya Bumbulvuŋ maɓi -

ZEREMI 27:22

‹A sa hilaka taŋ nga Babiloŋ, a sa ndiram a diga, hã tapas ya masa ki slimiɗ ar taŋ, i sa mo taŋ kasl ar li hana a muŋ. I ya Bumbulvuŋ maɓi.›»

ZEREMI 29:10

«Ya Bumbulvuŋ i ɓi na: ‹Da zumabuy ngi ruwuy Babiloŋ a naha vi naŋ le kukur tarnaˀ na, i sa ki slimiɗ ar kum, ɓi ngi mo kum ng'ar li hana, ya muɓukum di ɗaˀ le zleˀe tuwa na, i sa ga muduba.

ZEREMI 29:14

Dar yi sa pula vu ɗu mbak ɓa ki lumikiy. I ya Bumbulvuŋ maɓi. I sa ɗiyukum ka misi zleˀe na a muŋ, i sa cukulo hirnga kumo ti wuzla sukwi ngi mizli gar, tir lihey ya muzliɗukum hirnga mber mber ng'ara na gar. Joˀ i sa mi ti kum nga ruwuy ya mujukum baɗ ara na. I ya Bumbulvuŋ maɓi.

ZEREMI 3:18

Tapasa, mizli Zudahay a sa jumom ng'avi Israyeley. A sa moko zingif zingif tir vay muŋ nga hirwuy, ya muvula da dideˀ taŋhay, ɓa a ndir da taŋ na.

ZEREMI 30:10

Ka gawla ɗu Zakopo, ki zluwun ta. Israyel, ki pula vu ɗike, ki hĩhĩy ta! I sa loho ka ti ngi hirwuy mikileŋ kileŋheye, yo i sa loho dideˀ ɗikeye ti ruwuy mujukuw ng'ara na. Zakop ara mawa, naŋ anta zluwun mata, ara pul vu, ko mbur magaŋ zluwun anta. I ya Bumbulvuŋ maɓi.

ZEREMI 30:18

Bumbulvuŋ a ɓi na: «I wuɗ i cifa hay ngi Zakopo hiri naŋ a muŋ, i sa pura ircece da mizli ngi raˀahaya: walahaya gar na, a sa ndiraka ar li naŋ miɗingir na a muŋ, hay mezle gar kwana, a sa ndiraka ar li nga naŋ nga naŋ a muŋ.

ZEREMI 30:4

Mingiɓi, Bumbulvuŋ miɓa ɗaˀ le da Zeremi vur Israyel waɗ vur Zuda na ani:

ZEREMI 31:16

Amma Bumbulvuŋ a ɓi na: «Tewle Rasel! Ki widi mata, sohõ tuwuyo! I sa wurukuw migir ɗike, ziri ɗikey a sa moko ti ruwuy mesene taŋhay a muŋ. I ya Bumbulvuŋ maɓi.

ZEREMI 31:23

Bumbulvuŋ misi gidaŋ wãˀ, Buymisemuŋ ngi Israyele, a ɓi na: «Ti ya misa ɗiya Israyele le hiri naŋ muŋ na, a sa ɓaka ɓi ani angi hirwuy Zuda waɗ angi walahay naŋhaya: Ka li migi kiita mijeŋŋe, muwã mipal, anja Bumbulvuŋ a ɗuwuluw mi!»

ZEREMI 31:27

Hin ara ndilawa, tapasa, angi Israyel ati Zuda, i sa zliɗa hirnga ngi mizli ati ginew taŋhay ar li gar, kaɓa mazliɗam hilfa ngi daw mosoko. I ya Bumbulvuŋ maɓi.

ZEREMI 31:31

Hin ara ndilawa, i sa ɗiyi ɓi ngi jumoˀay nawaya ati jum ngi Israyeley waɗ jum ngi Zudahaya. I ya Bumbulvuŋ maɓi.

ZEREMI 31:38

Hin ara ndilawa, tapasa a sa ndiraka walahaya hiri naŋ a muŋ da Bumbulvuŋ, zle avu hay musubur ngi Hananeyel, hã avu mizlingre ngi zlirɗi. I ya Bumbulvuŋ maɓi.

ZEREMI 32:37

i sa cikilo hirnga taŋ tisi ruwuy gar, ya mizliɗa taŋ hirnga mber mber nga diga ti mevel, waɗ ti himaˀ fõh fõh haɗa na. I sa mo taŋ nga diga, i sa cifa taŋ, a ndiram setete.

ZEREMI 32:44

A sa wam dala ti kilo ngi hiɗika guva, a sa tohom ɗerewol ngi cikili ngi guva, a sa ɗuvam haŋ taˀ taˀ angi ɗerewol a mbuŋ sedewohoy miziloko taŋ le. Hana gar na, a sa gi asi hirwuy Benjameŋ, ar prok ngi Zeruzalemey, angi walahay Zudahay, hirwuy ngi muwãhay, hirwuy vay mukutukoy ati hirwuy vay ruwuyoy, asi i wuɗ i mo taŋ nga ruwuy taŋ a muŋ I ya Bumbulvuŋ maɓi.»

ZEREMI 33:26

dideˀ ngi Zakop ati ngi gawla ɗu Davite, ɓa i zliɗa taŋ avra na, a gi kwa? Sukwi ngi Abraham, ngi Izak waɗ ngi Zakopo, i pula wini mizli a wuzla taŋ ngi cifi buy ar taŋ teˀ sukwa? Kanah ta ndiɗaˀ wãˀ! I sa mo taŋ ng'ar li taŋ muŋ, asi i pura taŋ geˀ ircece.»

ZEREMI 51:60

Bonoy masa gi a Babiloŋ gar na, Zeremi a toho taŋ gar jom ng'ar ɗerewol purla: i mingiɓi mubo taŋ dumbuŋ a hirnga Babiloŋ na.

EZEKIYEL 20:42

Ti ya misa ndil le ti kum angi hirwuy Israyel, hirwuy ya muhudum vurˀe, haŋ paɗ a muŋ, i sa vula da cine kumoy na, kisa sinaka, yi Bumbulvuŋ.

EZEKIYEL 34:13

I sa bo taŋ ti wuzla mizli, i sa cikilo hirnga taŋ ti ngi hirwuy wal wala, i sa mo taŋ ng'asi ruwuy taŋ. I sa jigina taŋ a muwã Israyeley, a mi zlazlaray waɗ angi li misi mizli ara ara gar.

EZEKIYEL 36:24

Naŋ kine, i sa bo ti kum ti wuzla sukwi ngi si ruwuy kum misi anga gar na, i sa kuso hirnga kumo, dar i sa mi ti kum nga hirwuy kum a muŋ.

EZEKIYEL 47:14

Ki sa wuɗkaka li rak rak, mbur gar ti nga naŋ ti nga naŋ, asi i hudum le haŋ paɗ a muŋ ngi vula da cine kumoyo. Hirwuy hana a sa ndir i mi ngi kum.

ZOWEL 3:1

Buymisemuŋ a ɓi: «A dirba nah na, i sa po ˀUf ɗu ar mbur titira gar. Ziri kum mizilehey ati mongosohoy, a sa ɓam ɓi ngi gwat masa gi tumbuŋ, midigila kumoy a sa musuwunam, yo gawla ati diili kumoy a sa puram ti kleŋ.

SOFONI 2:7

Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

SOFONI 3:20

Hirak ti nah na, i sa mo ti kum, a sa gi tapas ya masa kuso hirnga kum na. Slimiɗ kumo a sa zil, yo i sa ɗuvukum hirnga, a wuzla mizli ngisi ruwuyoy gar, tapas ya masa mbiɗa gwat masa gi avu kumo, a mihiri kum na, i ya Bumbulvuŋ maɓi.

Ɓimezle ngi Yesu Kristu LUK mitil di mi 17:22

Dar a ɓa mizli ngi seˀeheye: «Hin a sa ndilawa, kisa wuɗam pura hin pal a wuzla hin ngi Mangal ngi mburo, amma kum anta sa puraka ta.

Ɓimezle ngi Yesu Kristu LUK mitil di mi 19:43

Asi hin ɗik a sa ndilawa, tapasa, mesene ɗikey a sa gunukuw gun ti gwat ngi vurumoy, a sa nguslukuw ti ka ti ka gar.

Ɓimezle ngi Yesu Kristu LUK mitil di mi 21:6

«Gwat kum mapuraka hana gar na, hin a sa ndilawa, ko ɗugur masa ndir jirngasl a hirnga cala anta, a sa mbizlaka gar avra.»

Slu cuw 30:3

Bumbulvuŋ Buymisemuŋ kumo a sa mbiɗa cifi kumo, a sa bugukum gi mezle naŋ, a sa mo ti kum ti ngi ruwuyoy gar naŋ mizliɗukum hirnga ng'ar taŋ zleˀe tuwa.

Slu cuw 30:5

Bumbulvuŋ a sa mo ti kum nga ruwuy ngi dideˀ kumoy zleˀe, a sa ndir da kum, a sa vulukum cira hiri, yo kisa sikam haɗi fineˀ dideˀ kumoyo.

HEBEREY 8:8

Amma Buymisemuŋ a lum malambaˀ le avu mizli naŋhaya, a mbiɗa taŋ hirnga, a ɓa taŋ: «Ya Bumbulvuŋ i ɓi na: ani, hin ara ndilawa, tapasa, i sa jum ˀay nawaya ati Israyeley waɗ Yudeheye.