ZEREMI 3:2 - Bible en langue guiziga

² Inga zuɓa hiri paɗ nga jiviɗi, pur ɗi: li ɓa ki gi madama ara ta na, ada kwa? A ciki jiviɗ kwana, ki cifi le joˀ ngi kutuko mizli, kaɓa mbur Arap a wuzlaɓuh mikirɗak kirɗak. Ki hirya hirwuyo le, ti gwat ngi gi ɗik mijeŋ ta, waɗ ti sulome ɗik na.

ZEREMI 3:2 ပူးပေါင်းရင်းမြစ်များ

ZLI VIRZI 38:14

A cuko zana ngi wudiga avra, a sirta vu sirit sirit ti lafaye, ko mbur a sinaŋ mata, dar ara cifi a mizlingre ngi walahay Enayim, a ciki jiviɗ ngi Timna. Asi a pura na, Sela a gil le ngbaŋ, amma ko a vulakaŋ di ɓa a gi di ngwasa ta.

BUYOY MUDUMBUŊ NAŊ 11:3

A zuɓ ngwas skat skat tarnaˀ ngisi sukwi ngi buyoy, waɗ ngwas ngisi sukwi mizlewey skat skat makir. Ngwas tayna a mbiɗakaŋ avu jiviɗ naŋ ngi sipi.

BUYOY MUCUW NAŊ 23:13

Li miɗingir ɗingirey ada magam mikulihey ar taŋ, taŋ hiri taˀtaˀ angi Zeruzaleme, kini tir vay ruwuy muwãˀ ngi ziza vu, buy a hirya taŋ. Li tayna i buy Salomoŋ mindira taŋ zleˀe ɓa ngi huruk huruk ar taŋ a mbuŋ kuli Astarte, kuli ngwas malambaˀ naŋ kuyta ŋwa ˀngi Sidoŋhoy, da Kemos, kuli zil malambaˀ naŋ kuyta wãˀ ngi Moˀapay, waɗ da Milkoŋ, kuli malambaˀnaŋ kuyta ŋwa ˀngi Amoŋhoy.

DIMISEY 106:38

Mizli migam gwat ta si na, a paka pumbus taŋ, a pam di ngi ziri taŋ mizile ati mongosohoy, taŋ migam ti taŋ mikuli da kuli ngi Kanaˀanay tuwa, mbak hã pumbus taŋ a ɓul gap gap, a hirya hirwuyo gar.

MIKUCUWULOY 23:28

Ngwas nah na, a jiɗ vu kaɓa mufuyo vu, a ga ɓa mizli musloh slohoy a jam haɗa a wuzla mizli.

MIKUCUWULOY 7:11

Ngwas nah a wus haɓar haɓar, naŋ anta cifi teˀteˀe ta, naŋ anta cifi virzi a hay naŋ ta ma.

ZEREMI 12:12

Mihirya gwataya, ara zuɓoko jiviɗ ngi wuzlaɓuh mikirɗak kirɗakaya gar. Maslalam ngi Bumbulvuŋ, ara zuma hirwuyo, hã a mivay naŋ ti ka ti ka gar: mbur muzuy zuy anta ko loŋ mata.

ZEREMI 2:20

Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

ZEREMI 2:23

Ki zlaka avu mi ɓa ki ɓam: «Ndr'anta ti dili ta, yo ndr'anta sipaka Baˀala ta» naka? Inga puraka gwat ngi gi kum ar sozo na kwaɗay, sinaka gwat kum migaka na ayɗi. Ki bam vu ati zlogomo njawal maru ti kil ngiŋ ngiŋ lambaˀ!

ZEREMI 2:7

Yi ci ti kum le ar hirwuy misi widis ngi zumoy kiŋ, ɓa ki zumaka yi taŋhay ati zlili ngi raˀahaya. Amma kum micam kulaˀ angi hirwuy ɗu na, ki hiryaka ti hiryi jaka, yo hirwuy ɗu, ki tiram di gwat mukuyta wãˀ naŋ.

ZEREMI 3:1

Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 3:13

Amma si na malambaˀ ɗik na ɓula: ka mislikiɗ ɓi na, avu Bumbulvuŋ Buymisemuŋ ɗiki. Ki wus vu ngi ru aka aka ng'avi kulihey, asi widis mutukuf tukufoy gar. Ki cine mingiɓi ɗu ta. I ya Bumbulvuŋ maɓi.

ZEREMI 3:21

Widi ara cino tir li miɗingir ɗingireye, i Israyeley matuwam, yo matumbuloko Buymisemuŋ, asi taŋ mupuyukom hirnga ti Bumbulvuŋ Buymisemuŋ taŋ tuwa na, a zizam jiviɗ ti zizi.

ZEREMI 3:9

Naŋ muwuluk ta wãˀ, yo gi gwat naŋ ka ɓi ngi sefel tuwa na, joˀ hirwuy a hiryi aseˀe. A gi madama ati kuli ɗugur waɗ kuli dumoy.

ZEREMI 7:29

Ngwic hirnga kum mupulaka taŋ silip silip ngi biga kum inga yahay na, slaka taŋ, yo hizigaka taŋ avra. Zuɓaka jiviɗe ti kuɗuma tuwuy, asi mizli migwenehey maslikiɗikiy mevel da ya Bumbulvuŋ na, i hirsa taŋ, i pula taŋ zlaɗa.

EZEKIYEL 16:16

Ki hila zana ɗik mekelemeye, ki ɗiy taŋ li miɗingir ɗingir ngi gi mikulihey, joˀ ki gi sulome ar taŋ. Ɓi a gi kanah ɗaˀ ta, yo anta sa gi ta ma kini.

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

Ɗerewol OZE 2:5

Da kanah ta na, i sa cukoŋ zanahaya, i pulaŋ gulndiŋ kine, i sa pulaŋ gulndiŋ kaɓa tapas hin ngi yi naŋ, i sa tiri di kaɓa ɓuh mikirɗak kirɗaka, i sa tiri di li mumuˀulo, i sa pulaŋ ɓa a muc ti madalyam.

Ɓimezle ngi Yesu Kristu LUK mitil di mi 16:23

Naŋ masi bonoy haɗi ar li ngi mizli mumucahay na, a zuɓa hiri, keɗ na, i Abraham waɗ Lazar acikeˀeŋ, taŋ kileŋ.

Slu cuw 12:2

Kulihey misi a hirnga muwãhay, ar li miɗigirey, a wuzla widis mutukuzohoy gar na, kisa nguɓucaka taŋ avra wãˀ, asi sukwi ngi mizli kum masa ɓulaka taŋ na, ada huruk hurukam a mbuŋ kulihey vuna a diga.