ZEREMI 3:1 - Bible en langue guiziga

¹ Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 3:1 ပူးပေါင်းရင်းမြစ်များ

DIMISEY 106:38

Mizli migam gwat ta si na, a paka pumbus taŋ, a pam di ngi ziri taŋ mizile ati mongosohoy, taŋ migam ti taŋ mikuli da kuli ngi Kanaˀanay tuwa, mbak hã pumbus taŋ a ɓul gap gap, a hirya hirwuyo gar.

EZAYI 24:5

Hirwuy a hiryi le asi sar ngi mizli ngi raˀahay vuna, asi ara ngilaka ɓimujuwahaya, ɓi ngi sirikeye, a mbiɗaka taŋ le, jumoˀay taŋ ngi wãˀ ati Buymisemuŋ na, a ngilaka le.

ZEREMI 2:20

Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

ZEREMI 2:23

Ki zlaka avu mi ɓa ki ɓam: «Ndr'anta ti dili ta, yo ndr'anta sipaka Baˀala ta» naka? Inga puraka gwat ngi gi kum ar sozo na kwaɗay, sinaka gwat kum migaka na ayɗi. Ki bam vu ati zlogomo njawal maru ti kil ngiŋ ngiŋ lambaˀ!

ZEREMI 2:7

Yi ci ti kum le ar hirwuy misi widis ngi zumoy kiŋ, ɓa ki zumaka yi taŋhay ati zlili ngi raˀahaya. Amma kum micam kulaˀ angi hirwuy ɗu na, ki hiryaka ti hiryi jaka, yo hirwuy ɗu, ki tiram di gwat mukuyta wãˀ naŋ.

ZEREMI 22:20

Zeruzalem, jiɗ nga muwã Libaŋ, hiziga widi, bo ti ˀaya kaˀ a muwã Basaŋ. Hiziga widi ɓaˀ li, asi mangasl ɗikey a ngizlam le.

ZEREMI 3:22

Kum ziri mupulaka sipi jiviɗi, moko! ɓa i vulukum slalak ngi sipi jiviɗe.» «Ndra ani! I ra mam ng'avi ka, haˀaw, Bumbulvuŋ Buymisemuŋ ndra, i ka!

ZEREMI 3:9

Naŋ muwuluk ta wãˀ, yo gi gwat naŋ ka ɓi ngi sefel tuwa na, joˀ hirwuy a hiryi aseˀe. A gi madama ati kuli ɗugur waɗ kuli dumoy.

ZEREMI 31:22

Haya zuŋ ɗu mislikiɗa ɓi, kisa ndir ti liˀi kiŋ kiŋ hã ti vunaka? Bumbulvuŋ a gi gwat nawaya le asi ruwuyo: ani mabubuɗ ti mbur mizile i ngwasa.

ZEREMI 4:1

«Israyel, da ki ra mawa na, sey ki mawa ng'avi ya. Gwat ngi gi malambaˀ ɗikey mukuyta wãˀ na, da ki pula taŋ le avra ti mbuŋ ɗu na, naɓa k'anta sa ru digi kiŋ kiŋ mata.

ZEREMI 4:14

Zeruzalem, da ki wuɗ lih na, sey ki pula moˀore ɗik na wãˀ. Wuluk malambaˀɗikey na, kisa pula taŋ avra ti vunaka?

TUWUY 1:2

Vur duvuɗ gar na, a ro ar li tuwuy, kwala ceɗ ceɗ ti tuwuy. A wuzla ngama naŋhay gar na, ko mitikin naŋ ɓa a taˀa tuwuy anta. Cil naŋhay gar a vulakaŋ le ngi ji, a tiram mesene naŋhay le.

EZEKIYEL 16:26

Ki vula vu ɗike ngi gi sulome ati mizli Ezipte, midigwi ɗikey, misi dumvu taŋ gidaŋ gidaŋ na. Naŋ kine, ki ga sulome ɗike le ti vendeke, hã ngi slikiɗiy mevel.

EZEKIYEL 16:30

Gwat tayna, ka maga taŋ gar na, sulome madiɗa, kay, i hĩhĩy madiɗa a mevel ɗike! I ya Bumbulvuŋ, Buymisemuŋ maɓi.

EZEKIYEL 16:35

Ka ngwas sulome, cine mingiɓi ngi Bumbulvuŋ so:

EZEKIYEL 33:11

‹Slikiɗa ɓi ndra ati malambaˀ ndraˀahaya, t'ani hirisl hirisl ar ndra, ndra mamicam na vurˀe, ɓa i sa ndiram ti siifa zleˀe mbri mbrike?› Ɓa taŋ na: Kaɓa ya misi ti siifa gisiŋ na. I wuɗ ɓa mbur misi moˀore a muc ta, amma ɓa a mbiɗa gwat ngi gi naŋ, ɓa a ndir ti siifa jaka. Mbuɗoko hiri, pulaka gi gwat malambaˀ kumoyo. Kum Israyeley, ki wuɗam ɓa sey ki micam cummo na vur mike? I ya Bumbulvuŋ, Buymisemuŋ maɓi.

Ɗerewol OZE 1:2

Mingiɓi ngi Bumbulvuŋ miɓa ti balam Oze na, zli virzi naŋ n'ani. Bumbulvuŋ a ɓa Oze na: «Aru, zuɓ ngi ngwasa, i ngwas magi sulome vur Buymisemuŋ. Ziri kum masa ya ka taŋ ati naŋ na, i ziri ngi ngwas sulomehey, asi mike na, hirwuy taˀ gar a mbiɗa duba le da Bumbulvuŋ, ara gam sulome lambaˀ.»

Ɗerewol OZE 2:2

Mizli Zudahay ati Israyeley, a sa kusom, a sa zuɓam buyo purla, a sa waka hirwuyo asi a sa gi i hin madiɗa ngi Zizreyel.

MISE 2:10

Slikiɗam a ram, hana i pas ngi muska vu mata. Dili ɗik na, masa suw ti bonoy i naŋ, yo i bonoy ti vu ava.

ZAKARI 1:3

Ɓa taŋ na: «Ya Bumbulvuŋ misi gidaŋ wãˀ a, i ɓi ani: Moko ng'avi ya. Yo ya Bumbulvuŋ misi gidaŋ wãˀa, i ɓukum na, i sa mo ng'avu kumo. I ya Bumbulvuŋ, misi gidaŋ wãˀ maɓi.

Matiye 5:31

«A ɓam zleˀe ma na: ‹Da mbur a wuɗ ɓula ngwas naŋ le na, sey a vulaŋ ɗerewol mabiga a ɓula le.›

Slu cuw 22:21

a sa ram ti zuŋ nga mizlingre cine, mizli ngir walahaya, a sa kuyupoko ti ɗugur, hã a mucu. Naɓa ki zuɓaka malambaˀa le ti wuzla kum avra. Asi naŋ misina zil zle a hay cine na, a gi gwat ngi mesem le asi ruwuy Israyele.

MIGI KIITAHAY 19:2

Mangasl naŋ tuwa, a ji mevel anga, a kil ngi hay taŋ a Betelyem, a gi kiya mufaɗ a diga.