ZEREMI 3:9 - Bible en langue guiziga

⁹ Naŋ muwuluk ta wãˀ, yo gi gwat naŋ ka ɓi ngi sefel tuwa na, joˀ hirwuy a hiryi aseˀe. A gi madama ati kuli ɗugur waɗ kuli dumoy.

ZEREMI 3:9 ပူးပေါင်းရင်းမြစ်များ

EZAYI 57:3

Kum ziri mizlile ngi ngwas misi cucukoy, kum dideˀ ngi ngwas migi madama, ngi ngwas sulome, kirohoko ng'aka,

EZAYI 57:6

Kikirzleŋhey kum maguɗumaka taŋ ar hurjijiŋ na, mi ngi kum i nah so. Ki puslam di i taŋ ti mbaazla, ki zlumam taŋ gwat ngi mikuli. Bumbulvuŋ a cufuɗu: «Tayna gar na, ɓa a tislikiy mevel sukwa?»

ZEREMI 10:8

Taŋ cek i gilaway, manja lesley. Mudubuna taŋ gwata i dum ngatara lambaˀ.

ZEREMI 16:18

Mungra taŋ madiɗa ati zluɓa ɓi taŋ na, i zla virzi naŋ ti pula bol nah ar taŋ makaw cuw wãˀ, asi a hiryaka sukwi ɗu le ti maara ngi kuli taŋhay na, yo a hiryaka sukwi ɗu le ti kuli taŋhay mukuyta wãˀhay na.

ZEREMI 2:27

Ki ɓaka kuli dumo: «Ki cine ɗu!» Kuli ɗuguro ma na: «Miyiy i ka.» Haˀaw ɓula ni! Ɓa ki puroko hiri ng'avi ya jak na, ki mbiɗikiy di i duba. Amma da bonoy mulumukum le lum ɓula na, ki ɓikiy: «Kilawa, laha ndra takwa!»

ZEREMI 2:7

Yi ci ti kum le ar hirwuy misi widis ngi zumoy kiŋ, ɓa ki zumaka yi taŋhay ati zlili ngi raˀahaya. Amma kum micam kulaˀ angi hirwuy ɗu na, ki hiryaka ti hiryi jaka, yo hirwuy ɗu, ki tiram di gwat mukuyta wãˀ naŋ.

ZEREMI 3:2

Inga zuɓa hiri paɗ nga jiviɗi, pur ɗi: li ɓa ki gi madama ara ta na, ada kwa? A ciki jiviɗ kwana, ki cifi le joˀ ngi kutuko mizli, kaɓa mbur Arap a wuzlaɓuh mikirɗak kirɗak. Ki hirya hirwuyo le, ti gwat ngi gi ɗik mijeŋ ta, waɗ ti sulome ɗik na.

EZEKIYEL 16:17

Gwat mimezle ɗik ngi ɗiyavuhoy, ɓiri tapasl tapasl ati ɓiri bara, ya muvuluw taŋ tuwa na, ki vuɗ taŋ kuli ziley, joˀ ki vula vu ɗike ngi gi sulome ati taŋ.

EZEKIYEL 23:10

Joˀ taŋ a pulakaŋ virzi ti mi, a hilaka ziri naŋ mizile ati mongosohoyo, a kiɗakaŋ ti maslalam. Ɓi migi ava gar na, ɓa ngwasay a purakaŋ. Mizli a gakaŋ kiita, a jaŋ le.

EZEKIYEL 23:21

Ki mo le ar sulome ɗik misi ti zuŋ na a muŋ, ti di Eziptehey matutumukuw ɗuwa ɗik mijaka haŋ ɗaˀ ava ta ati didak ɗik mikam haŋ ɗaˀ ara ta tuwa.

EZEKIYEL 23:3

A tiram sulomehey a Ezipte, ar diili taŋ kine aruŋ. Ɗuwa taŋ mijaka haŋ ɗaˀ avu taŋ ta na, a tutumaka taŋ di le a diga, a kaka taŋ haŋ le a didaka.

Ɗerewol OZE 2:2

Mizli Zudahay ati Israyeley, a sa kusom, a sa zuɓam buyo purla, a sa waka hirwuyo asi a sa gi i hin madiɗa ngi Zizreyel.

Ɗerewol OZE 4:12

Mizli ɗuwoy a cufuɗaka mingiɓi avu kuli dum, yo madubuna taŋ gwata, i mihaŋ naŋhay, asi wuluk ngi gi sulome ara zizaŋ, yo taŋ magam sulome tuwa na, ara muɗaka vu taŋ tivu Buymisemuŋ taŋ avra.

ZOWEL 1:19

Ya matil mi na ng'avi ka Bumbulvuŋ: vu ara zuma li jigina ginewey a ɓuh, irne vu njilim njilim, ara zuma widis ngir guvahaya cek.

HABAKUK 2:19

Misliŋvu miɓaˀ a ruwuyo ki ɓakaŋ: «Slikiɗi.» Malla ɗugur muro lek leke, ki ɓakaŋ: «Puɗuku.» A dubunukum gwat gu kwa? Da ko naŋ sirit ti ɓiri tapasl tapasl malla ti ɓiri bara kwana, ko musuwun fiɗek anta avu taŋ ta na si.

Matiye 5:32

Amma ya i ɓukum na: da mbur a ɓula ngwas naŋ le, yo da ngwas nah a sliˀi mbur mekelem le na, naɓa a ɓula nga gi madama, sey da a zuɓam vu zleˀe ka ɓimujuwa mawuɗ ta far Mbur muzuɓa ngwas nah le kwana, naɓa ara gi madama ya.