ZEREMI 3:8 - Bible en langue guiziga

⁸ Israyel mapula sipi jiviɗ na, yi ɓulaŋ le asi gi madama naŋ na, yo i vulaŋ ɗerewol ngi ɓul naŋ le. Amma sukum naŋ mongoso Zuda miteŋteŋ ta na, a pura le ngbaŋ, ti nah gar na, ko zluwun a gaŋ neˀ le ta, a zla a gi sulome ya.

ZEREMI 3:8 ပူးပေါင်းရင်းမြစ်များ

ƁI NGI HINEY MUCUW NAŊ 21:11

Zoram vuna, a ɗiyi li miɗingir ɗingirey le ngi gi mikuli a muwã Zuda, a hizigiɗa Zeruzalemeye ng'ar sulome, yo ɓa Zudahay a ndiram teŋteŋ avu Buymisemuŋ ta.

EZAYI 50:1

Ya Bumbulvuŋ i ɓi na: «Da yi ɓula Zeruzalem, mumuŋ kumo le na, ɗerewol mabiga, i ɓula le vuna naŋ maka? Malla mbur muhuɗukukum avu ya, kaɓa bekehey vuna naŋ maka? Puraka ɗi, ya muhuɗukukum avra na, asi malambaˀ kum. Yo ya muɓula mumuŋ kum na, asi slikiɗa ɓi kum.

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

ZEREMI 3:1

Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 33:24

«Mizli tayna a waka na, kaɓa ya Bumbulvuŋ i zliɗa sukwi muwuna mucuwoy na le zlaɗ, ki ra pura takwa? Yo ma na, ara puraka mizli ɗuwoyo hiris le kaɓa i sukwi avu taŋ mata.

ZEREMI 5:7

«Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

EZEKIYEL 16:46

Sukum ɗik mongoso madiɗa, i Samari mujoˀ ti hay naŋ tir vay gula ɗik ati ziri naŋ mongosohoy na. Sukum ɗik mongoso mijingaˀ ɗike, mujoˀ ti hay naŋ tir vay hazum ɗik na kwana, i walahay Sodom ati ziri naŋ mongosohoy.

EZEKIYEL 16:47

Ki sipi di i jiviɗ ngi gwat ngi gi taŋ tew ta, yo ki gi di i gwat taŋ mukuyta wãˀ na tew ta, naŋ preˀe. Ar sipi jiviɗ ɗik ar gwat ngi gi taŋ gar na, ki biga le, ki mihirya mifineˀ taŋ.

EZEKIYEL 16:51

Dambalaka na, mungra ɗikey, ka miga taŋ na, ko Samari a ga reta naŋ vuna ta. Ki gi gwat mukuy tahay wãˀ fineˀ nga naŋhay. Gwat ngi gi ɗik mukuyta wãˀ na, weˀ avu ngi sukum ɗik mongosohoy na, ko taŋ a gam gwat malamabaˀ neˀ le ta.

EZEKIYEL 23:44

Mizli ara ram ng'ava kaɓa maram ng'avi ngwas sulome! Mizli maram ng'avi Ohola ati Oholiba, ngwas kwelegwerey na, kanah.

EZEKIYEL 23:9

Vurˀe, yi pulaŋ mbak asi haŋ ngi mangasl naŋhaya, asi haŋ ngi Asirihey, naŋ mibiga may zil naŋ avu taŋ tuwa.

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

Slu cuw 24:1

Da kaɓa ani, mbur a zuɓ ngwas a sa zla a wuɗ mata, asi a pur gwat ngi mbiɗaŋ hirnga le ava. Kanah na, a tohoŋ ɗerewol ngi ɓula ngwasa toh toh, a vulaŋ di, a ɓula ti hay naŋ avra.

Slu cuw 24:3

Da mbur naŋ muzuɓa tuwa, a wuɗ mata ma na, a tohoŋ ɗerewol ngi ɓula ngwasa toh toh, a vulaŋ di, a ɓula ti hay naŋ avra. Malla ta, mbur vuna, a muc le ti mucu,